AMOSI 4:7 - Bibilia Kui Mdedie fo Kimochi

⁷ Kingise ngaweima mvuo ilakape, kutsihee meeri iṟaṟu mulamesambuo; mvuo ikakapa mṟi fumu, ngaweima mvuo ilakape mṟinyi ingi; ora lumu lukawona mvuo na ora lungi lukawuṟa lukauma.

AMOSI 4:7 ပူးပေါင်းရင်းမြစ်များ

IWUKA 10:22

Kyasia Mose kahoṟuo owoko loke woambuya huye ruwehu; kukawada meema fuputikanyi puti orukenyi lose lo Misri ko mkonu iṟaṟu,

IWUKA 10:23

mndu na odoye walaidime iwonana, manya mndu nalaidime ikure o handu awei ko mkonu iṟaṟu; kyaindi wana wa Waisraeli wose wawewode ngeela orio handu wawei hose.

IWUKA 8:22

Na inyi mkonufo njechiletsana oruka lo Gosheni, handu wandu wako wekekaa, kundu nzi tso tsilakaepfo; kundu iyo nowuteho imanya ke inyi nyi Mndumii-Ruwa, kiidi kya wuyana.

IWUKA 9:26

Orukenyi lo Gosheni tupu, handu wana wa Waisraeli wawei nyihondo mvuo ya manzaho ilalekapa.

IWUKA 9:4

Lyefurumia Mndumii-Ruwa nechiletsana shuma sha Waisraeli na shuma sha Wamisri; manya kochipfa ma kimu kya shuma sha Waisraelipfo.’

YESAYA 5:6

na inyi njechilinyamaṟa; kuwode modema ma isisapfo, lyechialutsa mbeche na msha; nyi njechiima mapuchi halalekie mvuo inose ho.

YEREMIA 14:22

Ngesa maruwa ha wongo ha mkambo heidima iende mvuo? Ang'u ngina itonyitse meṟa? Chi iyo Mndumii-Ruwa odu, kui kipfa kya ikyo luikuweda, kipfa iyo nyi uwikie shindo shose.

YEREMIA 14:3

Wanene wawo wakeduma waṟundi wawo mṟingenyi; Wekeshika nduwenyi walawone mṟinga; wekewuya na shihiya shilawode kindo, wasingidie na iawo nyi moo, na ishikia mdo yawo.

YEREMIA 14:4

Kipfa kya oruka lupaṟikie, Kuwode mvuo inosie oruka-pfo; wedema wawodo nyi wuowu, na ishikia mdo yawo.

YEREMIA 3:3

Kipfa kya ikyo luleimo mlewi, manya kuwode mvuo ya fuli pfo, ma kudo nuwode meso ha wumeluki, koleha idumbuya ma kulawado nyi sonu.

YOELI 2:23

“Chihiyonyi nyo wana wa Sioni, kapenyi ngululu cha kipfa, Mndumii-Ruwa, Ruwa onu, amemuinenga mvuo ya kisie, amemuinenga mvuo ishikie ; mvuo ya kisie na fuli chandu kuwei kuwoka.

ZEKARIA 14:17

Na kokoya kuwuka pfo mkambo fose kunu wuyana fulechihenda Yerusalemu iadapfuma Mndumii Menyi Matorito o makecheṟo ai Mangi, nahong'u mvuo yechikapa kowopfo.

YOHANE 4:35

Nyo chi mokehamba, ke leka kusie meri iina kushike kiheri kyesambwo. Keambuyenyi-wo, inyi ngambia, ke-iryenyi meso hanu muambuye madema ha, shilimu nyi shesambuo.

1 WAKORINTO 4:7

Kyamba nyi o ku akuwika iyo mdonyi. Nyi kiki ukiwode ulakiambye? Na kiwe nyi ukiambye nyi kyaki ukushela cha nyi kulakiambye?

NGUMBUO YA MAWAWASO 11:17

nyashi ya Mndumii-Ruwa ilashike icha huyanu, kapfunga ngina mvuo ilache na oruka lulaoṟishe shilimu shalo, numa mkaarisika owinyi iya orukenyi lucha sa Mndumii-Ruwa aimuinenga.

YAKOBO 5:17

Elia awei mndu o wandu o mbika imu naso. Nao aleterewa kundu kulakapeho mvuo. Na mvuo ikada ilawekapa maka iṟaṟu na meri iṟandaṟu.

OTAMBAHALUO LO YOHANE 11:6

Wo nyi wawode pfinya yepfunga ngina kulakape-pfo mvuo mkonu ilya ya mbiia tsawo. Wawode na pfinya yehaluo soka tsose tsa mṟinga fuwe samu na ikapa wanda ii orio ngapo yose orio mandi wakunda.