2 WAKORINTO 7:7 - Bibilia Kui Mdedie fo Kimochi

⁷ Indi chi icha lyake tupu liweluwihiṟye moopfo kya indi nyi kipfa amcha ai-mbihiṟye moo kipfa kyanu kechiluongoya kya macha hanu hambode na kya shyeṟeṟo shanu na kya mtambahanye fonu fonjitambahanya kikantana ngawuya henda ichihio.

2 WAKORINTO 7:7 ပူးပေါင်းရင်းမြစ်များ

SHIIMBO SHA DAWIDI 141:5

Mndu awode wusumhanyi nanjikape, kechiwa wucha; nanjipomie kechiwa cha mafuda mdonyi; mdo foko fulalehe, kyamba njekeda iterewa kiidi ya mawicho hawopfo.

SHIIMBO SHA DAWIDI 30:5

Kipfa tuke yake nyi ya oweṟe sa lwangu, Madedo hake hai na moo. Kofia kilio kekecha ili kio, Indi ngamenyi kukawada sia.

SHIIMBO SHA DAWIDI 38:18

Kipfa njechitocha wunyamaṟi woko, na isokio nyifowa kya njonyamaṟo tsako.

SHIIMBO SHA DAWIDI 51:1

Hoi Ruwa unjiichio wukiwa, wuhiyanyi na osaṟio lopfo; chando isaṟia lyapfo ling'anyi, uangatse madeko hako hose.

MATAYO 26:75

Na Petro kakumbuo kidedo kilya Yesu ambie ke olong'onyi lulamkapa nyi ochinjikana kaṟaṟu. Naho kawuka-ho kahenda kulya nja kafihiṟa kaingelea.

MATAYO 5:4

Nanga iwo wawodo nyi fowa, cha kifa nyiwo wechika wawihiṟio moo.

LUKA 22:44

Nao kakaa kelimbana na opfu, indi kaengeṟa mnu iterewa; itane mbiṟuko foke fowa cha matacha ha samu hetonyiikia wanda.]

MAWUTO HA WASU 11:23

Nawo kekishika-pfo na iwona wutonga wo Ruwa wuiho kachihio kawatutuma wose ke wakunde ikuwada na Mndumii kui ngoo njiwanzi.

WAROMA 1:12

Nalyo nyilyo liwe nyi iwanzana iidikia lyanu linjiwanze na iidikia lyako lyimbanze nyo.

1 WAKORINTO 5:2

Nanyo mokutumbashya mulakunda ikuinadya kundo nahende iwuto ipfo kiidi kyanu icho atanye kindo kyo.

2 WAKORINTO 1:14

Chando mṟasa wulalu mulemlumanya kya kyenga ke nyiso lumkerye nyo kiṟumi, nanyo na wudo mulukerye so ili lya Mkonu fulya pfo Mndumii odu Yesu.

2 WAKORINTO 1:4

O ai moluwihiṟya moo shiwirenyi shadu shose luidime ikuwutya-ho iwihiṟya moo walya wai warohie kui kiwihiṟia kilya luikarisho nakyo nyi Ruwa.

2 WAKORINTO 2:9

Kyamba njileṟehya na kipfa kya iki da kundu njiwute-ho imanya onu lonu kokoya muwei weidikya kya shindo shose.

2 WAKORINTO 5:2

Kyamba nakyo kyatewa luisumukya ili lueṟeṟukye iṟiko ṟao lingi nyilyo kikaya kyadu kiwukye ruwehu.

2 WAKORINTO 7:6

Kya indi Ruwa chu mowihiṟya wanyonge moo aleluwihiṟya so moo kui icha lya Tito.

2 WAKORINTO 7:8

Ma kikawa ndemusotsya fowa na paruo iya ndahambe samanya, ma kokoya njiwehambye njido cha kipfa njiwonyi ke paruo iya ilemsotsya fowa na kikawa nyi kya kidempfu.

2 WAKORINTO 8:16

Indi Ruwa nawikyo mwaano kipfa kya wuidimi wulya wulya alemwamtsya nyo ipfo ngoonyi ya Tito.

WAFILIPI 1:20

Kilya njikilangye ipfo ngoonyi kekusihya kyakyo kikeri kii-le ke, njilawone njechisuka manya-le, kya indi njikae na wukahari chando njiwei shiheri shose njiwe njido na wulalu, kundu Kristo nakuwutie-ho ihenda ṟumisho ipfo mbihu koko likawa ma kui moo fofo ma kui opfu lofo.

WAKOLOSE 2:5

Kipfa ili njilai konu kui mbihu indi kui mumuyo njii konu njechichihio njewona osenge lonu na owanzo lo ikuihetsa lyanu na Kristo.

1WATESALONYIKYE 3:6

Na wulalu ili Timoteo amcha kodu ewuka konu kaweluchihiṟa eluongoya wuidiki wulya wonu na kikunda kilya na mkumbuye mcha muwode fo ilukumbuo so kiheri kyose, mui na macha heluwona so chando na so luwodo nyi hanu.

1WATESALONYIKYE 3:8

Luitsinda na moo wulalu iliindi nyo muhoṟoki mukuwode na Mndumii.

WAEBRANIA 2:1

Nkyo kyaluitika kya ngoseṟa ke luchunguṟie shilya lomeicho kundu lulahende yeeko ma indi.

YAKOBO 5:17

Elia awei mndu o wandu o mbika imu naso. Nao aleterewa kundu kulakapeho mvuo. Na mvuo ikada ilawekapa maka iṟaṟu na meri iṟandaṟu.

2YOHANE 1:4

Ngamechihio munu ili wana wapfo maata wechumia mhendekye fohendekya kundo kilya kii-lohi kikeri-ho fusumhanye iwawaso luleliambya lichee ko Wande.

YUDA 1:3

Wanawawama ilindi njiwewode m macha hemṟehya kya okiio-lu luwode kimu, nanyo, wuitiki wukanhoya njimṟehye njiechimwikimba ke muwe mochikapanya wuidiki-wu Ruwa alewudambikia wake wose ili lyimu.