2 WAKORINTO 9:11 - Bibilia Kui Mdedie fo Kimochi

¹¹ Mochisuṟisho mudo kya shindo shose muwute-ho ilekya na mawoko hawi kyewonya Ruwa mwaano mwoone kui mweke fodu.

2 WAKORINTO 9:11 ပူးပေါင်းရင်းမြစ်များ

2MBONYI TSA MAHERI 31:10

na Azariya Mkohanyi Anganyi, ai o oshari lo Sadoki, kamhaluo kambia, “Wokia wanduwa walewoka iende shindoshi shawo sha nga kunu hekaluni, komewada shelya shishikie kunu hekalunyi na mfoeṟa. Mndumii-Ruwa nalewikia mboṟa wandu wake, nyikyo kitewe waende shindo shifoi kudi na kunu hekalunyi.”

MATAYO 20:15

Ngesa ishi shako nyi ohamba nyi kilanjisumuhanye iwuta nasho chando ngakunda? Ang'u nyi onjiambuya kinyeeri ili njii njido mwoloru?

MATAYO 25:17

Na ulya o tsilya tsiwi kawewona-ho tsingi tsiwi tsa mbucha.

WAROMA 12:8

Msa amsumbe chila yewhiṟia wengi moo nawewuta ado. Kwipfo ai motutuma, nawekaa echitutuma; kwipfo Sa ai mohawia wengi shindo awode nahawe ai msalari, kwipfo ai mosaṟya, nakae-ho echiṟamka. Na mosaṟia nasaṟie na sia.

1 WAKORINTO 1:5

Kyamba musuṟie kya orio kindo mukuwode nao kiwe kya orio idedo kiwewa kya orio mtambahalukye.

2 WAKORINTO 1:11

Nanyo nyi mochikaa wetaramana naso mochluterewya kundu shamu sha wandu wafoi shiile kya ngaya iya lulesaṟyo nayo wafeṟe iwika-ho mwaano kimaduma kyadu so.

2 WAKORINTO 4:15

Kyamba ishi shose nyi shitanyika kipfa kyanu, kundu wutonga wu wufeṟikye wafoi wadi wuwe wofeṟa mwaano fohamba mng'ano fo Ruwa.

2 WAKORINTO 8:16

Indi Ruwa nawikyo mwaano kipfa kya wuidimi wulya wulya alemwamtsya nyo ipfo ngoonyi ya Tito.

2 WAKORINTO 8:19

Manya chi ikyo tupupfo, kya ind alesambuṟo nyi siṟi tso naduane naso kya mwaano fu fuipfuṟukanyo fudo nyiso kyewikya Mndumii mng'ano na imanyisha mkuteseheṟye fodu.

2 WAKORINTO 9:12

Cha kipfa wupfuṟukanyi wu wo odambiko ilu loindya Ruwa wo wulaiheluya waele sheluya moo isho washiwuṟye tupu, kya indi wufeṟye na Ruwa mfeṟa fo shyaano shifoi echiwikyo,