AMOSI 4:13 - Bibilia Kui Mdedie fo Kimochi

¹³ Kipfa, ambuya, icho awikye mafumvu na iumba otanu, na iinenga mndu o wandu makusaṟo hake, awikie mfiri na kio, kawechuma wuyanawu handu hakuiriye; Mndumii, Ruwa menyi matorito nlyo rina lyake.

AMOSI 4:13 ပူးပေါင်းရင်းမြစ်များ

YOBU 9:7

Nekewawasa mnengeṟi fulado, ka weima nyenyeri tsilawae.

SHIIMBO SHA DAWIDI 135:7

Nyio ekedosa mmeṟa kuwuka mtsitsionyi fo oruka, Nekeinenga mvuo mbawa, kaende otanu kuwuka kimaenyi kyalo.

SHIIMBO SHA DAWIDI 139:2

Iyo noichi idamia lyako na ikure lyako; kulemanya mahio hako kuwokia haleshe.

SHIIMBO SHA DAWIDI 147:18

Nekeduma idedo lyake na ishisalaṟa, Nekewiwita otanu loke, mṟinga fukaletseka.

SHIIMBO SHA DAWIDI 65:6

Mafumvu hamaikare kui pfinya tsapfo, kokupfunga wuidimi cha okowa lo kitsi.

IWUKA 10:22

Kyasia Mose kahoṟuo owoko loke woambuya huye ruwehu; kukawada meema fuputikanyi puti orukenyi lose lo Misri ko mkonu iṟaṟu,

IWUKA 14:20

Ikakaa makidi hawi ha itorito lya Misri na itorito lya Waisraeli; kyaindi ipuchi lilya liwewuta ngeela ko Waisraeli kiheri kya kio, na mema ko Wamisiri, nawo walaidime isembelia Waisraeli kio taṟaṟaa.

YESAYA 40:12

Nyiu alemehesha mṟinga na mahi ha owoko loke, na ihesha ruwehu na kihesha shindo, na iwada kiluli mboṟikonyi, na ihesha mafumvu na kihia kehesha na shitoṟomoso ngesa?

YESAYA 45:7

Inyi njilewumba saa, na kio naawo; inyi njekesanza wandu, na iwutaho wuwicho; Inyi nyi Mndumii njekewuta isho shose.

YESAYA 47:4

Mkiṟa odu, Mndumii menyi Matoṟito nyilyo rina yake, Mwele o Israeli.

YESAYA 48:2

Kipfa mokekulaha nyi wenyi mṟi Mwele, moketaramo nyi Ruwa o Israeli; Mndumii menyi Matoṟito nyi lyo rina lyake.

YESAYA 5:30

Wo wechiringona huyawo mkonu fo Cha idihina lya ipalyipalyi; Na mndu kaambuya oruka, nechiwona meema na wukiwa, Na ngela yechiwa mema kiidi kya mapuchi hake.

YEREMIA 10:13

Kadeda na ṟu, kukowada mṟinga fuidihina nginehu. Nekedosa mapuchi wuka kushingonyi kya oruka, kadika mbaṟuko kiidi kya mvuo, kawedika otanu kisenyi kyake.

YEREMIA 10:16

O nyi ohawi lo Yakobo, chi cha Ruwa-pfo Nyio awikie shindo shose. Na Israeli nyi kishari kya kyoṟa kyake. Mndumii Menyi Matorito nlyo rina lyake.

YEREMIA 13:16

“Ichikenyi Mndumii-Ruwa onu, alameende mema madende hanu halamekapa tulio huya mafumvu ha meema. Kiheri muweiwedia saa, ilamehaluke kuwe meema rambatanyi.

YEREMIA 46:18

Inyi ngalya nyamu ko moo foko, njihamba inyi nyi mangi njekelaho Mndumii-Ruwa Menyi Matorito, na lohi mkituwa naicha imusaṟikia. Nyi kya lohi chandu Tabori fui fumvu, chandu Karmeli fumvu lekewono kuwuka ipalyipalyinyi.

YEREMIA 51:16

Ili adeda mṟinga fukadedemisha ruwehu, nechidosa mtima fudo mṟasenyi ya oruka. Nekewika mbaṟuko luwaṟuo kiheri kya mvuo, kawiwita otanu luwuke kikumbinyi kyalo.

YEREMIA 51:19

Ruwa chu ai kisa kya Yakobo ai ado pfo, kipfa nyio awikie isho shose, na Israeli nyi oshari lui loke; Mndumii-Ruwa o Matorito, nyi lyo rina lyake.

