2 WAKORINTO 6:6 - Bibilia Kui Mdedie fo Kimochi

⁶ Luiho lukeri na wusalari na wutiichi na wuleeli na wuwongoya luwodo nyi Mumuyo Mwele na mkundie fulakulembetseṟye.

2 WAKORINTO 6:6 ပူးပေါင်းရင်းမြစ်များ

EZEKIELI 33:31

Ambuyang'u wakeri icha oshangunyi lopfo makamba kui makamba cha wandu wako, wakawekuadanyia kilya ukeri iwaongoya, kyaindi wekewuta kilya owawia wawutepfo. Ambuya nyi wekehamba ke nyi wawode ikunda kyaindi nyi wakeri ipfula shilya shechiwainenga kiira kyawo tupu.

WAROMA 12:9

Mkundie fukae fulawode wulembetseṟi. Tangaluonying'u kilya kii kiwicho, mukuwawe na kilya kii kicha.

WAROMA 15:19

Kikawa kui pfinya ya shichano na maṟiho shiweiwiko nyi Mumuyo Mwele, fo Ruwa. Kui ichumia lyako orio handu, wokia Yerusalemu ngashika Iliriko, ngaonguo Ndumi ya Sia ya Kristo kui Wusalari.

1 WAKORINTO 12:8

Kyamba ichu umu amnengo nyi Mumuyo ideda wuṟango, na ichu ungi ideda wulaanyi kui mweke fo Mumuyo ulya ulya.

1 WAKORINTO 13:4

Ikunda nyi liwode wuleeli. Ikunda nyi lyekewongoya wandu. Ikunda chi liwode wulang'apfo, manya lyekekushelapfo.

1 WAKORINTO 2:16

Kyamba nyi o ku aichi mhie ya Mndumii awechimloṟa njia. Indi so lui na mhie fo Kristo.

1 WAKORINTO 2:4

Na ili njiweideda na yonguo ma njileidimaidima na wuṟango woitika iwinapfo kya indi njiwemanyishya-ho Mumuyo na pfinya.

2 WAKORINTO 1:23

Kya indi Ruwa nyi mongochi oko naichi mrima foko. Njichase na konupfo, kipfa kya iwasaṟia na iwawikya nyo kitanyo.

2 WAKORINTO 11:11

Kimarete nyi ki? Nyi kipfa ndamukundi ko? Ruwa aichi.

2 WAKORINTO 11:4

Kyamba kokoya ichu mocha kechionguo Yesu ungi sa lulamwongoye so ang'u mukaambya Mumuyo ungi mulawemambye ang'u ndumi ya sia mulaweiambye nyi molekya necha kihendeke kido.

2 WAKORINTO 11:6

Manya koya njiwei mleheshi kui ideda kya indi njii mlehetsi kui itichia, njiwemanyishie nyo ikyo kiheri kyose kui shindo shose.

2 WAKORINTO 12:15

Na inyi njiangi tupu njikufole njimonyi na ikufolyo kipfa kya mrima yanu. Kikawa njimukundi njido kya ngoseṟa nao inyi njianguṟyo ihenda kundo ko?

2 WAKORINTO 13:10

Nkyo kimaduma ngaṟehya isho njii kuleshe kundu ili njechikaa-ho ndawone kyenjiitika njiṟunde na wunesi kui kiheo kya pfinya iya njimwenenge nyi Mndumii inteṟye yemuhoṟotsa ilainteṟye yemuhutsa.

2 WAKORINTO 2:10

Indi ipfo kundo nyo mohoṟya mndu na inyi na mbeho; kyamba nyo ohoṟya mndu na inyi na mbeho; yamba nao inyi kilya ngamehoṟya kokoya kuwode kilekunda ihoṟyo nyi inyi, nyi njilemkihoṟya kimaduma kyanu njii odatsinyi lo Kristo.

2 WAKORINTO 2:4

Kyamba mandi njilemṟehya njiweimrohie na ifoyo mrimenyi njechitonyitsa mchenyeṟe ifoi chi ke nyi kundu muwado nyi fowa-pfo indi nyi kundu muwute-ho imanya chando ikunda lyako ling'anyi konu.

2 WAKORINTO 3:3

Nyi mutambahalukye na pata ke nyi mui paruo ya Kristo i njitomboyane nyiso, ii njiṟehye chi kui wino kya indi kui Mumuyo o Ruwa chu menyi-moo; chi mapalu-hu ha mahopfo indi mapalu-ho ha ngoo stii nyama.

2 WAKORINTO 4:6

Kipfa nyio Ruwa ahambye kuwe sa iwae iwuka meemenyi nao alewaa ipfo ngoonyi tsadu kuwukye-ho ngeela yemanyisha wuitoṟi wo Ruwa wukeri oshangunyi lo Kristo.

