AMOSI 4:10 - Bibilia Kui Mdedie fo Kimochi

¹⁰ Ngamudikya ndaṟe njiwicho ya nda tsa makokoi yelaho “Taunyi” cha taunyi ya Misiri; wanake wanu ngawawaaha na oshu, na frasi tsanu ngatsiduo haleshe; ngadika mdao fo mnying'a njiporu muipfaamye na mbuo tsanu; mulakunde ihaluka munjiwuuye, Mndumii ahamba.

AMOSI 4:10 ပူးပေါင်းရင်းမြစ်များ

2WAMANGI 10:32

Mandi ho Mndumii-Ruwa nalewoka inyiiṟa oruka lo Israeli. Mangi Hazaeli o Aramu alewinga oruka lose lo Israeli,

2WAMANGI 13:3

Mndumii-Ruwa kasuo katewa wana wa Israeli wawingo shidenyi orio kiheri mangi Hazaeli o Aramu na mana oke Ben-hedadi.

2WAMANGI 13:7

Kipfa waledea Yehoahazi maaskari wa shida pfo shile wedoya frasi makumi hatanu (50) na frasi, na magari ikumi, na waaskari wechumia shiku ikumi (10,000), kipfa mangi o Shamu nalewarumatsa wakafanana na kiluli kichumechume.

2WAMANGI 8:12

Hazaeli kahamba, “Mndumii oko nkili ufihiṟa?” Kahaluo, “Kipfa njiichi mawicho ochiwutia wana wa Israeli, nochikoṟa modo njotiṟiwa tsawo, nochiwaha wanake wawo na oshu, nochipoṟipotsa wana wawo, shikoku na waka wanene nochiwamanyamanya.”

IWUKA 10:27

Kyaindi Mndumii-Ruwa kaumiṟa mrima fulya fo Farao nalawainenge momu wakuhendie kowo.

IWUKA 10:3

Kyasia, Mose na Aroni wakaida na ko Farao, na immbia, “Mndumii-Ruwa o Waebri, nahamba adi, Ngesa! Nochileha mṟasa indi ihendelia oshangunyi loko? Inenga wandu wako momu wakuhendie, kundu wanjiṟundie.

IWUKA 14:4

Na inyi njechiumiṟa mrima fo Farao, nao namuoshe numa, inyi njii Mndumii-Ruwa.” Kyasia wakawuta wado.

IWUKA 15:26

Kawawia, “Kokoya mochiadanyia ṟu lya Mndumii-Ruwa, onu kui pfinya tsose na iwuta shisumhanyi oshangunyi loke, nodehe madu hapfo uicho mawawaso hake, na iwada mawawaso hake, Inyi njechiende ndaṟe tsilya njileendie Wamisripfo; huyapfo pfo kyamba Inyi njii Mndumii-Ruwa njekekukiṟa.”

IWUKA 8:19

Nalyo wahanga walya wakawia Farao, “Iki nyi kimnyo kya Ruwa;” na mrima fo Farao fukawa mlemeri, nalawaadanyie; na wudo da chandu Mndumii-Ruwa ewawia.

IWUKA 9:12

Mndumii-Ruwa kaumiṟa mrima fo Farao, nalawaadanyie, na chando Mndumii-Ruwa awewie Mose.

IWUKA 9:17

A iyo, ngesa! Na ikutimbisha oi huya wandu wako, kulawainenge momu wakuhendie?

YESAYA 34:3

Wandu wake wai wawaahe waiwakumbe nja, na mdao fo mnying'a yawo fochido huye, na mafumvu hechisalaṟo nyi samu yawo.

YESAYA 50:11

Ambuyenyi nyo mose muiatsa modo, muikupfungia shimunyi; idenyi kiidi kya olewo lo modo fonu, na kiidi kya shimunyi sho muleatsa. Mochiambia ishi kui owoko loko; mochilaa mui wasokie nyi fowa.”

YESAYA 9:12

Waashuru wawe kusonguo, na Wafilisti ora lo nduma, nawo wechidapfuna Israeli kui madumbu hamatambaṟuo. Hamu na isho shose nyashi yake ilehalukia kuleshipfo, indi owoko loke lui luhoṟuo itane wulalu.

YESAYA 9:13

Indi wandu wo walehalukia ichu alewakapa-pfo, na ishiha Mndumii menyi Matoṟito.

YESAYA 9:17

Kui kipfa kya ikyo Mndumii echichihiyo kipfa kya wanake wawopfo, echisaṟia wangoeda ma wakusu wawopfo, kipfa orio mndu nyi afanyi ngafu, naichuo ngafu na orio olimi lokededa wutondo. Kimu na isho nyashi yake ilehalukia kuleshe-pfo, indi owoko loke lui luhoṟwo itane wulalu.

YEREMIA 11:22

Kui kipfa ikyo Mndumii Menyi Matorito nahamba adi, “Ambuya njechihoṟuo wandu wa, wanake wechipfa kui oshu, wana wawo wa kisoṟo na wa kika wechipfa kipfa kya njaa.

