2 WAKORINTO 7:10 - Bibilia Kui Mdedie fo Kimochi

¹⁰ Kyamba fowa tsi tsii njamtse nyi Ruwa tso tsiende mdumbuye fowika-ho okiṟo fulai na samanya; indi fowa tsii njiamtse nyi wuyana wu tso tsihendende opfu.

2 WAKORINTO 7:10 ပူးပေါင်းရင်းမြစ်များ

MAWOOKIONYI 30:1

Nao Raheli kekiwona ke aiwonyiase Yakobo manapfo, Raheli kanyenyia manomae. Kawia Yakobo, “Nnenga wana; chila wudo inyi njechipfa.”

2SAMWELI 12:13

Nahong'u Dawidi kahaluo Nathani kambia, “Ngadekio Ruwa ko wunyamaṟi wu woko.” Kyasia, Nathani kamhaluo kambia, “Ee nyi udo, na Mndumii amekuhoṟia, na ochipfa kipfa kya wunyamaṟi wu pfo.

2SAMWELI 13:4

Yonadabu kawia Amnoni, “Kenjiwia? Nkiki kikuwode? Nkili owodo nyi fowa orio mfiri na iyo nyi mana o Mangi?” Amnoni kamhaluo kambia, “Njiwodo nyi lango ing'anyi mnu ya Tamari, mshiki o manaomayo oko Absalomu.”

2SAMWELI 17:23

Kyasia Ahithofeli kawado nyi sonu ing'anyi mnu kipfa kya ili Absalomu aleha wulaanyi woke; kaala njonyi huye ya nzoi yake, kaidoya kahenda mṟinyi foke, kakuotsuo kapfa, kaṟiko shipfunyi hando ndeye awemṟike.

1WAMANGI 21:4

Kyasia Ahabu kahenda kanyi koke, ai na mrima mlemeri, aichuo nyashi, kipfa kya idedo lilya Nabothi Myezreli alemmbia ke “Njechikuinenga kyoṟa kya wandee wako pfo.” Kalaa kitaṟenyi kyake kahalutsa kyaamu kyake kaleha ilya.

SHIIMBO SHA DAWIDI 38:18

Kipfa njechitocha wunyamaṟi woko, na isokio nyifowa kya njonyamaṟo tsako.

MFANANO 15:13

Mrima mlalutsu fochihiṟa oshangu; Indi fowa ya mrima yekefunja ngoo.

MFANANO 15:15

Mandi hose mndu molya wukiwa nyi ai mbicho; Indi ikunyiiṟa mrimenyi nyi mfuho fo mlungana.

MFANANO 17:22

Mrima mlalutsu nyi mdi mcha; Indi ngoo ikunyiiṟiye yehadutsa mafuo.

MFANANO 18:14

Mrima fo mndu fochikarishya wufafa woke; Indi ngoo injisoke fowa nyiu echiikarishya?

KOHELETI 7:3

Nanga ikuinadia kota iseka, kipfa fowa ya kyaamu nyi kiira kya mrima.

YEREMIA 31:9

Wewuya wechitonyitsa mchenyeṟe, njechiwawihiṟa njewalembalemba, njechiwaitsa mbai ya shimeda sha mṟinga, kiidi kya njia njihoṟotsu kulawode ikapa tulia, kipfa inyi ngawa ndee o Israeli, Efraimu nyi mana oko mmbee.

EZEKIELI 7:16

Walya wechidicha, wechikaa huye ya mafumvu cha mbeta tsa mapichinyi, nawo wechisumukia mrima nyi orio umu kipfa kya wunyamaṟi woke.

YONA 3:10

Ruwa kawona mawuto hawo, ke wandu wadumbuya lohi wakada mkao yawo njiwicho. Nahong'u Ruwa kada kilya kiwicho alehamba awekundi ikiwuta, kailacha mahiyo hake.

YONA 3:8

indi washikio na masaṟa ha makunyia, mndu na shuuma shose wafuhie Ruwa na pfinya tsose, ee da na ihaluka, orio mndu nade mkao foke mmbicho, na mkao iterefutsie yose.

YONA 4:9

Ruwa kawesa Yona, “Ngesa nyi nowuta kicha iduiko nyi nyashi kipfa kya ishenge?” Nao kamhaluo, “Ee njiwuta kicha na isuo mtano ngalanga ipfa.”

MATAYO 26:75

Na Petro kakumbuo kidedo kilya Yesu ambie ke olong'onyi lulamkapa nyi ochinjikana kaṟaṟu. Naho kawuka-ho kahenda kulya nja kafihiṟa kaingelea.

LUKA 15:10

Na inyi nyi ngamuwia, ‘Na wudo kochiwa sia ko wamalaika wa Ruwa kya mndu umu mnyamaṟi adumbuya.’”

LUKA 18:13

Kyaindi msanyi ulya o okamba kahoṟoka haleshe, nalakarie ma iiria meso huye ruwehu, indi kakukapa kipeeta kahamba, ‘Hoi Ruwa, kenjisaṟia-wo inyi mokudekio!’

MAWUTO HA WASU 11:18

Wekiicho madedo halya wakatsia wakaṟumisha Ruwa wehamba, “Kyasia Ruwa ameinenga wandu wa mbaṟi njihenu mdumbuye fochiende moo.”

MAWUTO HA WASU 3:19

Dumbuyenyi muilachike mrima yanu kundu njonyamaṟo tsanu tsiwuto-ho.

2 WAKORINTO 12:21

Kulawone Ruwa oko echinjinyiṟa ipfo konu ili njechicha-se lingi njishike ililia wafoi wanyamaṟie kacha manya walamhenda shika yeweṟo kya mkuteṟefutsye na kya mameluka na kya wulala waweshitanye.

2 WAKORINTO 7:9

Wulalu na ngachihio chi kipfa mulesotsyo fowa, kya indi nyi kipfa mulesotsyo fowa tsiende idumbuya; kyamba mulesotsyo fowa tsiinjiamtse nyi Ruwa kundu mulawonyo kihutsa kiwukye kodu.

WAEBRANIA 12:17

Kyamba muichi ke nyi ili lya numa alewuya ilanga iduo ona lulya kyoṟa kyake kashika ileho. Kyamba alawekoya kundo mdo fomelacho ma kawekipfula echitonyitsya machenyeṟe.

1SAMWELI 30:6

Wulalu, Dawidi nawekeri kiidi kya ngataṟa tsing'anyi kipfa wandu wake wawewodo nyi fowa mrimenyi yawo kipfa kya ili wawedetsie wana wawo, wakamwowesha kya imkapa na maho. Kyaindi Dawidi kakukarisha mrimenyi na ikusiria Mndumii-Ruwa, Ruwa oke.