2 WAKORINTO 8:8 - Bibilia Kui Mdedie fo Kimochi

⁸ Chi ngadeda njidi njembikya iwawasopfo kya indi mtambahanye fulya fo walya wengi fukanenga lango tsehesha na onu lo mkundye fonu.

2 WAKORINTO 8:8 ပူးပေါင်းရင်းမြစ်များ

EZEKIELI 33:31

Ambuyang'u wakeri icha oshangunyi lopfo makamba kui makamba cha wandu wako, wakawekuadanyia kilya ukeri iwaongoya, kyaindi wekewuta kilya owawia wawutepfo. Ambuya nyi wekehamba ke nyi wawode ikunda kyaindi nyi wakeri ipfula shilya shechiwainenga kiira kyawo tupu.

WAROMA 12:9

Mkundie fukae fulawode wulembetseṟi. Tangaluonying'u kilya kii kiwicho, mukuwawe na kilya kii kicha.

1 WAKORINTO 7:12

Kya indi wandu wengi ngawawia inyi chi Mndumii-pfo ke kokoya mndu manowama awode mka oke alai mwidiki nao mka chu akundi kukaya nao nalamsame.

1 WAKORINTO 7:25

Kya marokya kyo njiwode iwawaso lya Mndumii-pfo, indi ngahamba mhie yako njii mtane mhendeli kui isaṟia lya Mndumii.

1 WAKORINTO 7:6

Indi ngahamba iki kyeikimba, chi ngakiwawasapfo.

2 WAKORINTO 6:6

Luiho lukeri na wusalari na wutiichi na wuleeli na wuwongoya luwodo nyi Mumuyo Mwele na mkundie fulakulembetseṟye.

2 WAKORINTO 8:10

Nyi ngatonga nakyo, kyamba iki kimwendye kiira nyo muwesonguo ikure mta fo wukowu chi kui iwuta tupupfo indi na kui ideda chila.

2 WAKORINTO 8:24

Kikashika oo mumanyishe mkundie fonu oshangunyi lo siṟi tso fuwe fochisumhanana kiṟumi kilya luweimhamba nakyo kowo.

2 WAKORINTO 9:2

Kyamba njichi mteseheṟye fonu fo chila njifukushelia njemhamba nyo ipfo ko Wamakedonyia, ke Akaya nyi iwekuṟeheṟye wokia mta fo wukowu na nyashi yanu ilemwamtsa wafoi kya mwengeṟia.

2 WAKORINTO 9:7

Orio mndu nalekie chando akudumbuya ipfo mdonyi kilawe nyi lya mnung'u ng'u kya mkoṟomu, kyamba Ruwa akundi mleki molekya na kyamu kilyi.

WAEFESO 4:15

Indi ludede kilya kii lohi lui na kikunda lochikualukia kya shindo shose ipfo mndu-hu ichu umu-ho akeri mdo, nyio Kristo.

WAEFESO 6:24

Wutonga wukae na wose wakundi Mndumii odu Yesu Kristo kui kikunda kilailachika.

WAEBRANIA 10:24

Na lukae lochiringana luwenyi na wenyi luhende yaaka kui makundano na mawuto mecha.

YOSHUA 24:14

“Koikyo wulalu, indienyi Mndumii-Ruwa ko mrima mhoṟotsu fuwei na wusumuhanyi, denyi piu iindia maruwa ha wongo halya waku wanu walehaindia kulya molyolya fo meda, na Misri, indienyi Mndumii-Ruwa.

1PETRO 1:22

Mukamaa isanjika mrimenyi yanu kui wuhoyi wo ihoya kilya kii lohi kyemwinenga ikundana na wanawawama lilakulembetseṟye muwe mochikundana mnu necha nyo muwenyi na wenyi kui mrima fose.