DANIELI 2:28

Kyaindi kuwode Ruwa o Ruwehu echiidima itambahaluo shindo sha shiṟika, nao nyi aloṟa Mangi Nebukadneza mbonyi tsechikaa tsihoye mkonu ya ifurumia. Ndodo yapfo na mahio ya mdo fopfo ulewona lilyandi uwelee nyi kikeri kiile;

DANIELI 2:30

Kyaindi inyi njileloṟo kindo ki kui wuṟango wo mbaṟi yosepfo, ma njiwode wuṟango wueṟie wandu wengipfo; indi nyi kundu mangi naidime imanya na iloṟo shiṟike na njikuongoye mdambuye, naawo umanye kii mahiyonyi hapfo.

HOSEA 12:6

Wuyenyi ko Mndumii-Ruwa onu, kuwadenyi na ikunda na wukiilohi, muwekaa mkusirienyi ko Mndumii-Ruwa kiheri kyose.

YOELI 2:2

Mkonu fo nyi fo mema na isumkia; nyi mkonu fo mapuchi na mtima. Mbahanyi ing'anyi ya nzihe ikeri kufui, ikeri cha isulia lya mema liliale mafumvunyi. Kindo cha iki kilemeutike male-pfo, ma kechikaa kiutike se marika hose haicha-pfo.

AMOSI 3:13

Adanyienyi muṟingishie kya mba ya Yakobo, Mndumii-Ruwa menyi matorito ahamba.

AMOSI 5:27

Kui kipfa ikyo njechimsamiṟa mui wapfungo, muhende kuleshi muide Damesiki, Mndumii ahamba, ichu elaho nyi Ruwa menyi matorito.

AMOSI 5:8

shihenyi ulya awikie Kilimia na Orioni, na ihalutsa kiṟinje kya opfu iwa ngamenyi, na ihaluo mfiri fuwe meema fuwe kio; ichu aidima ilaha mṟinga fo ipalyipalyi, na ifuletsia wanda terinyi; Mndumii nlyo rina lyake;

AMOSI 6:8

Mndumii nyalelya nyamu yake, so Ruwa Menyi Matorito; Ngamina kiṟumi kya Yakobo, ngasuiṟo nyi mamba hake; kipfa kya ikyo, njechiwutaho mṟi fo hamu na wose waipfo.

AMOSI 8:9

Na Mkonufo Mndumii-Ruwa nahamba njechihaluo mnengeṟi fuolokie mfiri makidi hawi, na njechikumbia meema kiheri kya ngeela ya mfiri.

AMOSI 9:6

Nyio akewika shiṟiha shayo ruwehu na isuma otende lo mlemeko wuyana; nyio ekelaha mṟinga fo ipalyipalyi, na ifuletsya wuyana. Mndumii nlyo rina lyake.

MIKA 1:3

Ee da! Mndumii-Ruwa naicha awuka handu hake; nasoka na ichumia huya njoweri tsa wuyana.

HABAKUKI 3:19

Mndumii-Ruwa, ai Mndumii, nyi pfinya tsako. O nyi akarishie madende hako cha ha sumbuda, Nyi echinjiduo tete handu hake ha huye.”

ZEKARIA 12:1

Otambahaluo lo idedo lya Mndumii ko Israeli. Ishi nsho Mndumii ahamba, atsanyie Ruwehu na oruka, kaumba mndu kawika mumuyo kiidi kyake.

MATAYO 9:4

Naho ili Yesu kewona mahio hawo kawawia, “Nyi kyaki muihia kiwicho mrimenyi konu?

YOHANE 2:25

Yesu naweichi chuṟe tsa wandu tsose alawewuṟie mndu motsimbia.

YOHANE 3:8

Otanu lochekewiwita kundo lochikukundya na mrundumo folo na ochikuichyo, kya indi kulamanye ma kundo luwuka ma kundo loihenda. Kyasia-ng'u na orio mndu mofeo m Mumuyo na wudo akeri.”

NGUMBUO YA MAWAWASO 32:13

Nalewaitsa rendewelenyi tsa mtsudu, tsa oruka, nawo wakalya shilimu sha mademenyi. Kawainenga wuki wo maṟaṟenyi wasonje na mafuda ha mashidi orukenyi luwode maho.

NGUMBUO YA MAWAWASO 33:29

Nanga yanu nyo Waisraeli. Nyiu ai chanyo, wandu mulekiṟo nyi Mndumii-Ruwa, ichu nyio ngawo ya kitarama kyanu, na oshu lokemuendie wuwinzi, Wakituwa wanu wechicha waiarama oshangunyi lonu, nanyo mochiwachumachuma wanda.”