AMOSI 2:14 - Bibilia Kui Mdedie fo Kimochi

¹⁴ Na icho aidicha ekooya kidichionyipfo; Manya icho aichi ikapa mteeṟa pfinya yake yesia; Ichu akuhodye echiidima ikiṟa moo fokepfo.

AMOSI 2:14 ပူးပေါင်းရင်းမြစ်များ

YOBU 11:20

Indi wandu wanyamaṟi meso hawo hechiwikia iwushiwushi, wechiwuṟa kodichia, kikusirio kyawo kya ifurumia njilekia moo!”

SHIIMBO SHA DAWIDI 33:16

Kuwode mangi ekekia kipfa kya mfoeṟa fo wuidimi woke pfo, Manya mbahanyi ekyekia kipfa kya mfoeṟa fo pfinya pfo.

KOHELETI 9:11

Ngawuya ngaambuya kunu wuyana, ngawona chi wose wekewikia mteeṟa wakawa wawinzi pfo, ma chi waapfinya wekewinga shidenyi pfo, ma chi waṟango wekewona kando pfo, ma chi wandu waichi wekewona masaa pfo, ma wandu waaria wakundikepfo; indi kiheri kya osu kekeshikia wose.

YEREMIA 25:35

Walisi wechiwona kodichiapfo, ma walya wai ngohoda kiidi kya poo wechikiapfo.

YEREMIA 39:4

Sedekia mangi ya Yuda na Waasikari wake wose wekiwawona, wakasheṟuka. Wakawuka nja ya mṟi kio, wechiidia mdeminyi fo mangi, kichuminyi kya makidi hawi ha njomombo tsiwi, wakahenda ora lo Araba.

YEREMIA 9:23

Kyasia Mndumii nahamba, “Mndu mṟango nalakushelie wuṟango woke, manya ulya awode pfinya nalakushele kipfa kya pfinya tsake, manya msuṟi nalakushelie wusuṟi woke,

AMOSI 5:9

ichu aidima iende orumatso peṟeseng'u kiidi kya wandu waapfinya; itane orumatso loolotsa omombo lo mba.