AMOSI 3:15 - Bibilia Kui Mdedie fo Kimochi

¹⁵ Inyi njechikapa mba tsa kiheri kya mbeo hamu na mba tsa kiheri kya kwari, mba tsinjiwike na membe tsa njofu tsesaramaya, na mba tsing'anyi tsechitsitsa, Mndumii ahamba.

AMOSI 3:15 ပူးပေါင်းရင်းမြစ်များ

1WAMANGI 22:39

Na mbonyi tsose tsa Ahabu tsiletsuhaa na shose aleshiwuta, na mba ya membe alewika, na mṟi yose aleiwika, ngesa shileṟehiyo kiidi kya kitapu kya maheri ha wamangi wa Israeli?

SHIIMBO SHA DAWIDI 45:8

Maṟao hapfo hapfaama manemane Na udi na mdalasinyi, ipfo mambenyi ha ndumba, shinanda shikuchihiṟie.

YESAYA 5:9

Mndumii menyi Matoṟito nadeda madunyi hako, “Nyi kya lohi mamba hafoi hechiwa wukiwa, ye da, mamba hang'anyi, mecha, hechituṟa wandu.

YEREMIA 36:22

Maheri ho hawei meri fo kenda, na mangi nawei mbenyi yake kiheri kya mbeo, kechioda modo fo makaa.

AMOSI 2:5

kyaindi njechidika modo huye ya Yuda, nafo fochirumatsa mamba ha Yerusalemu.

AMOSI 3:11

Kyasia, iha nyiho Mndumii-Ruwa ahamba; kochiwada mkituwa natengetie oruka njora tsose; nao nechisoṟowitsya wanda pfinya tsapfo tsose tsikuwuke na mamba hapfo hechiwado shidenyi.

AMOSI 5:11

Kyasia kipfa kya ili mokewonyia mkiwa, na imsoka ngano yake; nyo muwikie mba tsa maho matsane, indi mochikaapfo-pfo; mudemiye madema mecha ha msabibu, indi mochinyo mvinyo fo fopfo.

AMOSI 6:11

Kipfa ambuya, Mndumii nawuta iwawaso; mba ing'anyi yechikapo na iwunduyo na mba ntutu yechikapo ipaṟikye mahinga.

MALAKI 1:4

Ma chandu Edomu ahamba ke, luiwapaṟe-paṟe, lochiwuya luhende isungusia handu kuledeo mrapu; Mndumii Menyi Matoṟito nahamba adi, “Wo nyi wechiwika mba, kyaindi inyi njechiiwunduo.” Wandu wechimulaha, “Isanga liwicho sa Mndumii-Ruwa alisuo mlungana.

WACHILI 3:20

Nao Ehudi kasemmbelia alya handu awekeri kiidi kya kiṟiha kyake kiwode mmbeo o kyanja, kambia, “Njiwode mbonyi yapfo iwukie ko Ruwa.” Mangi kakure kiidinyi kyake kahoṟoka.