AMOSI 5:16 - Bibilia Kui Mdedie fo Kimochi

¹⁶ Kipfa kya isho, Mndumii-Ruwa menyi matorito ahamba ichu ai Mndumii; Kochiwada kifuhiyo kiidi kya njia tsing'anyi tsose, nawo wehenda wechihamba, Ochia! Ochia! Wechilaha mndu mdemi nache nakape kilio, na iwo waichi ifuha wakape kilio.

AMOSI 5:16 ပူးပေါင်းရင်းမြစ်များ

2MBONYI TSA MAHERI 35:25

Kyasia, mwikimbi Yeremia kasungusia kiimbo kya kilio kipfa kya opfu lo Yosia; nawo waimbi wose wa kisoṟo na wakika, wekesenda Yosia kiidi kya shilio shawo, mṟasa inu. Kikawa nyi mbuka yawo ya kilio kiidi kya Israeli. Ishi shishiṟehie kitapunyi kya Shilio.

YESAYA 15:8

Kipfa kilio kyo kitengetie mṟasa ya Moabu, ifuha lyawo lishikie Eglaimu, likawehenda mṟasa Beer-Elimu.

YESAYA 22:12

Mkonu fo Mndumii, Mndumii menyi Matorito, kalaha wandu wache wafihiṟe na ikapa kilio, na ioda njui tsawo, na iṟaa nguwo tsa masaṟa.

YEREMIA 30:5

“Nyi inyi Mndumii-Ruwa njihamba kudi: Koichio ofihiṟo na wuowu, ṟu leowesha manya chi ofoṟo pfo.

YEREMIA 4:31

Kipfa ngaicho ṟu lya ifihiṟa cha mndu mka kiheri kyake kya mawawio, ṟu lya mndu aiwawio, cha mndu mka afee mana oke o kuwoka, ṟu lya mana o waka o Siyoni, aikuwanza naidime isanyia pfinya, na ihoṟuo mawoko hake kechihamba, ochia loko wulalu, kipfa ngalehela oshangunyi lo wawaahi.

YEREMIA 9:10

“Njechifihiṟa huya mafumvu, njechisokio nyi fowa kipfa kya kundu kolisa patenyi; Kipfa kulawode moida-ho kipfa kusaramaye. Ma kuichio ṟu lya mbe pfo. Ndehe tsa ruwehu na mando ha ngeṟenyi, shose shadicha shikadeka.

YEREMIA 9:16

Njechiwarahanyitsa kiidi kya wandu wa mkambo wakeri kundu ma wandeawo walaweichi, njiwedika oshu luwaoshe mtano ngawarumatsa.”

HOSEA 4:3

Koikyo, oruka lose lui ngumia, wandu wose wa orukalu wakeri isaramaya, handu hamu na mando ha ngeṟenyi na malehe; ma makunga ha ipalyipalyinyi hairumatso.

YOELI 1:11

Wademi sumukienyi; na nyo waṟundi wa madema ha msabibu fihiṟenyi; kipfa kya ili Ngano na shayiri shanyamaṟika, na shilimu shose sha mademenyi shaṟumatso.

YOELI 1:14

Wutenyi iwawaso wandu wakuotoye; lahenyi kisanzio kya wuindi. Sanyienyi wanene na wandu wose wa oruka, wache hekalunyi lya Mndumii-Ruwa, Ruwa onu, na ipfo mufihiṟie Mndumii-Ruwa.

YOELI 1:15

Ochia lodu kya mkonu fulya fo Mndumii-Ruwa, mkonu fulya fo Mndumii-Ruwa fotikiria; fuicha handu hamu na orumatso, fuwuka ko Mndumii-Ruwa.

YOELI 1:8

Fihiṟenyi na isumukia cha mana mkeha aṟee nguo ya ikunyia, aisumkia kya opfu lo msoṟo awekundi imualika.

AMOSI 3:13

Adanyienyi muṟingishie kya mba ya Yakobo, Mndumii-Ruwa menyi matorito ahamba.

AMOSI 5:27

Kui kipfa ikyo njechimsamiṟa mui wapfungo, muhende kuleshi muide Damesiki, Mndumii ahamba, ichu elaho nyi Ruwa menyi matorito.

AMOSI 8:10

Na inyi Njechihaluo mfiri yanu nnene ya sia iwe ya shilio na shiimbo shanu naawo shiwe kilio; mochiṟaa masaṟa shitsinyi shose, mbewika njohaa huye ya orio mdo; njechiende ishi shose shiwe kilio kipfa mana kimumu na ifurumia cha kiheri kya mawawio.

AMOSI 8:3

Shiimbo shawo sha Hekalunyi lyako shechiwa kilio maheri halya, Mndumii-Ruwa ahamba, mnying'a yechifo, wechiikumba orio handu, watsie sau.

MIKA 1:8

Kipfa kya ikyo, inyi njechifihiṟa na ikapa kilio; njechichumia kitaṟe ndaṟee nguo ma shaadu, njechikapa kilio cha ipara, njechisokio nyi fowa na ifihiṟa cha nyaha.

MIKA 2:4

Kiheri kyo wandu wechimutaluo ko shiimbo, wechifihiṟa na ikapa kilio kwi iwawio wechihamba, “Losaramaya piu, Mndumii-Ruwa naduo oruka lodu, ee da! Naluwuta mawokonyi hadu. Madema hadu nahawia walya waleluduo wupfungo.”

OTAMBAHALUO LO YOHANE 18:10

Wechihoṟoka wai aleshe wawodo nyi wuowu wo mrohye fofo wehamba, “Ochia, ochia lopfo iyo Babilon mṟi fung'anyi fudi; mṟi fuwode kiṟumi na pfinya. Kui mweke fo saa imu tupu ngapo yapfo yamekuhoya.”

OTAMBAHALUO LO YOHANE 18:19

Wakaira kiluli wakakukumbya mdonyi. Wakafihiṟa na ṟu lying'anyi na ilia na ikuinadya wehamba, “Ochia ochia iyo mṟi fung'anyi fudi! Kulemsuṟisha wafoi wakawada merikebu tsifoi tsa ipfo ipalyipalyinyi lya wuyanenyi kose oweṟe lo saa imu fomkombeka kombi.”