2 WAKORINTO 9:8 - Bibilia Kui Mdedie fo Kimochi

⁸ Nao Ruwa ai na pfinya yemfeṟya shanu sha mweena kya orio kindo mkonu yose mochihelukya orio ngata njicha yose.

2 WAKORINTO 9:8 ပူးပေါင်းရင်းမြစ်များ

2MBONYI TSA MAHERI 25:9

Kyasia, Amazia kawesa mndu ulya o Ruwa, “Njiwute kuda kya fesa tsose ngameinengia olemali lo lo Waisraeli?” Nao kamhaluo kambia, “Mndumii-Ruwa nechiidima ikunenga shifoi kota isho.”

SHIIMBO SHA DAWIDI 84:11

Kyamba Mndumii, Ruwa, nyi mnengeṟi na ngawo, mndumii nechilekia osaṟio na Kiṟumi, echiwaima kindo kichapfo, iwo wekechumia kui wusumhanyi.

MFANANO 10:22

Ona lo Mndumii lokesuṟisha, Ma ekesanza nalo fowa pfo.

MFANANO 11:24

Kuwode moola, indi kaengeṟyo ngoseṟa; Kuwode moima kilai lohi, indi nechikaa naeṟeṟe.

MFANANO 28:27

Mohawia wakiwa ahuṟi kindo-pfo; Indi moṟika meso hake nechiambia oseso lufoi.

MFANANO 3:9

India Mndumii na masaa hapfo, Na shilimu shapfo shose.

HAGAI 2:8

Fesa nyi tsako, na sahabu nyi yako Mndumii o matorito.

MALAKI 3:10

Endenyi mwano fusumhanyi kikumbinyi, kuwade kando mbenyi yako, munjiheshe mudo, Mndumii menyi Matoṟito ahamba, muwone kokoya njilechimupfunguya matiṟisha ha ruwehu na imsotsia mboṟa mtano mowuṟa handu hewika ang'u ote.

MAWUTO HA WASU 9:36

Nahong'u na kulya Yope kuwepfo mka o kiloshyony ewio rina lyake nyi Tabita (nyi kimu na sariha.) Mka chu awei sa msanze mowuta mawuto mecha na isungusia shindo shetarama wakiwa.

1 WAKORINTO 15:58

Nkyo kimwenenge, wanawawama mui wakunde, mukae mui wawanzi mulechisingida, muitike itana kyando kya Mndumii kui mwengeṟya mfiri yose ochimanya owino lonu lulai lo maai mukukerye Mndumii-hu.

2 WAKORINTO 13:3

Kipfa nyi muitika ihesha Kristo chu aimsanze na inyi echideda, nao sa alamuwiia nyo mfafa kya indi amukerye nyo menyi-pfinya.

2 WAKORINTO 8:19

Manya chi ikyo tupupfo, kya ind alesambuṟo nyi siṟi tso naduane naso kya mwaano fu fuipfuṟukanyo fudo nyiso kyewikya Mndumii mng'ano na imanyisha mkuteseheṟye fodu.

2 WAKORINTO 8:2

Cha kipfa msiha fowo fuwekuingikye fudi ipfo kundo wafoyo shihesho sha shiwira na wukiwa wowo mawowo shikafeṟa mfeṟa fulya fo wuleki wowo.

2 WAKORINTO 8:7

Na chando mukeri mdonyi kya shindo shose kiwe kya wuidiki kiwe kya wuongoyi kiwe kya wutichi kiwe kya wuidimi wucha wose kiwe kya wukundi wuwukye kodu shika konu, na wudo mukuwike mdonyi kya mwaano fo.

2 WAKORINTO 9:11

Mochisuṟisho mudo kya shindo shose muwute-ho ilekya na mawoko hawi kyewonya Ruwa mwaano mwoone kui mweke fodu.

WAEFESO 2:10

Kipfa so lui owiko Ruwa; lulewumbyo Kristo Yesu kundu lochiwuta mawuto mecha iho Ruwa alesonguo ihaṟeheṟa kundu luhende ikupaya naho.

WAEFESO 3:20

Ichu aidima iwuta kya woeṟa shing'anye shilya luiterewa ang'u ikusaṟa shose kui pfinya iya iludung'anye so.

WAFILIPI 4:11

Chi ngadeda njidi njiiwuṟapfo, kyamba inyi njikuloshye ikutsia na shilya njii nasho.

WAKOLOSE 1:10

Kudo mochiidima ichumia mchumie fuchihianyi na Mndumii na iwuta mecha hamchihiṟie kiheri kyose. Moo yanu yechikumbia ndunda njicha. Cha ikidi liwikie ndunda mualuke na ipfumbuka mochimanya Ruwa.

2WATESALONYIKYE 2:17

Nyio nakarishe ngoo tsanu nawembanza orio kiṟundionyi na idedonyi lyicha lyose.

2TIMOTEO 2:21

Wulalu-le kokoya mndu akuhaṟamisha amonyi kalekana na shindo sho shose shiteṟefutsie mrima o echiwa kichoṟe kya ichopa kii kiilishe kyeṟundya orio iṟunda icha lyose.

2TIMOTEO 3:17

Kundu mndu o Ruwa nawe mtsane aa mteseheṟye kya iwuta orio wuto icha lyose.

TITO 2:14

Nyio alekudambika amonyi hando hadu, kundu naluletse na msefu fo mrima fose nakuhaṟamishie mkambo fui foke amonyi fuiaaka iwuta mawuto mecha.

TITO 3:14

Na iwa wai wadu wakupfunde iwika-ho maṟunda mecha hewinya-ho shilya shilechiwa iwuṟo kundu walakae-ho wawake ikidi ilaikumbia.

TITO 3:8

Idedo lyeidikya lyo ilyo. Na njikundi utambahanye iṟingishya kyalyo shose, kundu iwa wai waidikishye Ruwa wawinye iwika-ho mawuto mecha. Ishi shachia wandu shiwaendie ngaya.

1PETRO 4:10

Muwe mochipfuṟukanyana muwenyi na wenyi orio mndu ose kui kisumbo kya wutonga ameinengo nyi Ruwa, mui waiṟichi wecha weiṟichya-ho wutonga wo Ruwa wui-wuhawie-ho wo mbaṟi ii na ii.