AMOSI 2:4 - Bibilia Kui Mdedie fo Kimochi

⁴ Iha nyiho Mndumii ahamba; Kwi madeko haṟaṟu ha Yuda, ee, kipfa kya haana, njechiima nyashi yako ilechimhoyapfo; kipfa waleleha chila ya Mndumii; manya walewada wuwawaso wokepfo; madedo hawo ha wongo halewadetsa, iho wandeawo walehaosha;

AMOSI 2:4 ပူးပေါင်းရင်းမြစ်များ

2WAMANGI 17:19

Kyaindi ma kudo wandu wa Yuda waleindia mawawaso ha Mndumii-Ruwa, Ruwa owo pfo, indi waleosha mbuka tsilya tsileendo na wandu wa Israeli.

2MBONYI TSA MAHERI 25:14

Kyasia, Amazia kawuya amemaikapa Waedomu, kaende maruwa ha Waedomu, kawatana wawe maruwa hake, kawaindia na iwapfamiṟa mtsu fo ubani.

2MBONYI TSA MAHERI 30:7

Manya mulawe cha wasahuye wanu na wanawamayo wanu sa walawei wahendeli ko Mndumii-Ruwa, Ruwa o wasahuye wawo. Na chandu muwonyi nyo muwenyi nalewanenga ngapo ing'anyi.

NEHEMIA 1:7

Ambuya nyi lulewuta mawicho oshangunyi lopfo, lulaoshe mawawaso hapfo manya lulaoshe wuwawaso wulya uleinengia mṟundi opfo Mose.

NEHEMIA 9:26

Kyaindi wandu wa walekuhendelia-pfo, wakakuleha, wakaweleha mawawso hapfo, wakawewaha waikimbi walya walewaikimba ikuhalukia, nawo wakawuta mawicho hang'anyi mnu.

YESAYA 28:15

Kipfa mohamba, lolya mma na opfu, loidikiana na ko waṟumu; ngapo ing'anyi cha mfu yechiida yechilukooyapfo; kipfa madedo hadu ha wongo hawa opanga loowa na kidichionyi kyadu madedonyi halai lohi;

YESAYA 44:20

Nekelya ifu; mrima fulelembo fulemdetsa, nalaidime ikiṟa sha mrima foke, na ihamba kiidi kya mrima foke nalaidime ihamba, ‘Sanamu i njiwode kunu mawokonyi hako chi Ruwa pfo.’”

YEREMIA 16:11

Na iyo nochiwahaluo ke inyi Mndumii-Ruwa ngahamba njidi, wandeanu walenjida wakaosha maruwa hengi, wakahaṟundia na ihaindia. Walenjida na waleindia mawawaso hako pfo.

YEREMIA 16:12

Nyo muletana owicho kota wandeanu kipfa orio umu onu nyi awode orikiki na makusaṟo mawicho mokenjiadanyia pfo.

YEREMIA 17:27

Indi kokoya mulakundi injiadanyia itana mwele mfiri fo sabato mulechiduo mhanda na iida kichuminyi kya Yerusalemu mfiri fo sabato nahong'u njechiatsa modo wokia mongonyi na irumatsa mba tsa wuitoṟi tsa Yerusalemu fuake fulechiruma.”

YEREMIA 6:19

Adanyia iyo Oruka; uambuye, njechiende mawicho huye ya wandu wa, ee da ndunda tsa mahiyo hawo, kipfa walaleicho madedo hako; na kya ngoseṟa mbonyi tsa wuwawaso woko wakaleha.

YEREMIA 8:2

“Nawo wechihaolaola osehu lo mnengeṟi na Meri na nyenyeri tsose tsa nginehu, isho waweshikundi na ishiṟundia na iwadana nasho, na ishiwalia na ishiindia; wai, mafuo-ho hechisanyio handu hamu-pfo ma iriko-sepfo; hechiwa kyala kya oruka.

YEREMIA 8:9

Walaanyi awalya waṟeenze, waeṟewe na imanyika wuowu wowo, wada idedo lya Mndumii, nyi wuṟango wuha wawode?

YEREMIA 9:14

Indi wakanjisuiṟa wakaosha mahio hawo na idichia muidikie fo Baali, chandu wafee wawo wawaloshie.”

EZEKIELI 13:22

Kyamba kui wongo yanu nyi muleendie wandu wa wasumhanyi fowa njilawekundi waiwone, mukawekarisha wawicho waengeṟe iwichuo kundu waladumbuye wahende iashuo mrima yawo.

