2 WAKORINTO 7:11 - Bibilia Kui Mdedie fo Kimochi

¹¹ Ambuya isotsyo fowa tsii njiamtse nyi Ruwa lyo nyilyo lilemṟamtsya mtambahanye apa chando fung'anyi na mwanduye nafo na mkuṟukye fo sonu na wuowu na macha na wurahari na wudeheli. Momekumanyisha muwenyi kya shindo shose ke mui wakeha kya mondu fu.

2 WAKORINTO 7:11 ပူးပေါင်းရင်းမြစ်များ

NEHEMIA 13:25

Kyasia ngawadedia, wasoṟowo na iwasesa, ngawewakapa na ikuruo njui tsawo, kyasia ngawawia wawike kyasa ko rina lya Mndumii-Ruwa ke wechikaa wawutese wudo-pfo, wo manya wana wawo wechikaa waalikane na wandu wa mkambo ingi njihenupfo.

YOBU 42:6

Ko ikyo matumatu hamu na ikushia kiluli na ifu, ngakuwona inyi njimonyi chi kindo-pfo."

SHIIMBO SHA DAWIDI 119:139

Wuitiki woko wulentewa ngasaramaya, kyamba waturi wako walehadima madedo hapfo.

SHIIMBO SHA DAWIDI 130:6

Mrima foko fuiwedia Mndumii, kota chandu waringi wa kio wekewedia ngamenyi. Ee da, waringi waiwedia ngamenyi.

SHIIMBO SHA DAWIDI 145:19

Nechiwutia iwo wamwindie isho wakundi, nao nechiicho kieṟeṟo kyawo na iwakiṟa.

SHIIMBO SHA DAWIDI 2:11

Ṟundienyi Mndumii-Ruwa kui wuhoṟotsu Kyesenyi na idedema.

SHIIMBO SHA DAWIDI 35:13

Kyaindi inyi, kiheri wo waleluo, nguo yako iwekeri ikunyia njechiloṟa fowa; Njilekutuura mrimenyi na ikuotoya. Shiterewo shako shikanjiwuuya. Kipetenyi koko.

SHIIMBO SHA DAWIDI 38:9

Mndumii, shiuṟio shako shose shii oshangunyi lopfo, Iluo lyako chi lya kiṟika pfo.

SHIIMBO SHA DAWIDI 42:1

Chando sariha iwodo nyi oṟoo lo meda ya mṟinga, Nyi wudong'u mrima foko fukuwodie macha, Iyo Ruwa!

SHIIMBO SHA DAWIDI 69:9

Wunyenyi wo mba yapfo wochinjilya, na iwonya lyawo wakeri ikuwonya ngameshiambilya.

MFANANO 14:16

Mndu mṟango nekeowuo, kadicha wuwicho; Indi tondo liwode ikuirinyisha na isohuo mondu.

MFANANO 28:14

Mndu o wandu awode wusumhanyi nai nanga mkonu yose; Indi akuiwitiye mrima nechioloka ngataṟenyi

SHIIMBO SHA SOLOMONI 8:6

Njiwika cha ofano ipfo mrimenyi fopfo, cha ofano ohinyi lopfo; kipfa ikunda liwode pfinya kota opfu, Na wunyenyi nyi wuohi kota waṟumu. Mwakie folyo nyi mwakie fo modo, na olewo lofo cha olewo lo wuhyu.

YESAYA 26:8

Ee, kiidi kya mwanduye So lokuweda, hoi Mndumii; Msiha fodu foindukia Rina lyapfo na ngumbuo tsapfo.

YESAYA 66:2

Owoko loko nyilo lulewika ishi shose, shindo shi shikawutika Mndumii ahamba; kyaindi mnduchu nyio njechimwambuya, mndu ai mfafa, awode ngoo ikunyiiṟie, ichu ekeicho idedo lyako kaliowuo.

DANIELI 6:14

Mangi kekiicho madedoho kaichuo nyashi, karihinyika mrimenyi kechihia chando echikiṟa Danieli itane mnengeṟi foolokia.

MARIKO 3:5

Kekiwaṟengutsya meso kawaichyo nyashi, akuinadie kya wuumu wo ngoo tsawo. Kawia mndu ulya, “Hoṟuo owoko-lopfo.” Kahoṟwo, owoko loke lukachia-se.

YOHANE 2:17

Wa kiloshyonyi kyake wakakumbwo kikeri kiṟehye kehamba, “Ikunda lyako lyekunda mba yapfo lyanjimaa.”

MAWUTO HA WASU 17:16

Paulo aipfo adi kechiwawedya kulya Atene kawona chando mṟi fulya fuichwo njofano, mumuyo foke fukapfuluko mnu.

WAROMA 11:20

Na kicha; ho halemepahwo nyi kipfa halaweidikye, indi iyo uhoṟoki-ho kui pfinya ya mwidikye. Ma ulakung'anyishe, indi owuo.

WAROMA 14:18

Kyamba ichu akuwode na ikyo awa mopfuṟukanya-ho Kristo nyio sa achihiṟye Ruwa kawekundo nyi wandu.

WAROMA 3:5

Indi kokoya wutahachi wu wodu wowikya wudi wuhoṟotsu wo Ruwa kiṟingishyo luhambe luda ngesa? Kulako Ruwa nekedeko echilekia tuuke yake iluhoye ko? Ngadeda njido mbaṟi ya kiwandu.

1 WAKORINTO 12:25

Kundu mbihu manya fulahendehoyo mpaṟakano, kya indi shiwungo shiinduṟane shishenyi na shenyi.

