AMOSI 1:9 - Bibilia Kui Mdedie fo Kimochi

⁹ Iha nyiho Mndumii ahamba, Kwi madeko haṟaṟu ha Tiro, ee, kipfa kya haana, njechiima nyashi yako ilechimhoyapfo; kipfa waledambika kishari kyose mawokonyi ha Edomu, manya walakumbuo mma fo mndu na odoe;

AMOSI 1:9 ပူးပေါင်းရင်းမြစ်များ

2SAMWELI 5:11

Mangi Hiramu o Tiro kadumia Dawidi waṟundi wake; na mashidi ha meresi, waaria wepacha mashidi, na waria wewika mba, kundu wawikie Dawidi mba.

SHIIMBO SHA DAWIDI 83:7

Gebali, na Amonyi na Ameleki na Filisti, na iwo wekyekaa Tiro,

YEREMIA 25:22

Na wamangi wose wa Tiro na wamangi wose wa Sidoni na wamangi wose wai oruka lulya lulutengetie nyi mṟinga ora lo kyukanyi lo ipalyipalyi.

YEREMIA 47:4

Ifo nyi mkonu forumatsa. Wafilisti wose, itirimisha kitarama kiletsuhaa wuka Tiro na Sidoni. Kipfa Mndumii-Ruwa nairumatsa Wafilisti, wandu waletsuhaa wa kihongo kiṟingichie, mṟinga njora tsose kya Kafto.

EZEKIELI 27:1

Idedo lya Mndumii-Ruwa likanjichea lyechihamba,

EZEKIELI 27:27

Wusuṟi wopfo wo shindo na masaa, wandu wapfo wose walya weduo ngalawa wose ipfo ngalawenyi, waaria wapfo na ngalawa na wachuṟusi wapfo, mbahanyi tsapfo tsose tsikeri kopfo, handu hamu na walya wepfunga kyaṟo wakeri kopfo, iwo wose wechiarisikia ipalyipalyinyi, mkonu fulya fo iarisika lyapfo.

EZEKIELI 28:1

Idedo lya Mndumii-Ruwa likanjichea likanjiwia,

EZEKIELI 28:18

Kyamba chando ngeṟo tsapfo tsiwefo na chando uwekelemba ipfo mbuchenyi tsapfo nyi ulefanyitsa handu hapfo heindia; na inyi ngasotsia modo huye yapfo kundu fuhende ikurumatsa, ngawekutana ifu huye ya isanga oshangunyi lo iwo wose wawekeri ikuambuya.

AMOSI 1:11

Iha nyiho Mndumii ahamba; Kwi madeko haṟaṟu ha Edomu, ee, kipfa kya haana, njechiima nyashi yako ilechimhoyapfo; kipfa nyi aleosha manomae na oshu, alakunde imiichiyo wukiwa, kaduiko nyashi, karihinyika mnu,

AMOSI 1:6

Iha nyiho Mndumii ahamba, Kwi madeko haṟaṟu ha Gaza, ee, kipfa kya haana, njechiima nyashi yako ilechimhoyapfo; kipfa waleduo oshari loose lo wandu wai wapfungo, wawawike mawokonyi ha Edomu;

OBADIA 1:11

Mkonu fulya ulehoṟoka kihadi, mkonu fulya wahenu waleduo masaa hake, na wandu wa mbaṟi tsingi waleida shichuminyi shake, na iwika kuṟu kuhya kya Yerusalemu, na iyo na uwei cha umu owo.

ZEKARIA 9:1

Otambahaluo lo idedo lya Mndumii, lyilededo kipfa kya oruka lo Hadraki na Damasiko kowa handu hake hesiamoo; kipfa riso lya mndu o wandu na njoshari tsose tsa Israeli lyeambuya Mndumii,

MATAYO 11:21

“Ochia lopfo iyo Korasinyi ochia lopfo iyo Betisaida! Nokoe nyi kulya Tiro na Sidon kulewutika shindo sha kiṟiha cha isho shiwutikye kunu kiidi kyanu nawo nyi wawechidumbuya wunyamaṟi wowo lya kacha wakuṟaaye na shisaṟa sha wukiwa na ifu iloṟa idumbuya.

MATAYO 11:22

Kya indi nyi ngambia, kilya kya Tiro na Sidon nyi kyechianguo ili mfiri fo mondu kota kyanu.

LUKA 10:13

“Ochia lopfo iyo Korasinyi, ochia lopfo iyo Betisaida; nokooe nyi kulya Tiro na Simon kulewutikia shindo-sho sha pfinya cha ishi shiwutikie kunu kiidi kyanu, nawo nyi wawechidumbuya lilya kacha, wakuṟike na shisaṟa sha wukiwa na idamia mafunyi.

LUKA 10:14

Kyaindi kilya kya Tiro na Simon nyi kyechianguo ili mfiri fo mondu kota kyanu.