AMOSI 4:3 - Bibilia Kui Mdedie fo Kimochi

³ Nanyo mukure kundu kukuwunduo, nalyo orio mndumka limu ko limu naide kedicha; nanyo mukukumbe Harmonyi, Mndumii ahamba.

AMOSI 4:3 ပူးပေါင်းရင်းမြစ်များ

2WAMANGI 25:4

Kyasia ora lumu lo mawanda ha mṟi lulefunjo, na waaskari wose wakadicha ili kio wechiida kiidi kya kyahu kya mangi kichuminyi makidi hawi ha mawanda hawi, wakahenda ora lo Araba, ma chandu Wababeli waringichie mṟi.

2WAMANGI 7:15

Wakawalatia mṟasa Yordani, ate njia yose iweichuo maṟao na shihia, shilekumbo ipfo na ipfo kipfa Washamu wa waleowuo na iwona ke wakahenda nasho wechikoyo kipfa shiwe chiwalemia. Wandu walya waledumo nyi mangi wakawuya wakawia Mangi chandu walekoya.

YESAYA 2:20

Mandi ho orio mndu nechiwakumbia sanamu fuko na nzana, na sanamu tsa fesa na sahabu, shindo walekusungusia kundu washiindie.

YESAYA 31:7

Kipfa kiidi kya mkonufo orio mndu nechikumba sanamu tsake tsa fesa, na sanamu tsake tsa sahabu, itso mawoko hanu haṟundie, tsikawa wunyamaṟi konu.

YEREMIA 52:7

Kyasia omombo lo mṟi lukawunduyo na Waasikari wakadicha wohenda nja ya mṟi kiheri kya kio, wakaidia njia ya kichumi makidi hawi ha njomombo tsiwi, demenyi lya mangi wakadichia ora lo Araba, ma chando Wakalidayo waweṟingichie mṟi fose. Waisraeli wakadicha wechihenda pichinyi lya Yordani.

EZEKIELI 12:12

Nao mangi chu ai kiidi kyawo nechikudika ṟio lyake makosohu hake ili kio, nawehenda iida ṟochehu lilitoche omombonyi lo mba yake naweshikia kyamu kyake nakuhendie elechiwona orukalu.

EZEKIELI 12:5

Kii kidi tocha ṟoche o omombonyi lo mba yapfo noideho hamu na nzohoṟa tso tsapfo.

AMOSI 6:7

Wulalu kipfa kya isho wulalu wechihenda wusingenyi hamu na walya wa kuwooka wechihenda wusingenyi, na kifahiyo kya temo kya iwo walekuhoṟwo kechitsitsa.

SEFANIA 1:18

Fesa ma sahabu yawo yechiidima iwakiṟa mkonu fulyapfo, mkonu fo nyashi ya Mndumii, kipfa oruka lose lochikoṟo na modo fo nyashi yake; kipfa nechiwika mtsitsionyi fo wandu wose wai kiidi kya oruka, ee mtsitsionyi foṟihisha.

MATAYO 16:26

Kipfa iki mndu echiira-ho kya wowina woke nyi kiki kokoya nyi awinyia wuyana wose kawuwona kadetsya-ho moo foke? Ang'u kindo mndu echiwika kiwe ndalai ya moo foke nyi kiki?

WACHILI 5:17

Kishari kya Gileadi kiledeo molyolya fo Yordani, kishari kya Dani nkitewe muledeo merikebuni uki? Kishari lya Asheri kilekaa olele wambaṟa ya ipalyipalyi, oo mbai ya ipalyipalyi kokyo.