2 WAKORINTO 7:15 - Bibilia Kui Mdedie fo Kimochi

¹⁵ Na mrima foke fukukerye nanyo foengeṟa imkunda ili aitamuo yanguya madu lyanu mose chando mulemwambya muwei na wuowwu na iiṟewe.

2 WAKORINTO 7:15 ပူးပေါင်းရင်းမြစ်များ

MAWOOKIONYI 43:30

Yosefu kaitika owinyi, kipfa kya ili mrima foke awewodo nyi macha ha manomae, kapfula handu hefihiṟia, kaida na kiṟihenyi kyake kafihiṟiapfo.

1WAMANGI 3:26

Nalyo ulya mana oke ai na moo kawia Mangi kipfa nalewawio nyi moo, “Hoi Mndumii oko, mnenge mana cho ai na moo ma kulambahe.” Kyaindi ulya ungi kahamba, “Nalawe opfo ma oko; napaṟo.”

EZRA 10:9

Nahong'u kiidi kya mfiri iya iṟaṟu kushikie meri fo kenda mfiri fo makumi hawi, wandu wose wa Yuda na Benyamini wakakuumbia alya osehu lo hekalu lilya lya Yerusalemu. Wandu wose wakadamia wawodo nyi wuowu na idedema kipfa kya kilya walahio na kipfa se kuwekapa mvuo ing'anyi.

EZRA 9:4

Kyaindi wandu walya waleicho mbonyi tsilya tsa wusutsu tsilewuto nyi wandu walya walewuya wusingenyi, wakacha ikuṟingichia na inyi alya wanda njiwedamie ko fowa ing'anyi itane kiheri kilya kewuta kidaso.

YOBU 21:6

Ngakusaṟa kya ishi shilenjihoya mbihu foko fuipfa ngapfu na wuowu.

SHIIMBO SHA DAWIDI 119:120

Mbihu foko fuidedema kya ikuindia Iyo, na inyi njiowoye mdumbuye yapfo.

SHIIMBO SHA DAWIDI 2:11

Ṟundienyi Mndumii-Ruwa kui wuhoṟotsu Kyesenyi na idedema.

SHIIMBO SHA SOLOMONI 5:4

Mkunde oko nalewika owoko loke mrumenyi, na mrima foko fukadumbukana kipfa kyake.

YESAYA 66:2

Owoko loko nyilo lulewika ishi shose, shindo shi shikawutika Mndumii ahamba; kyaindi mnduchu nyio njechimwambuya, mndu ai mfafa, awode ngoo ikunyiiṟie, ichu ekeicho idedo lyako kaliowuo.

HOSEA 13:1

Kiheri Waefraimu walededa, wandu nyi walededema; Waefraimu nyi wawewode pfinya ing'anyi mnu kiidi kya Israeli; kyaindi kiheri walewooka iindia Baali; wakakuendie opfu.

YOHANE 16:21

Ili mndu mka mlemo arakwo nyi awawyo, nekewado nyi fowa kipfa kiheri kyake kefee kyamshika, indi mandi mana amfeo nakikumbwose mawina halyapfo kipfa kya sia iya imbode ya mndu amfeo wuyanenyi.

MAWUTO HA WASU 16:29

Nao kaduma taa kakupunguṟa kulya kiidi kechidedema kui wuowu kakuhutsa wanda na kyamu oo maṟdendenyi ha Paulo na Sila.

1 WAKORINTO 2:3

Njiwekukerye konu na mkao fo wufafa na wuowu na mdedema.

2 WAKORINTO 2:9

Kyamba njileṟehya na kipfa kya iki da kundu njiwute-ho imanya onu lonu kokoya muwei weidikya kya shindo shose.

2 WAKORINTO 6:12

Mui-wapeṟehetsye-ho handopfo, indi ipfo ngonyi tsanu mpfondo kupeṟehekye.

WAEFESO 6:5

Nyo masinga, mwidikye wanene wanu wa iya orukenyi kui wuowu na madima cha ili nyi Mndumii Kristo muimhidyaho, muwode ngoo tsikusinjukuṟye.

WAFILIPI 1:8

Kipfa Ruwa akuichye chando njiwodo nanyo mmacha mose kui mweṟeṟukye fo Kristo Yesu.

WAFILIPI 2:12

Nkyo kimwenenge nyo, mui wakunde wako, chando muwei waidiki mfiri yose chi mandi halya njiwei konu tupupfo kya indi wulalu kya ngoseṟa njii aleshe nanyo ke pfuṟukanyenyi wo okiio lonu kui wuowu na idedema.

WAKOLOSE 3:12

Nanyo ili mui wasambuṟe wa Ruwa waele na wakunde wake Ruwikyenyi wucha woichio mndu wukiwa kui ngoo na wukesi, wo oshangu na ikunyiṟa na wuhoo na woloṟu.

2WATESALONYIKYE 3:14

Indi kokoya kwipfo mndu alaicho idedo lyadu lya paruo ii, mumbikie kichano, mulakulonge nao kundu nawado nyi sonu.

1YOHANE 3:17

Indi kokoya kwipfo awode shichoṟe shewanza moo fo wuyana-wu nao kaambuya manomae ashiwuṟye nao kampfungya ngoo, nyi wuda ikunda Ruwa lyekaa nao ngesa?