YEREMIA 15:3

Inyi Mndumii-Ruwa ngadumbuo iende mbaṟi tsina tsa orumatso: shida yechiwawaha, shite shewatufuo tufuo, ndehe tsewatona, mando ha ngeṟenyi hewadapfuna na iwamarisa.

YEREMIA 16:4

Iwo wechipfa kui ndare njiwicho kulechiwoneka mowafihiṟia ma iwaṟika. Mnying'a yanu yechikuala cha kyala kya oruka. Wechiarisika kui oshu na njaa: Mnying'a yawo yechiwa kelya kya ndehe na mando hai na moo malang'a.

YEREMIA 18:21

Kui kipfa ikyo leka wana wawo wapfe njaa, leka oshu lowo luwahoye, waka wawo wapfiio nyi wana wawo, wawepfio nyi wamii wawo, wasoṟo wawo wawaho nyi ndaṟe mbicho, wanake wawo wawahiyo shidenyi. Kui oshu.

YEREMIA 48:15

Ulya morumatsa Moabu na mṟi yake, ameafukia wanake wake wecha wasia iwoho. Ngahamba inyi njekelaho nyi Mndumii-Ruwa Menyi Matorito.

YEREMIA 49:26

Kyasia warika wake wechioloka mapatehu koke, Waskari wake wose wechisaramaya mkonu fo. Nyi inyi Mndumii-Ruwa menyi matorito ngahamba.

YEREMIA 5:3

Meso hapfo iyo Mndumii hekeambuya wuhendeli nulewakapa, indi walesokio nyi fowa pfo; kowadedia wakaleha iwuya; wakawada orikiki kiwicho, wakahaluo shamu shawo iho lya iṟaṟa; walehiye iwuya.

YEREMIA 6:11

Kyaindi njiichuo nyashi ya Mndumii, ngalehela na itirisia; letsienyi huye ya wana wai njienyi na kiidi kya wanake, wakuwumbie handu hamu; kipfa mii na mka oke wechidao handu hamu, mndu mku na ulya ashitsie maka yake.

YEREMIA 9:22

Mnying'a ya wandu yakuala orio handu ifananyi na kyala kya mademenyi, cha mahaa ha mbeke haledeo mdemenyi, halalesambuyo, kulawode mosanyia, “Mndumii menyi matorito anjiwia njihambe!”

HOSEA 11:5

Kyasia, nyi wechiwuya na Misri; na mangi o Ashuru nechiwasongoya, kyamba nyi waleleha injiosha.

YOELI 2:20

Njechidichiṟa watuuri wanu wawukie ora lo mtsudu, Njechiwadichiṟa mṟasa nuka ya msanga; na olemali walya wasonguo njechiwakumba ipalipalyinyi lya monyo; na walya wa nduma, njechiwakumba ipalyipalyinyi lya Mediteranea. Wechipuo na idaa na iwuta mṟufu mbicho, iwo wautie mawicho hang'anyi.

WALEWI 26:16

kyasiang'u nyi udi njechiwika: Njechimukapa na imuendie wuowu wung'anyi peṟeseng'u ndaaṟe ya kipeeta na isemu lyechiwaha meso na imupootsa. Mochiwaya mbeu tsanu mulechihuyo kyamba wakituwa wanu nyiwo wechitsilya.

WALEWI 26:25

Njechimwendie oshu lochitaa kiṟache kipfa kya mkundano mulefufunja. Mochidichia mṟinyi yanu, kyaindi njechimudikia ndaṟe njiwicho njimuwike mawokonyi ha wakituwa wanu.

AMOSI 4:6

Na inyi njilemuinenga wuili wo maheho kiidi kya mṟi yanu yose, na iwu? A mkate handu hose; ma kudo mulenjiwuuyapfo Mndumii ahamba.

AMOSI 8:3

Shiimbo shawo sha Hekalunyi lyako shechiwa kilio maheri halya, Mndumii-Ruwa ahamba, mnying'a yechifo, wechiikumba orio handu, watsie sau.

HAGAI 2:17

Njilemkapa na kwari na mu fung'anyi, na mtiima na mvuo ya maho, kiidi kya maṟunda hanu hose; indi mulenjihalukiapfo Mndumii ahamba.

NGUMBUO YA MAWAWASO 28:21

Nechimwendie ndaaṟe njiwicho mṟasa mose muarisike nakamu ipfo orukenyi kundu muihenda.

NGUMBUO YA MAWAWASO 28:22

Mndumii-Ruwa nechimudikia ndaaṟe ya kipeeta, iseng'u, maode, mrike fung'anyi; mbaṟi, kiwiṟi kenyamaṟa shilimu; shindoshi shechimutuura tane moarisika.

NGUMBUO YA MAWAWASO 28:60

Nechimuendie ndaaṟe tsilya muwetsiowoye kulya Misri, natso tsechiawa nanyo kiheri kyose.

NGUMBUO YA MAWAWASO 7:15

Mndumii-Ruwa nechiwuta ndaaṟe tsose ipfo konu; mochiwado nyi ndaaṟe yose ioweshie chandu tsilemuwada kulya Misripfo, kyaindi nechidika ndaaṟetso ko wakituwa wanu.