AMOSI 5:15 - Bibilia Kui Mdedie fo Kimochi

¹⁵ Suonyi mawicho; kundenyi mecha; ukiilohi wuwe kyooṟa mongonyi, kulako Mndumii-Ruwa menyi matorito, kyechiwutia mecha walya watsuhaa wa Yosefu.

AMOSI 5:15 ပူးပေါင်းရင်းမြစ်များ

2SAMWELI 16:12

Kofia Mndumii-Ruwa, nechiwona mawina hako, nanjitae ko injisesa, na injitaa wucha ko oseso.

1WAMANGI 20:31

Waṟundi wake wakambia, “Ambuya so luicho ke Wamangi wa mba ya Israeli nyi wamangi wawode isaṟia; hoi luṟae makunyia shitsinyi na shiwoho mdonyi, luhendie Mangi o Israeli. ‘Kofia nechikuda na moo.’”

2WAMANGI 13:7

Kipfa waledea Yehoahazi maaskari wa shida pfo shile wedoya frasi makumi hatanu (50) na frasi, na magari ikumi, na waaskari wechumia shiku ikumi (10,000), kipfa mangi o Shamu nalewarumatsa wakafanana na kiluli kichumechume.

2WAMANGI 15:29

Kiheri kya wuitoṟi wo Peka mangi o Israeli, Tiglath-pileseri, mangi o Ashuru, naleduo wapfungo mṟi ya Iyoni, Abel-beth-maka ya Kadeshi na Hazoi na njoruka tsa Gileadi, Galilaya na Naftali na iwaduo wupfungo wandu wawo wose.

2WAMANGI 19:4

Kofia kechiidimika ke Mndumii-Ruwa, Ruwa opfo naleicho madedo ha mnene o wanzenge, ichu aledumo nyi mangi o Ashuru, mndumii oke, kundu narume Ruwa menyi moo, na Mndumii-Ruwa, Ruwa opfo nechideda kya madedo ho alehaicho, ko ikyo terewia wandu wa waletsuhaa.’”

SHIIMBO SHA DAWIDI 119:104

Kui mapfundo hapfo njekekuwonyiaho wuṟango, nkyo kitewe njisuo orio njia ya wongo.

SHIIMBO SHA DAWIDI 34:14

Da mawicho na uwute mecha, shiha ofoṟo nolulatie.

SHIIMBO SHA DAWIDI 36:4

Nekehiya mawicho kitaṟenyi kyake, kasambuṟa mawicho; nalasuo wuwicho.

SHIIMBO SHA DAWIDI 37:27

Kuṟise na owicho, uwuta mecha, na ikaa tane mlungana.

SHIIMBO SHA DAWIDI 80:1

Iyo okelisiṟa Israeli, adanyia, iyo oketeteṟa Yosefu cha ipo, iyo odamie huye ya makyerubi, waa sa.

SHIIMBO SHA DAWIDI 97:10

Lanye mkundi Mndumii, suoni wuwicho. Nekeringa mrima ya waheṟemtsu wake. Na iwaashuo mawokonyi ha walai na wusumhana.

IWUKA 32:30

Ilyi lya ngama Mose kawawia wandu walya, mulewuta wunyamaṟi wung'anyi mnu; na wulalu njehenda huye ko Mndumii-Ruwa kofia njiwike kisanza kipfa kya wunyamaṟi wonu.”

YEREMIA 18:8

Kokoya mkambo fulya njilefuhamba fukahaluka na ida mawicho hafo njechiilacha mahio hako njilechiwuta chando mbekusirie iwuta.

YEREMIA 22:3

Mndumii nahamba adi, ‘Anduonyi kui wulohi na wusumhanyi, henda ashuonyi ichu alewonyio na iliso wukiwa, mulawutie mhenu mawicho, ma ngoeda, ma mkusu, ma iduo shindo sha pfinya, ma mulapusuo samu ya mndu alawutie kindo kiwicho handu ha.

YEREMIA 31:7

“Kipfa Mndumii-Ruwa nahamba adi, ‘Imbenyi ko sia kipfa kya Yakobo, kapenyi mṟoṟo kipfa kya mkambo fung'anyi, onguonyi, chihiyonyi na ihamba; “Mndumii-Ruwa nakiṟie wandu wake, nawaendie okiṟo walya waletsuhaa na Israeli!’