EZEKIELI 20:13

Kya indi mba i ya Israeli ilenjileha kulya nuka, wakaweumbuya mawawaso hako na sungusihu tsako tsilya tsekeinenga moo mndu ulya eketsiosha. Wakawefanyitsa sabato tsako, ngahamba njechiwasotsia nyashi yako kulya nuka ihende iwarumatsa piu.

EZEKIELI 20:16

Kyamba waleleha chila tsako, manya walakunde iosha mawawaso hako, wakawefanyitsa sabato tsako, kyamba mrima yawo ilekuwada iosha sanamu tsilya tsawo.

EZEKIELI 20:18

“Nyi wudo ngawekekedia wana wawo kulya nuka, manya mlaoshe wuwawaso wo wafee wanu, ma ichumia kiidi kya sungusihu tsawo, manya mlakufanyitse kiidi kya sanamu tsawo.

EZEKIELI 20:24

Kyamba nyi waleleha ichumia kiidi kya sungusihu tsako, wakawumbuya mawawaso hako na ifanyitsa sabato tsako, na meso hawo hakakunda iosha sanamu tsilya tsa waku wawo.

EZEKIELI 20:30

Wulalu wia mba yo ya Israeli le, nyi wudi Mndumii-Ruwa ahamba, ‘Nki ili muiosha mawuto halya hawichuṟie, halya waku wanu walewuta na iosha maruwa halya hawo ha wongo?

EZEKIELI 22:28

Waikimbi wawo washikia kilya kiidi kya lohi cha ili mndu aishia chokaa omombo lunyamaṟikie. Wechionguo ndodo tsa wongo na iikimba wongo wechihamba, ‘Mndumii-Ruwa nahamba adi'; Kyaindi ko ora loko ngamehambe kindopfo.

EZEKIELI 22:8

Nulemina shindo shako shiele, kowesalucha sabato tsako.

HOSEA 12:2

Mndumii-Ruwa nyi awode mondu na Yuda; ambuya nyi ahenda ikapa Yakobo sumuhana na madeko hawo, na iwataa sumhana na mawuto hawo.

HOSEA 12:3

Mandi Yakobo awei wusunyi wo mae nyi alewada kitsinano kya wawae. Kiheri aleng'ana kalimbana na Mndumii-Ruwa.

HOSEA 6:11

Ko ora lopfo iyo Yuda, nyi umteseheṟie kiheri ochisambuo ngapo.

AMOSI 1:3

Iha nyiho Mndumii ekehamba; Kwi madeko haṟaṟu ha Damasiko, ee, kipfa kya haana, njechiima nyashi yako ilechimhoyapfo, kipfa nyalesa Gileadi na shoombo shesea sha menya;

AMOSI 3:2

Nyi nyo tupu njilemumanya kiidi kya wandu wa mkambo ya wuyanenyi kose; kwi kipfa ikyo, njechimuwuwuya manyamaṟo hanu hose.

MIKA 6:12

Wasuṟi wa mṟi yawo waichuo wulembi, wenyi mṟi wawo wekededa wongo, orio kindo wadeda nyi wulembi.

HABAKUKI 2:18

“Sanamu tsengusia nyi kiki tsaidima, ma ulya aleisungusia? Sanamu yesalaṟa, ii mlosha o wongo kiki yaidima manya ulya alesalaṟa itane awikaho kikusirio kyake na iwikapfo sanamu tsiladeda?

WAROMA 1:25

Wo walekuilachya wukilohi wo Ruwa na wongo, wakawikya kitsane wuindi na ikiterewa wakada mtsanyi mokiwika ai moidapfumo mlungana. Amenyi.

1WATESALONYIKYE 4:8

Nkyo kimaduma mndu aleha iki aileha mndu o wandupfo indi Ruwa chu alemwinenga nyo Mumuyo oke mwele.

1PETRO 1:18

Kyamba muichi mochimanya ke chi kui shindo shesia ma fesa ma sahabu mulemhenda italao nasho mhendekienyi fonu fo shindo sha mai furianyi na shido sha waku walya wanupfo.

WACHILI 10:6

Waisraeli wakawuta mawicho oshangunyi lo Mndumii-Ruwa wakasingia Mabaali, Maashtarothi na maruwa ha Shamu, ha Sidoni, ha Moabu, ha Amoni na ha Wafilisti. Wakada Mndumii-Ruwa ma walamwindie se.