2 WAKORINTO 6:4 - Bibilia Kui Mdedie fo Kimochi

⁴ Kya indi kya orio kindo kyose lukuloṟa wapfuṟukanyi wa Ruwa ili lokutirisia sa kafo, kiwe lui shiwirenyi kiwe lui mawinenyi kiwe lui wakoṟome mkoṟomu.

2 WAKORINTO 6:4 ပူးပေါင်းရင်းမြစ်များ

YESAYA 61:6

Kyaindi nyo nyi mochilaho nyi, “Wakohanyi wa Mndumii;” wandu wechimlaha nyi wahidi wa Ruwa odu; mochilya wusuṟi wo wandu wa mkambo, na ikuṟumisha kya wuitoṟi wowo.

YOELI 1:9

Kuwode mso ma mvinyo fo dasia hekalunyi lya Mndumii-Ruwa pfo; Makohanyi, waṟundi wa Mndumii-Ruwa, wasumukia.

YOELI 2:17

Makuhanyi na waṟundi wa Ruwa, wahoṟoke kiidi kya wandu na rasionyi wechifihiṟa na iterewa: ‘Saṟia wandu wapfo, hoi Mndumii-Ruwa odu. Kulaleke wandu walaichi Ruwa wawachilie, kipfa nyi wandu wapfo. Makulalekie wandu walaichi Ruwa wawamine na iwataluo wechihamba, ‘Oku Ruwa owo? Nai mfafa na awode pfinya pfo.’”

LUKA 21:19

Damiṟenyi mrima yanu kui ikutirisya.”

YOHANE 16:33

Ngamuwia isho kundu mukae muwode ofoṟo mukulungye na inyi. Ili mukeri kunu wuyana i muwodo nyi waale. Kya indi kukarishyenyi inyi ngambinza wuyana wu.”

MAWUTO HA WASU 2:22

“Lanye womi Waisraeli kundenyi muanguye madedo-ho madu. Yesu chu o Nasareti nyi mndu aledumo konu nyi Ruwa kechimanyisho kui maṟihio na ngata na shichano shi, sha Ruwa aweshiwuta kui kuwoko koke kiidi kyanu chando muichi muwenyi.

MAWUTO HA WASU 20:34

Nyo mbeichi muwenyi ke mawoko ho hako nyiho halenjitambahanya shindo shako shinshikye na sha wodoya wako.

MAWUTO HA WASU 9:16

Kyamba njechikaa njimloṟe shilya shimwendye nahende iwawiṟo kimaduma kya rina lyako chando kimbaṟi ishiwona shose.”

WAROMA 14:18

Kyamba ichu akuwode na ikyo awa mopfuṟukanya-ho Kristo nyio sa achihiṟye Ruwa kawekundo nyi wandu.

WAROMA 16:10

Muwenjiiṟikiṟya Apele icho na mtaanye mndu mkristo, kewenjiiṟikiṟyenyi walya wai kanyi ko Aristobulo.

WAROMA 3:5

Indi kokoya wutahachi wu wodu wowikya wudi wuhoṟotsu wo Ruwa kiṟingishyo luhambe luda ngesa? Kulako Ruwa nekedeko echilekia tuuke yake iluhoye ko? Ngadeda njido mbaṟi ya kiwandu.

WAROMA 5:8

Indi Ruwa nyi amanyishye ikunda lyake alukundi nalyo so ipfo kundo Kristo alelupfia kiheri luwei-se wanyamaṟi.

1 WAKORINTO 3:5

Alewo Apolo nyi ai ki, na Paulo nyi ai ki? Nyi wakeri wapfuṟu-kanyi mulemidikisho nyiwo na orio ose aweiṟunda kiheo kilya Mndumii alemnenga.

1 WAKORINTO 4:1

Na wudo so orio mndu nalutane waṟundi wa Kristo na waheki wa kyama ki-koome kya Ruwa.

1 WAKORINTO 9:11

Kikamba so lumdongye nyo shii sha Mumuyo, alae nyi kindo sa kinene kokoya losambuo shindo-hu shanyu shii sha mbihu?

2 WAKORINTO 11:23

Wo nyi wapfuṟukanyi wa Kristo? Hondo ngadeda njisuko, ke na inyi kawi; njiwewodo nyi shiwira sheida shingi, njiwepfungo mapfungo herohya kota njiwekapa makapo nguka njiwerie ihenda ipfa njopfu tsifoi.

2 WAKORINTO 11:27

Njiwei mfoye m maṟunda na mawina njewelaa dembo kafoi, njiwewodo n njaa na nyoda, njiwekuotoya keengi njiwei mrohye m mbeo na iwuṟa maṟao.

2 WAKORINTO 11:9

Na mandi mbekeri konu njiwewuṟye njilawelemeṟa mndu. Kyamba iwuṟa lyako wanawawama walya wachee Makedonyia waleliichuṟa wakamaa. Kya shindo shose nyi njilekuṟisa njilamlemeṟe ma kitutu na njechikuṟisase.

2 WAKORINTO 12:10

Nkyo kimaduma kichihianyi na inyi kikeri kiile, ili njii wufafenyi ang'u shituryonyi ang'u shiwiṟenyi ang'u shiterengyonyi ang'u shipeṟehetsanyonyi shiwe shinjihoya kimaduma kya Kristo. Kyamba mandi njiiwufafenyi lyondo njii na pfinya.