EZEKIELI 45:9

“Mndumii-Ruwa nyi ahamba adi, “Nyo waitoṟi wa Israeli nyi mulewuta wunyamaṟi kishikie, lekanenyi na wulang'a na iwonyia, henda wutenyi wusumuhanyi na wuhoṟotsu - manya mulafune wandu kunu orukenyi, nyi Inyi Mndumii-Ruwa ngahamba.

DANIELI 2:49

Kake Danieli katerewa mangi ke Shadraki, Meshaki na Abednego wo wawe wachili wa Babeli; nao Danieli kakudamia o mongo fo mba ya Mangi.

YOELI 2:14

Nyiu iaichi? Kofia Ruwa nechiidima imusaṟia; na imuinenga mboṟa tsa mademehu, mumnenge shidaso sha mbeu na shenyo.

AMOSI 5:10

Wo wasuo ulya modedia ai mongonyi, nawo-da weketoromisha modeda ki kicha.

AMOSI 5:24

Indi mwanduye fusoke cha mṟinga, na ukiilohi cha mṟinga fufoi.

AMOSI 5:6

Shihenyi Mndumii nanyo mochikaa na moo; nalawone kechiaka cha modo ipfo kanyi ko Yosefu, modo fukarumatsa, kulechikaapfo mndu echiidima ifurumisha ipfo Beteli.

AMOSI 6:12

Alewo! Frasi wewikya mteeṟa huya iṟaṟa Alewo! Mndu nechiidima idema na ikumbi lyekekuruo nyi mbe mṟingenyi? Wulalu mohaluo kilya kisumhanyi kipfuṟi na ndunda tsa wulohi tsikawawa.

AMOSI 7:3

Mndumii kailacha mahiyo ha kindo kilya awerie iwuta kahamba njechiwutasepfo nyi Mndumii ahamba.

YONA 1:6

Umu o walya weduo ngalawa iya kamkoya kambesa, “Nkiki kikuwode, Iyo ili olaa mado? Kure, noterewe ruwa opfo; kofia ruwacho nelukumbuo lulawone loisaramaya.”

YONA 3:9

Nacho aichi ke Ruwa echiluhooṟia madeko hadu nawelusaṟia alechilurumatsa kui nyashi yake?

MIKA 2:12

Kyaindi kya lohi ke njechisanyia wandu wako wa Yakobo, ee da! Njechisanyia walya wa Israeli waletsuhaa. Njiwaende na mfiṟihenyi cha machondi cha po limu ling'anyi kilisionyi, nanyo mochiwa po lya wandu wako wafoi.

MIKA 3:2

Indi nyo musuo wucha mukakunda wuwicho. Mokeowuo wandu wako njonyi tsawo, mukaowuo na nyama tsa mbihu yawo ipfo mafuonyi hawo.

MIKA 5:3

Msongoru cho nechilisa wake kwi pfinya ya Mndumii-Ruwa, kwi kiṟumi kya Mndumii-Ruwa, Ruwa oke, wandu wake wekusaya olelenyi, kipfa nechikuwia mnene mṟasa mtsitsionyi fo oruka.

SEFANIA 2:3

Shihenyi Mndumii, nyo mose mkunyiiṟie oshangunyi loke, mokewuta shilya shichihiṟie Mndumii; shihenyi wukiilohi na wusumhanyi, shihenyi ikunyiiṟa; kofia muowisho mkonu fulya fo nyashi ya Mndumii.

MALAKI 3:18

Nlyong'u mochiwuya na imanya wecha na wawicho na weṟundia Ruwa nyi waki na walamṟundia.”

WAROMA 12:9

Mkundie fukae fulawode wulembetseṟi. Tangaluonying'u kilya kii kiwicho, mukuwawe na kilya kii kicha.

WAROMA 7:22

Kyamba njichihianyi na wuwawaso wo Ruwa kui wumndu woko wo kyamba.

WAROMA 8:7

Kipfa shilya nyama-tso tsekekuelengya shiende kituwa na Ruwa kyamba tsilaindye wuwawaso wo Ruwa madu, manya tsilaidima iwuta tsido.

3YOHANE 1:11

Mkunde oko, kulaoshe kilya kii kiwicho kya indi kilya kii kicha. Mowuta kii kicha nyio apaṟikye ko Ruwa. Mowuta kii kiwicho o alembone Ruwapfo.