AMOSI 4:9 - Bibilia Kui Mdedie fo Kimochi

⁹ Na inyi ngawemukapa na wuumu wo kwaari; madema hanu ha msabibu na mkuyu njicha na mashidi ha msinepfu shose shikalio makuṟu na nzihe, mulakunde ihaluka munjiwuuye, Mndumii ahamba.

AMOSI 4:9 ပူးပေါင်းရင်းမြစ်များ

1WAMANGI 8:37

“Kokoya kuwode njaa orukenyi, ang'u ndaṟe ya makokoi, ang'u mbaṟi fung'anyi, ang'u ohonjo, ang'u wandu wapfo wakatengetio nyi wakituwa ora lose lo mṟi fose, kokoya kuwode ngapo yose ang'u ndaṟe yose,

2MBONYI TSA MAHERI 6:28

“Kokoya kuwode ngumia na kelya kikawuṟika orukenyi, na shilimu shikauma, ang'u ipuo, ang'u shikalio nyi nzihe ang'u mashinu; na wandu wakawado nyi njaa ing'anyi; na kokoya waturi wawo waṟingicha oruka na mṟi yawo, ang'u wandu wapfo wakawado nyi ndaṟe tsinjiwicho tsa mbaṟi tsifoi.

YESAYA 1:5

Nkili mukundi ikapo mṟasa wulalu, mkaengeṟa itahacha? Mdo fose fuluo, mrima fose fuleuma.

YESAYA 50:11

Ambuyenyi nyo mose muiatsa modo, muikupfungia shimunyi; idenyi kiidi kya olewo lo modo fonu, na kiidi kya shimunyi sho muleatsa. Mochiambia ishi kui owoko loko; mochilaa mui wasokie nyi fowa.”

YESAYA 9:12

Waashuru wawe kusonguo, na Wafilisti ora lo nduma, nawo wechidapfuna Israeli kui madumbu hamatambaṟuo. Hamu na isho shose nyashi yake ilehalukia kuleshipfo, indi owoko loke lui luhoṟuo itane wulalu.

YEREMIA 3:10

Kyaindi hamu na isho shose mshiki oke, Yuda ichu awode mtambo alemeche na koko na mrima foke fose-pfo, nalecha na makulembetseṟe.” Mndumii ahamba.

YEREMIA 5:3

Meso hapfo iyo Mndumii hekeambuya wuhendeli nulewakapa, indi walesokio nyi fowa pfo; kowadedia wakaleha iwuya; wakawada orikiki kiwicho, wakahaluo shamu shawo iho lya iṟaṟa; walehiye iwuya.

HOSEA 11:5

Kyasia, nyi wechiwuya na Misri; na mangi o Ashuru nechiwasongoya, kyamba nyi waleleha injiosha.

YOELI 1:4

Nzihe kisanzio ko kisanzio, tsahoya shilimu; na shilya shatsuhaṟo shikalio nyi shiwana shatso, nashilya shatsuhaṟo nyi maalea hatso shikamariso nyi mashinu hatso.

YOELI 1:7

Tsamerumatsa madema hadu ha misabibu, na idapfuna mashidi hadu ha mkuyu hakawa shinana. Tsamepichuo makoko hayo na ihaombotsa wanda, na maṟamba hayo hakadeo maili.

YOELI 2:25

Njechimuwihiṟia shilya shoshe shileliyo makayo ya nzihe, na orio kindo kileliyo nyi okamba njilemudikia lo tunutu, paraṟe na matumatu, mbahanyi yo inga'nyi njilewadikia!

AMOSI 4:6

Na inyi njilemuinenga wuili wo maheho kiidi kya mṟi yanu yose, na iwu? A mkate handu hose; ma kudo mulenjiwuuyapfo Mndumii ahamba.

AMOSI 4:8

Nahong'u kuwuka mṟi iwi iṟaṟu waleṟahaṟa ihenda mṟi fungi wanyo mṟinga, walawone fuwashikie; ma kudo mulawuye na koko, Mndumii ahamba.

HABAKUKI 3:17

Kipfa mkuyu fochiwaṟa shiwaṟo-pfo, Manya ndunda tsa msabibu tsechiwono-pfo; Wukiwa wo msinepfu wowa wo wulya, Kochiwono-se kilimu demenyi-pfo, Kuwode kindo mfiṟihenyi-pfo, Kuwode mbe tsewono mfiṟihenyi-pfo,

HAGAI 2:17

Njilemkapa na kwari na mu fung'anyi, na mtiima na mvuo ya maho, kiidi kya maṟunda hanu hose; indi mulenjihalukiapfo Mndumii ahamba.

MALAKI 3:11

Na inyi kipfa kyanu njechidedia molya, manya echinyamaṟa mbeu tsa demenyipfo; ma msabibu fonu fochiolotsa ndunda kiheri kilameshika-pfo, Mndumii menyi Matoṟito ahamba.

NGUMBUO YA MAWAWASO 28:22

Mndumii-Ruwa nechimudikia ndaaṟe ya kipeeta, iseng'u, maode, mrike fung'anyi; mbaṟi, kiwiṟi kenyamaṟa shilimu; shindoshi shechimutuura tane moarisika.

NGUMBUO YA MAWAWASO 28:42

Ndunda tsanu tsose na shilimu shanu mademenyi shechilio nyi nzihe.