2 WAKORINTO 12:12

Cha kipfa shichano shehamba msu shiletano konu kui wusimiri wose kuwewonekyeho shichano na maṟihio na mawuto ha pfinya.

2 WAKORINTO 2:17

Kyamba so lulai cha wengi wafoi wekehaluo dedo lya Ruwa kindo kyekapa mbucha, kya indi luideda kui wulalutsu shiwukye ko Ruwa lukeri Kristo hu odatsinyi lo Ruwa.

2 WAKORINTO 3:6

Nao nyio alutanyie watechi wepfuruṟukanya mkundano fu mhya fulai fo mṟeho indi nyi fo Mumuyo; kyamba mṟeho foende opfu, indi Mumuyo awikye moo.

2 WAKORINTO 4:17

Kyamba iṟiyo lyo lyangu lya wukiwa wodu lyekaa oweṟe lo kidempfu, lyo lyalutanya wuitoṟi wo mlungana wuwode onu luiwonyo mwengeṟia na mwengeṟia.

2 WAKORINTO 4:2

Kya indi lulehye sha kiṟikenyi shepfia sonu; manya lulahendekye lui na ngeṟo, manya lulalongya idedo lya Ruwa kindo kii wongo, kya indi lokekumanyishya luwenyi ngo tsilya tsii mrimenyi tsa wandu lochihamba a pata kilya kii lohi lui oshanguny lo Ruwa.

2 WAKORINTO 4:8

Njora tsose nyi lui wafiṟite kya indi luifihiṟa; lipfio n mdo kya indi lulawuta-ho mdo.

2 WAKORINTO 7:11

Ambuya isotsyo fowa tsii njiamtse nyi Ruwa lyo nyilyo lilemṟamtsya mtambahanye apa chando fung'anyi na mwanduye nafo na mkuṟukye fo sonu na wuowu na macha na wurahari na wudeheli. Momekumanyisha muwenyi kya shindo shose ke mui wakeha kya mondu fu.

WAKOLOSE 1:11

Ruwa namsumbe owanzo lose lusumhanye pfinya ya wuitoṟi woke imwendie itirisia na ikukarishia lyose.

WAKOLOSE 1:24

Wulalu ngachihio ipfo mawawiṟonyi halya njiiwawyo kipfa kyanu ngawemarisa shiwira sha Kristo ipfo mbihuhu foko ishi shiwekundi yengeṟyo-ho sha mbihu fu foke, mfo siṟi.

1WATESALONYIKYE 3:7

Nkyo kileenenga ipfo mkoromunyi na kiwirenyi kyadu kyose lomekarishyo kyanu kui wuidiki wu wonu, wanawawama.

1WATESALONYIKYE 5:14

Indi lomwitika nyo, wanawawama, ke mututume walakaa kambenyi, mukahaṟe wenyi mrima mfafa, walya walawode muwatarame shilya wahuṟi, muwikye wandu wose tirisi.

1TIMOTEO 2:15

Indi nyi echiletso kui ifee lyefee wana ili ekaa wuidikinyi na makundanonyi na wuilishonyi awode osaṟe.

1TIMOTEO 4:6

Komanyishya wanawawama ishi nyi ochiwa mṟundi o Kristo Yesu sa mcha uimlisiṟe na madedo halya ha wuidiki na ha kiloshyo kilya kicha ukioshye.

1TIMOTEO 6:11

Indi iyo ili ui mndu o Ruwa, dicha ishi, ke wingya-wo wuhoṟotsu na wuindi na wuidiki na mkundie na mutirisie na wuoloṟu.

2TIMOTEO 1:8

Iki kikuenenge kulareenze iṟingishia kya Mndumii odu manya ulaṟeenze kipfa kyako inyi, njii mpfunge kimaduma kyake. Kya indi ukulunge-ho ihenda wawyo kimaduma kya Ndumi ya Sia ya okiio kui pfinya uleinengo nyi Ruwa.

2TIMOTEO 2:24

Indi mṟundi o Mndumii nalawe moloya. Kya indi kimbaṟi naololye wandu wose nawe mlosha mcha akutirisie shiwicho shilya aiwutio.

2TIMOTEO 4:5

Kakye iyo ukae na osaaṟe kya orio kindo, kukarishie mawinenyi, ṟunda iṟunda icha lya mwongoyi o Ndumi ya Sia ya okiio, ochiawutsia necha wupfuṟukanyi wopfo.

WAEBRANIA 12:1

Nkyo kimaduma naso ili lui na ipuchi lya waṟingishi lilutengetie lidi luleṟye wanda orio wulami na wunyamaṟi wu wokiṟa iluoṟowya owinyi, lochiengeṟa ihenda ira ngapano iii njiwawasye yadu lukuhode-ho necha.

OTAMBAHALUO LO YOHANE 1:9

Inyi Yohane nji manowama onyu na mokyando o wuaalenyi na wumanginyi na wukukarishi-hu wo ko Yesu njiwekeri ipfo kyandenyi kilya rina lyakyo nyi Patimo. Njileendo naho kundu njionguo idedo lya Ruwa na iṟingishya kii lohi kya Yesu.

OTAMBAHALUO LO YOHANE 3:10

Kyamba iyo uleringa na iwawaso lyako lya ikutirisia, na inyi njechikuiṟicha necha saa iya ya kihesho kilya kyechichea wuyanawu ihesha wandu waipfo kunu wuyanenyi.