AMOSI 5:12 - Bibilia Kui Mdedie fo Kimochi

¹² Kipfa njiichi chando mawicho hanu hafoi, na chando wunyamaṟi wonu wung'anyi; nyo mokewonyia wenyi wusumhanyi, mokeambya shetsutsuma, na ihaluo walya wahuṟi oo mongonyi walawone kilya kiwasumhanyi.

AMOSI 5:12 ပူးပေါင်းရင်းမြစ်များ

YOBU 20:19

Kipfa nalerumatsa wakiwa kawada, karakuo mba alatsiwikie.

YOBU 31:21

Ngaweiria mawoko hako kipfa kya ngoeda njiwona kitarama kyako mongonyi.

SHIIMBO SHA DAWIDI 127:5

Wungusu mndu ulya aichuṟie ado shaha yake. Ee da, wechikapo nyi sonu, ilyi wechededa na mesa alya kichuminyipfo.

IWUKA 23:3

Manya kulakundie mndu mfafa kipfa kya wufafa woke.

IWUKA 23:6

Kulapfuluo mondu fo mndu mkiwa ipfo mengenyi.

MFANANO 17:8

Kiinengo nyi cha kindo kya wuhuru mesonyi ko ulya akiwode; orio kechihaluka kechiwoneka.

MFANANO 22:22

Kulasoke mkiwa, kipfa nyi ai mkiwa; Manya kuladuo kya mbari kya mndu mfafa kichuminyi;

YESAYA 1:23

Wanene wapfo nyi watahachi, na mbuya tsa mbafu; orio mndu nakundi itsutsumo, wekeosha itao, wechiinenga ngoeda kilya kyake kisumhanyipfo, wekeicho kieṟeṟo kya mkusu pfo.

YESAYA 10:2

idetsa ulya ahuṟi nalawone kilya kyake kisumhanyi, isoka wakiwa wusumhanyi wowo, kundu wakusu wawe wapfungo, na wangoeda walepfiio nyi wandeawo wawe kando kawo kalase.

YESAYA 29:21

iwo wekewona mndu nadeko kiidi kya idedo, na ideha ichu moikimba na ipfunda mongonyi, na ihalutsa ichu o wusumhanyi kui kindo kilawaṟi.

YESAYA 33:15

Nyi ichu mochumia kui wulohi, modeda madedo ha wuhoṟotsu; nyi ichu momina wueri wosoka kui pfinya; mokutakuta mawoko hake alakunde iambilia shitsutsuma; mopfinyika madu hake alaicho mbonyi tsa samu; moshinga meso hake nalaambuye mawuto mawicho.

YESAYA 47:9

Kyaindi nomanye ke ishi shechikuhoya oweṟe lumu, mfiri fumu nopfio nyi wana na icheyo nyi wukusu; shechikuhoya mkonu mteṟie, wusawi wopfo ma wuwechifo na wuhanga wopfo wukang'ana.

YESAYA 5:23

nyi walekia menge ili watsutsuma, na ichu awinga wamfurunjia ikuwonia kilya kisumhanyi.

YESAYA 66:18

“Inyi njiichi mawuto hawo, na makusaṟo hawo; kuwode kiheri kicha, njechisanyia wandu wa mkambo na shishomo; nawo wechicha, wechiwona wuitoṟi woko.

YEREMIA 29:23

Kimarete nyi walewuta mbonyi tsa sonu kiidi kya Israeli. Waleṟuhuya na waka wa wamṟasa wawo, na ihamba madedo ha wongo ko rina lyako, kindo njilawewadumie wawute wado. Inyi njiichi isho; njileṟingishia. Inyi Mndumii-Ruwa ngahamba.”

SHILIO 3:34

Mndumii nyi aichi ili mandi mrima fumsokie nyi fowa njii kipfungonyi.

EZEKIELI 13:22

Kyamba kui wongo yanu nyi muleendie wandu wa wasumhanyi fowa njilawekundi waiwone, mukawekarisha wawicho waengeṟe iwichuo kundu waladumbuye wahende iashuo mrima yawo.