2 WAKORINTO 7:2

Luchinguṟuyenyi ngoo! Kwipfo lulemtahachyapfo, kwipfo lulemdetsapfo kwipfo lulemsoka kindopfo.

WAGALATIA 3:2

Na kindo kimu tupu ngakunda iwesana nanyo, ke muleambya Mumuyo Mwele kui iwuta mawiko halya ang'u iidikya na ikusirya na kilya muleongoyo ngesa?

WAGALATIA 3:5

Kyasia ichu amsumba Mumuyo kaweamtsa pfinya njele ipfo mrimenyi yanu kitewe nyi mawuto muwesongwo iwinya naho mawiko halya ang'u iidikya na ikusirya na kilya momeongoyo mboe?

WAGALATIA 5:22

Indi iki Mumuyo awikye nyi kikeri kiile, nyi mkundie, msiha, ofoṟo, wuhoo wung'anyi, wulalutsu wo kyamu, wucha wo mrima, wusalari, woloru, ikusanza lya mrima.

WAEFESO 3:4

Mukaisoma moiduma imanya wutichia woko wo kyamenyi kya Kristo.)

WAEFESO 4:2

Mchumie fu fuwade ikunyiṟa lyose na woloṟu wose na mununyie fose mochidaṟana muwenyi na wenyi kui kikunda.

WAEFESO 4:32

Kya indi muwade mrima mhoo; muichyo mndu wukiwa mochihoṟyana muwenyi na wenyichando nao Ruwa alemhoṟya kui Kristo.

WAKOLOSE 1:27

Nyiwo-ng'u Ruwa alekunda iwamanyishya wandu wake wusuṟi-wu wo kyama kyo kiele kikoome chando kisuṟie. Nakyo nkyo Kristo kiidi kyanu mosuṟa mowedyo.

WAKOLOSE 2:3

Ipfo koke shisa sha wuṟango na wulaanyi shii shiṟike-pfo shose.

WAKOLOSE 3:12

Nanyo ili mui wasambuṟe wa Ruwa waele na wakunde wake Ruwikyenyi wucha woichio mndu wukiwa kui ngoo na wukesi, wo oshangu na ikunyiṟa na wuhoo na woloṟu.

1WATESALONYIKYE 2:10

Nyo na Ruwa mui wangochi ke mkae iya luwemkaya nyo mui waidiki iwei ya wuhendeli na wuhoṟotsu na wusalari.

1TIMOTEO 4:12

Kulalekie wukoho wopfo wuhendemino, indi uwe kichano kya waidiki kui idedo, kui ohendo, kui kikundano, kui wuidiki, kui wukeha.

1TIMOTEO 5:2

Iwa wakeku cha wamayo, iwa wakoho cha washiki kui sonu njicha tsose.

2TIMOTEO 3:10

Kya indi iyo omeosha kiloshio kyako, uwerianyi na wupfundi woko na wuteteṟi na wuitiki wo ikuhoṟotsya haa-hateṟye na wuidiki woko, na wuleeli woko; wuhoṟotsu na wukundi woko, na wutirisi woko.

2TIMOTEO 4:2

Onguo idedo-lyo, kuilikye-ho (kui-ho mwaanya mcha ang'u kulai-ho) Dedya, ikimba, isima wandu kui wuleeli wuhoṟotsu na wuloshi wucha wose.

TITO 2:7

Henda ikuwika-ho kumonyi kichano kya mawuto mecha ui na wusalari wo ipfo wupfundinyi, na mkuachie,

YAKOBO 3:17

Indi wuṟango wu wowuka ipfo huye, wo wosonguo imanyika wui wukeha wukaengeṟa imanyisha ikunda ofoṟo na isehyana wanawawama wochikaa na wuindi wuwelukie welu masaṟia na mawiko mecha wulahenda iira mndu ma wulakulembetseṟye.

1PETRO 1:12

Wakashika iwonesyo ke shindo shi weshikuwinya wo wa wenyipfo indi kitewe n nyo. Nashonyisho muleshiongoyo wulalu nyi walya walemwendie nyo Ndumi ya Sia ya okiio kui Mumuyo Mwele aa-mdume awuka ruwehu, sho sheamtsya na wasu wa ruwehu macha hemehya-ho.

1PETRO 1:22

Mukamaa isanjika mrimenyi yanu kui wuhoyi wo ihoya kilya kii lohi kyemwinenga ikundana na wanawawama lilakulembetseṟye muwe mochikundana mnu necha nyo muwenyi na wenyi kui mrima fose.

1YOHANE 3:18

Wana wako, lulakundane kui dedo ma kui olimi, kya indi lukundane kui mawuto na kui kii-lohi.

WACHILI 16:15

Naho Delila kawia Samsoni, “Nochiidima kuda ihamba nonjikundi na ngoo yapfo ilai kimu na inyi? Omenjimina wulalu lya kaṟaṟu. Omenjiwie kimaenyi kya pfinya tsapfo nyi hangapfo.”