AMOSI 2:7 - Bibilia Kui Mdedie fo Kimochi

⁷ wakawefola-fola kiluli kikeri mdohu fo wakiwa, na idetsa ohendo lucha lo wai wahoo; mndu na ndee wakawekaa na mndumka umu, itane rina lyako lyafana ngafu nalyo lyi Yele;

AMOSI 2:7 ပူးပေါင်းရင်းမြစ်များ

2SAMWELI 12:14

Kyaindi kipfa kya ili omina kudo Ruwa, mana opfo nechipfa.”

1WAMANGI 21:4

Kyasia Ahabu kahenda kanyi koke, ai na mrima mlemeri, aichuo nyashi, kipfa kya idedo lilya Nabothi Myezreli alemmbia ke “Njechikuinenga kyoṟa kya wandee wako pfo.” Kalaa kitaṟenyi kyake kahalutsa kyaamu kyake kaleha ilya.

MFANANO 28:21

Ikundya wandu chi kichapfo; Ma mndu itewo nyi kipeṟengu kya mkate kadeko

YESAYA 10:1

Ochia lowo wewika mawawaso halai lohi, na waṟehi weṟehia madedo ha wukahari;

YESAYA 10:2

idetsa ulya ahuṟi nalawone kilya kyake kisumhanyi, isoka wakiwa wusumhanyi wowo, kundu wakusu wawe wapfungo, na wangoeda walepfiio nyi wandeawo wawe kando kawo kalase.

YESAYA 3:14

Mndumii nechikaa kiidi kya yaanduya, meku na wanene wa wandu wake; Nyi nyo mulelya mdemi fo msabibu; shilya mulewada sha mesa aisho shii ipfo mbenyi tsanu.

YESAYA 3:15

Ili lyahamba ki, nyo iwonyia wandu wako, na ipoṟipotsa shamu sha wakiwa? Njiwesa Inyi Mndumii menyi Matoṟito.

EZEKIELI 22:11

Wandu wengi wekewuta shindo cha wusutsu wechilaa na waka wa mṟasenyi yawo, wengi wakalaa na waka wa wana wawo, na wengi wakalaa na washiki wawo.

EZEKIELI 36:20

Kyamba kiheri kyo wawekeri kulya orukenyi kiidi kya mkambo ya wandu nyi walesalucha rina lyako liele, na wandu wakadeda wadi kyawo: Ambuyenyi! Wandu wa nyi walya wa Mndumii-Ruwa, kyaindi nyi kilewakoya wakure kulya orukenyi loke!

HOSEA 4:14

Kyaindi njechihoṟuo wana wanu wa kika kiheri wawuta wumelukimeluki-pfo, ma wamali wanu kiheri waiwuta wuṟuhui-pfo, kipfa, wasoṟo wawenyi nyiwo waioshana na wamelukiwo, na iwuta nawo shidaso kiidi kya miindie ya wumeluki. Wandu wa watuṟie wuṟango kya lohi wechirumara!

WALEWI 18:15

Kulalae na malyi o mana; o nyi mka o mana opfo.

WALEWI 18:21

“Kulalekie mana opfo oose nawe kidaso ko ruwa Moleki, cha kipfa iwuta kudo noisalucha rina lyako Inyi Ruwa opfo. Inyi nyi Ruwa Menyipfinya.

WALEWI 18:8

Kulashukuo kitaṟe kya mka o ndeo nolae nao kyamba nyi kitaṟe kya ndeo.

WALEWI 20:3

Inyi njimonyi njechikoyana na mnducho njimletsane na wandu wake kipfa kya ili alekia umu o wana wake kidaso ko ruwa Moleki na kudo kafanyitsa handu hako haele handu hamu na rina lyako.

AMOSI 4:1

Adanyienyi idedolyi nyo mbe tsa Bashanyi, mokekaa fumvuhu lya Samaria, mukawonyia wakiwa, na ikapa walya wahuṟi; mokewia wasoṟo wawo, Wulalu endenyi, lunyo.

AMOSI 5:11

Kyasia kipfa kya ili mokewonyia mkiwa, na imsoka ngano yake; nyo muwikie mba tsa maho matsane, indi mochikaapfo-pfo; mudemiye madema mecha ha msabibu, indi mochinyo mvinyo fo fopfo.

AMOSI 5:12

Kipfa njiichi chando mawicho hanu hafoi, na chando wunyamaṟi wonu wung'anyi; nyo mokewonyia wenyi wusumhanyi, mokeambya shetsutsuma, na ihaluo walya wahuṟi oo mongonyi walawone kilya kiwasumhanyi.

AMOSI 8:4

Adanyienyi, iki, nyo mukundi imeṟa walya wahuṟi na iowesha wakiwa wa orukenyi,

MIKA 2:2

Wekelanga madema na ihawada; wakakunda mba wakarakuo, wekesoka na iwonyia wawode mba na wa kanyi kowo, wekesoka wandu masaa hawo.

MIKA 2:9

Mukafuna waka wa wandu wako, wawuke mbenyi tsawo njicha. Mkasoka wana wawo kiṟumi kyawo mlungana.

SEFANIA 3:3

Wachili wafo nyi miso tsipoṟohoṟa; walya wehoṟokia wengi nyi shisii sha kiukanyi; tsilekelaṟa kindo itane ili lya ngama.

WAROMA 2:24

Chando Madedo Maele hahambie “Rina lya Ruwa lyekeanga mosalucho ipfo mkambonyi ya wandu kipfa kyanu nyo Wayuda.”

1 WAKORINTO 5:1

Koichyo kundo kose ke konu kuwode wuṟuhui, na wuṟuhui wu nyi wo mbaṟi ileewa isenda ma ipfo ko wandu walaidikye wai, mndu nakae na mka o ndee.