AMOSI 4:8 - Bibilia Kui Mdedie fo Kimochi

⁸ Nahong'u kuwuka mṟi iwi iṟaṟu waleṟahaṟa ihenda mṟi fungi wanyo mṟinga, walawone fuwashikie; ma kudo mulawuye na koko, Mndumii ahamba.

AMOSI 4:8 ပူးပေါင်းရင်းမြစ်များ

1WAMANGI 18:5

Ahabu kawia Obadia, “Ida orukenyi sokenyi tsa mṟinga tsose, na shimeda shose, kofia lochiwona maṟa luinenge frasi na mchungu. Kundu lulawone lochiarisio shuma shi wanda.”

YESAYA 9:12

Waashuru wawe kusonguo, na Wafilisti ora lo nduma, nawo wechidapfuna Israeli kui madumbu hamatambaṟuo. Hamu na isho shose nyashi yake ilehalukia kuleshipfo, indi owoko loke lui luhoṟuo itane wulalu.

YEREMIA 23:14

Kiidi kya waikimbi wa Yerusalemu, ngawona idedo liwichuṟie mnu mnu; wekeṟuhuya, wakachumia wawode wongo, wakawanza mawoko hewuta wunyamṟi; kulakaepfo ma umu awuya na ida wuwicho woke; wose piu wakawa cha Sodoma, Koko na wenyi wawo cha Gomora.

YEREMIA 3:3

Kipfa kya ikyo luleimo mlewi, manya kuwode mvuo ya fuli pfo, ma kudo nuwode meso ha wumeluki, koleha idumbuya ma kulawado nyi sonu.

YEREMIA 3:7

Na inyi njilehamba numa ya iwuta isho shose nechinjiwuuya inyi, indi nalawuye; na mshiki oke, Yuda awode mtambo, kawona isho.

YEREMIA 5:3

Meso hapfo iyo Mndumii hekeambuya wuhendeli nulewakapa, indi walesokio nyi fowa pfo; kowadedia wakaleha iwuya; wakawada orikiki kiwicho, wakahaluo shamu shawo iho lya iṟaṟa; walehiye iwuya.

HOSEA 11:5

Kyasia, nyi wechiwuya na Misri; na mangi o Ashuru nechiwasongoya, kyamba nyi waleleha injiosha.

HOSEA 7:10

Ikudosa lya Waisraeli nyi lya waṟingishia, manya kudo walekunda, iwuya na ko Ruwa Mndumii owopfo, manya impfula ko, shindo shi shose.

AMOSI 4:6

Na inyi njilemuinenga wuili wo maheho kiidi kya mṟi yanu yose, na iwu? A mkate handu hose; ma kudo mulenjiwuuyapfo Mndumii ahamba.

MIKA 6:14

Mochilya kyaindi mochiihuda-pfo, mochiengeṟa iliyo nyi njaa kiidi kyanu, mkawika kisa kechiringo-pfo, na kokooya moringa kindo njechikinyamaṟa na shida.

HAGAI 1:6

Ambuyenyi mulewaaya mbeu tsifoi mukasambuo kitutu; mkowelya manya mulaihude; mukanyo mulawute wuangari; mkaṟaa nguwo indi kuwode moicho mrikepfo; na icho moambia wueri kawika mfukonyi futochikyetochikye.

HAGAI 2:17

Njilemkapa na kwari na mu fung'anyi, na mtiima na mvuo ya maho, kiidi kya maṟunda hanu hose; indi mulenjihalukiapfo Mndumii ahamba.