AMOSI 4:6 - Bibilia Kui Mdedie fo Kimochi

⁶ Na inyi njilemuinenga wuili wo maheho kiidi kya mṟi yanu yose, na iwu? A mkate handu hose; ma kudo mulenjiwuuyapfo Mndumii ahamba.

AMOSI 4:6 ပူးပေါင်းရင်းမြစ်များ

1WAMANGI 17:1

Kyasia Elia o kihongo kya Tishbe ipfo Gileadi, kawia Mangi Ahabu, “Kwi rina lya Mndumii-Ruwa, Ruwa o Israeli ai na moo ichu njekemṟundia, ngakulyia nyamu ke kochiwada ṟauṟa ma mvuo-pfo na kui idedo lyako.”

1WAMANGI 18:2

Kyasia Elia kahenda kundu nakuloṟe ko Ahabu. Na njaa iwei njiwawo mnu kiidi kya Samaria.

2WAMANGI 4:38

Elisha kashikase Gilgali, kuwewode njaa orukenyi, na wanawo wa waikimbi wawekekaa mbele yake. Kawia mṟundi oke, “Demekia safuria ing'anyi ukoṟie wana wa Waikimbi kelya.”

2WAMANGI 8:1

Kyasia Elisha nawewie mndu mka ulya alemṟutsia mana oke, kehamba, “Kure, nohende iyo na mba yapfo uhende ukae handu ha wuhenu chandu ochikuidimia ikaa kipfa Mndumii naende njaa, nayo yechikaa kiidi kya oruka maka mfungade.”

2MBONYI TSA MAHERI 28:22

Kiheri mbonyi tsileengeṟa iwa njiumu mnu koke, mangi chu Ahazi, naleengeṟa wutahachi woke ko Mndumii-Ruwa.

YESAYA 26:11

Mndumii owoko lopfo lui luirie, indi wawonyipfo; indi wechiwona wuṟisi-ṟisi wopfo kipfa kya wandu wapfo, nawo wechiowuo; ee, modo fochirumatsa wakituwa wapfo.

YESAYA 3:1

Kipfa, ambuya, Mndumii, Mndumii o Matorito, nechisoka Yerusalemu na Yuda kikusirio kyawo, kikusirio kya kando, na kikusirio kyose kya mṟinga;

YESAYA 9:12

Waashuru wawe kusonguo, na Wafilisti ora lo nduma, nawo wechidapfuna Israeli kui madumbu hamatambaṟuo. Hamu na isho shose nyashi yake ilehalukia kuleshipfo, indi owoko loke lui luhoṟuo itane wulalu.

YESAYA 9:13

Indi wandu wo walehalukia ichu alewakapa-pfo, na ishiha Mndumii menyi Matoṟito.

YEREMIA 14:18

Ngahenda nja mndeminyi. Ngakoya mnying'a ya wandu wawahe shidenyi, ngaida na mṟinyi ngakoya mnying'a iwaahe nyi njaa! Waikimbi na wakohanyi watambahanyia mbonyi tsawo orukenyi, walamanye kindo waiwuta.’”

YEREMIA 5:3

Meso hapfo iyo Mndumii hekeambuya wuhendeli nulewakapa, indi walesokio nyi fowa pfo; kowadedia wakaleha iwuya; wakawada orikiki kiwicho, wakahaluo shamu shawo iho lya iṟaṟa; walehiye iwuya.

EZEKIELI 14:21

Mndumii-Ruwa nahamba, “Njikeṟi idika ngapo tsing'anyi tsina, mṟinyi fo Yerusalemu natso nyi shida, njaa, mando ha ngeṟenyi mawicho, na ndaṟe ya makokoi, natso tsihende irumatsa wandu na shindo shii na moo.

EZEKIELI 16:27

Ambuyang'u njihenda ikukapa njiwekusoka na kyoṟa kyapfo njihende ikiinenga wakituwa wapfo, wanawo wa Wafilisti iwo walewado nsonu kipfa kya mawuto hapfo ha wuseṟeṟi.

HOSEA 11:5

Kyasia, nyi wechiwuya na Misri; na mangi o Ashuru nechiwasongoya, kyamba nyi waleleha injiosha.

HOSEA 5:15

Ambuya nyi njiwuya na handu hako na ikuashuo na wo, mṟasa mandi wechiwona ideko lyawo wanjiwuuye, wukiwa wowo nyi wochiwatewa wanjipfule wechihamba;

YOELI 1:16

Shilimu shadu sharumatso lochiambuya. Kuwode sia na shiseko hekalunyi lya Mndumii-Ruwa odu pfo.

WALEWI 26:23

Kokoya manya numa ya ngapoyo mulanjihalukia Inyi, indi mukaengeṟa iwingana na Inyi,

WALEWI 26:26

Kyelya kyanu njechikitachuo, waka ikumi wechikahaṟa mkate rikonyi lyimu. Wechimuhawia kui kiheo. Ma mukamemarisa ilya shelya na mochiwado nyi njaa tupu.

HAGAI 2:17

Njilemkapa na kwari na mu fung'anyi, na mtiima na mvuo ya maho, kiidi kya maṟunda hanu hose; indi mulenjihalukiapfo Mndumii ahamba.

NGUMBUO YA MAWAWASO 28:38

“Mochiwaaya mbeu tsifoi kyaindi mochisambuo kilimu kitutu kyamba nzihe tsechilya shilimu shanu.

OTAMBAHALUO LO YOHANE 2:21

Na inyi njilemnengya mwaanya fodumbuya wunyamari woke ma alakundi idumbuya kya wulala woke.

RUTI 1:1

Kyasia kiheri kya Wachili wamemaa idumbuo kya walya wawewaṟi, kukacha njaa ing'anyi kulya orukenyi. Kukakure mndu msoṟo umu o Bethlehemu ya Yuda, kahenda ikukaya oruka lo Moabu, o na mka oke na wana wake wawi.