HOSEA 5:3

Ambuya inyi njiwaichi wandu wa Efraimu, Waisraeli waidima idekeka koko pfo. Nyo wandu wa Efraimu nyi muleṟuhuya, ambuya Waisraeli wose nyi walekufanyitsa.

AMOSI 2:16

Na ulya awode ngoo njikari kiidi kya wandu wai mbahanyi, nechidicha kitaaṟe mkonu fo, nyi Mndumii ahamba.

AMOSI 2:3

Na inyi njechiwutapfo walaanyi na wachili wawuke kiidi kyawo; njiwewaaha wasongoru wose kiidi kyawo, ikyo Mndumii ahamba.

AMOSI 5:10

Wo wasuo ulya modedia ai mongonyi, nawo-da weketoromisha modeda ki kicha.

AMOSI 5:7

Nyo mokehaluo njowingo tsikawa njiwawo, na iembeṟutsa wukiilohi,

AMOSI 8:4

Adanyienyi, iki, nyo mukundi imeṟa walya wahuṟi na iowesha wakiwa wa orukenyi,

MIKA 3:11

Wachili wawo wekeṟunda ko itsutsumo, wakohanyi wakaṟunda kwi itao, waikimbi wakaṟunda wainengo fesa. Wakakushela ke wakusirie ko Mndumii-Ruwa wechihamba, “Mndumii-Ruwa chi ai naso, kuwode kechilupaya kiwicho pfo!”

MIKA 7:3

Wose nyi wewuta mawicho tupu; wanene na wenyi menge wakundi itsutsumo, walya wang'anyi waloṟie na pata wuwicho wowo, na iwuta kui wulembi kulawode wuowo.

MALAKI 3:5

“Njechicha njimuanduye; njechiwa mṟingishi mwaangu kipfa kya wasawi, na waṟuhui, na welya nyamu tsa wongo, na ichu mowonyia ichu amdambikie iṟunda lya wueri wuliwe, kipfa kya wueri woke, na walya wekewonyia wangoeda na idetsa lohi ya mndu mhenu, manya walanjiowuo inyi Mndumii menyi.” Matoṟito ahamba.

MAWUTO HA WASU 7:52

Nyi ku kuwei mwikimbi waku wanu wakada walamterengya. Ee lae na iwaha wakawewaha walya weesongwo ihamba mbonyi tsa macheenyi ha ichu mhorotsu, ichu nyo mlewa wulalu watwaṟi wake na wawahi.

NGUMBUO YA MAWAWASO 16:18

“Mochisambuṟa wandu wedumbuo mondu na wasongoru kuwuka shisharinyi shanu ipfo mṟinyi yanu sa Mndumii-Ruwa, Ruwa onu echimuinenga, nawo wechidumbuo mondu ya wandu kisumhanyi.

NGUMBUO YA MAWAWASO 31:21

Kiheri wechihoyo nyi ndenga tsifoi na mawina; kiimboki kechiimbo kiwawiiye wuṟingishi kipfa kechihadimo nyi luwa lyawopfo. Ma wulalu ndamewaduo kulya orukenyi njilelya nyamu ke njechiwainenga, njiichi shindo waikusaṟa.”

YAKOBO 5:4

Ambuya, wuṟundi wo waṟundi walya walemnyo nyiwo wuifuha, na shifuha sha wawehi walya shamaa ishika henda madunyi ha Mndumii menyi matorito.

YAKOBO 5:6

Nyi momewonya mti ichu asumhanyi mukawehenda imbaha alawehodana nanyo.

RUTI 4:1

Kyasia Boazi kado mṟasa kichuminyi, kadamia ho; ambuya mndu ulya o kishari kya afui ulya Boazi alededa kyake kaidaho. Kamlaha kambia, “Iyo kencho na iya hafui.” Nao kacha naho kadamia.

1SAMWELI 8:3

Kyaindi wanawo waleosha mchumie fo ndeawopfo. Indi walewooka ikushihia kiira. Walewoka iambia kitsutsumo wakapfuluo kiilohi.