1 WAKORINTO 5:13

Indi iwo wakeri ora lo nja nyi Ruwa echiwawonya mdumbuye. Funenyimbafu ulya ipfo kiidi kyanu.

1 WAKORINTO 5:2

Nanyo mokutumbashya mulakunda ikuinadya kundo nahende iwuto ipfo kiidi kyanu icho atanye kindo kyo.

2 WAKORINTO 13:7

Indi njiterewa Ruwa namringe iwuta kindo kiwicho, chi njikeri imterewa kundu so lumanyike lui wekiapfo kya indi nyi kundu muwe wewuta kilya ki kicha naso luwe cha ili lulawekia.

2 WAKORINTO 2:6

Nahong'u ili ulya ulya amhenda idedyo kyumu n nyo wafoi limshikye.

2 WAKORINTO 6:4

Kya indi kya orio kindo kyose lukuloṟa wapfuṟukanyi wa Ruwa ili lokutirisia sa kafo, kiwe lui shiwirenyi kiwe lui mawinenyi kiwe lui wakoṟome mkoṟomu.

2 WAKORINTO 7:1

Kyasia-ng'u ili lui wateṟye shasa shidi, lanye wakunde, lukuheṟemtse so luwenyi kya ngafu yose iya yefanyitsa mbihu na iya yefanyitsa mumuyo lichiawutsya wuele lui na wuowu wo yowuo Ruwa.

2 WAKORINTO 7:7

Indi chi icha lyake tupu liweluwihiṟye moopfo kya indi nyi kipfa amcha ai-mbihiṟye moo kipfa kyanu kechiluongoya kya macha hanu hambode na kya shyeṟeṟo shanu na kya mtambahanye fonu fonjitambahanya kikantana ngawuya henda ichihio.

2 WAKORINTO 7:9

Wulalu na ngachihio chi kipfa mulesotsyo fowa, kya indi nyi kipfa mulesotsyo fowa tsiende idumbuya; kyamba mulesotsyo fowa tsiinjiamtse nyi Ruwa kundu mulawonyo kihutsa kiwukye kodu.

2 WAKORINTO 9:2

Kyamba njichi mteseheṟye fonu fo chila njifukushelia njemhamba nyo ipfo ko Wamakedonyia, ke Akaya nyi iwekuṟeheṟye wokia mta fo wukowu na nyashi yanu ilemwamtsa wafoi kya mwengeṟia.

WAEFESO 4:26

Mukadoso nyashi manya mulawute kya wunyamaṟi. Mulalekie mnengeṟi fuoloke mukuwode na okuchukuchu.

WAEFESO 5:11

Ma mulakusanze na wewuta mawuto halai mecha, halya ha meema, kya indi muwadedye.

WAFILIPI 2:12

Nkyo kimwenenge nyo, mui wakunde wako, chando muwei waidiki mfiri yose chi mandi halya njiwei konu tupupfo kya indi wulalu kya ngoseṟa njii aleshe nanyo ke pfuṟukanyenyi wo okiio lonu kui wuowu na idedema.

1WATESALONYIKYE 4:6

Cha kya mkambo ya kihenu ilaichi Ruwa. Ma mndu nalawone echieera manomae mbuchenyi ma imlemba, kipfa Mndumii ai mdeheli modehelya kya ishi shose chando lulemsonguo imbia na iṟingishia.

1TIMOTEO 5:20

Iwo wadekio kindo uwadedye oshangunyi lo wose, kundu na walya wengi wakuwutie-ho yowuo.

2TIMOTEO 2:15

Itika ikumanyishya Ruwa mṟundi mtsane alawode ipfia sonu iṟunda lyake echilosha idedo lya ki-wulohi kui wuhoṟotsu.

TITO 3:8

Idedo lyeidikya lyo ilyo. Na njikundi utambahanye iṟingishya kyalyo shose, kundu iwa wai waidikishye Ruwa wawinye iwika-ho mawuto mecha. Ishi shachia wandu shiwaendie ngaya.

WAEBRANIA 4:1

Iki kiluhoye fowa tseowuo kundu kulawone ipfo konu kuwoneke-pfo echiasha yanga lilya, ili indi kiteṟyo kilya kyekuangya ipfo kundo kuwode olele loke kii-kideye-se.

YAKOBO 3:17

Indi wuṟango wu wowuka ipfo huye, wo wosonguo imanyika wui wukeha wukaengeṟa imanyisha ikunda ofoṟo na isehyana wanawawama wochikaa na wuindi wuwelukie welu masaṟia na mawiko mecha wulahenda iira mndu ma wulakulembetseṟye.

1PETRO 1:17

Nanyo ili muisenda Ruwa nyio Wande ichu ai modumbuya orio mndu ose mdumbuye isumhanye mawuto hake alechiambuya oshangu; Chumienyi ohendo lonu kiheri ki kitsuha mui wahenu mochiindia Ruwa.

1PETRO 2:2

Ili mui cha wanangu wai wafee wulalu mulalakie oseṟi lu lo kimumuyo, lulalulongye wongo, kundu mushike ikoya kui pfinya yalo mkura ya okiio.

YUDA 1:23

Walya wengi muwakiṟe mochiwatakuo modonyi na wengi muwaleshye mawoko mui na wuowu mochisuo na kanzu iya ii-njiterefutse nyi lango tsa nyama tsawo njiwicho.

OTAMBAHALUO LO YOHANE 3:19

Iwa njiwakundi nyi njekewatutuma na iwatoṟisha. Aka wulalu udumbuye, wanza mrima lekena na manyamaṟo hapfo.