2 WAKORINTO 6:10 - Bibilia Kui Mdedie fo Kimochi

¹⁰ Lui cha ili lui-walise wukiwa indi luwode nyi sia mkonu yose, lui-ho cha wakiwa indi lichisuṟisha weengi, lui cha walawode ma kindo na lui wenyishose.

2 WAKORINTO 6:10 ပူးပေါင်းရင်းမြစ်များ

SHIIMBO SHA DAWIDI 84:11

Kyamba Mndumii, Ruwa, nyi mnengeṟi na ngawo, mndumii nechilekia osaṟio na Kiṟumi, echiwaima kindo kichapfo, iwo wekechumia kui wusumhanyi.

MFANANO 13:7

Kuwode mndu mokusuṟisha, indi awode kindo pfo, Kuwode mndu mokuhaluo mkiwa, indi nawode masaa,

MFANANO 16:16

Chi nanga iwada wuṟango kota sahapu? Ee da, nanga isambuṟa imanya kota fesa.

MATAYO 5:12

Kechihiyonyi mbekeseka, kipfa woṟunda wonu nyi wufoi kulya ruwehu, kifa na wudo waleweterengia waikimbi walya wa-wemsongoye.”

MATAYO 5:4

Nanga iwo wawodo nyi fowa, cha kifa nyiwo wechika wawihiṟio moo.

LUKA 6:21

“Wungusu nyo muwodo nyi njaa wulalu, cha kipfa nyi mochikaa muihutso!”

YOHANE 16:22

Nanyo na wudo da, kiheri kya wulalu muisokyo nyi fowa. Indi njechiwonana nanyo lingi, na mrima yanu yechichihio na msiha fu fonu kwipfo mndu eidima imsokasepfo.

MAWUTO HA WASU 16:25

Kya indi kio aa madumbwo hawi Paulo na Sila waweiterewa Ruwa na imwimbya shiimbo shemṟumisha na wapfungo walya wengi waiho wechiadanya.

MAWUTO HA WASU 3:6

Petro kahamba, “Njiwode ma fesa ma sahabupfo. Kya indi kilya njiwode nyikyo sa njechikuinenga, Kui rina lya Yesu Kristo Mnasareti hoṟoka nochumie!”

MAWUTO HA WASU 5:41

Nawo wakakure ipfo oshangunyi lo chila iya wai waṟamtsu cha kipfa kya isutso kipfa kya rina lya Yesu.

WAROMA 11:12

Indi komkoya ideko lyawo lyamesuṟisha lidi wuyana na iho lyawo likawesuṟisha mkambo iya mhenu, nyi wuda kya ngoseṟa Wuholotsu wowo wochisuṟisha wengi mnu.

WAROMA 12:15

Kewechihionyi kimu na iwo wawachihie, muwelia na iwo welia.

WAROMA 15:13

Nao Ruwa-chu mokusihyo adi nawe mombonya nyo mfeṟa fo orio msiha fose na ofoṟo shirianyi na mwidikye fomwidikya kundu mukusuṟye necha mui na mkusihye kui pfinya ya Mumuyo Mwele.

WAROMA 8:32

Ruwa Amda alanunya ma Mana-chu oke kimumu mfi katana amdambika kipfa kyadu so lose, nyi wuda echida alaluinenga shicha shose, nalusumbe nasho ngesa?

WAROMA 9:2

Ke njiwodo mnu mfowa na mawawio ipfo ngoonyi na wukiwa wochitochatocha kitsitsi kipfa kya wandu wako lui samu imu.

1 WAKORINTO 1:5

Kyamba musuṟie kya orio kindo mukuwode nao kiwe kya orio idedo kiwewa kya orio mtambahalukye.

2 WAKORINTO 2:4

Kyamba mandi njilemṟehya njiweimrohie na ifoyo mrimenyi njechitonyitsa mchenyeṟe ifoi chi ke nyi kundu muwado nyi fowa-pfo indi nyi kundu muwute-ho imanya chando ikunda lyako ling'anyi konu.

2 WAKORINTO 4:15

Kyamba ishi shose nyi shitanyika kipfa kyanu, kundu wutonga wu wufeṟikye wafoi wadi wuwe wofeṟa mwaano fohamba mng'ano fo Ruwa.

2 WAKORINTO 4:7

Indi lurie kisa ki shihienyi shii-shiwumbe na wumba kundu pfinya ii iingiki idi imanyike ke nyi ikeri ya Ruwa, ilahambo ke nyi kodu so iwukie.

2 WAKORINTO 8:9

Kyamba muichi ngata ya Mndumii odu Yesu Kristo irie wutonga woke, nyi ili awei msuṟi adi kahenda haluka mkiwa, kundu nyo ipfo wukiwenyi woke mukuwutie-ho iwa wasuṟi.

WAEFESO 3:16

Kundu kui kisumbyonyi kya wuitoṟi woke namwenenge muhende iṟamtsyo pfinya ipfo wumndunyi wo kya mba kui Mumuyo oke.

WAEFESO 3:8

Inyi njii mtutu o wandu wose wa Ruwa. Indi njimwinenge wutonga wu woongoya wa mkambo ingi Ndumi ya Sia ya wusuṟi wo Kristo iwu wulawa itumo,

WAFILIPI 2:17

Kya indi ma kokoya samu yako yashika ihenda yoolo yechidasyo wuidiki wonu na iwupfuṟukanya na ngachihio ngawechihio hamu nanyo mose.

WAFILIPI 4:4

Kechihiyonyi shiheri shose ngawuya ihamba chihiyonyi mui-walunge na Mndumii.

WAKOLOSE 1:24

Wulalu ngachihio ipfo mawawiṟonyi halya njiiwawyo kipfa kyanu ngawemarisa shiwira sha Kristo ipfo mbihuhu foko ishi shiwekundi yengeṟyo-ho sha mbihu fu foke, mfo siṟi.

WAKOLOSE 3:16

Dedo lya Kristo likae ipfo konu na mfeṟa folyo fose, Muwe mochifundana na iikimbana wuṟango wose. Mochiimbya Ruwa ipfo ngoo tsanu shiimbo sheterewa na sheṟumisha na shiimbo shi shiamtse nyi Mumuyo shehamba wutonga wu.

1WATESALONYIKYE 1:6

Mukamekuwakisha naso na Mndumii mombada dedo lilya kituryonyi muwewodo nyi sia ya Mumuyo Mwele.

1WATESALONYIKYE 5:16

Chihionyi kiheri kyose.

1TIMOTEO 4:8

Kya ikutsana lya mbaṟi ya kii-nyama mbucha iwukie-ho nyi sa ntutu. Indi wuindi wulya woengeṟia shose mwengeṟya fo wucha ili fumbikie kyasa kicha kya moo fo wulalu na kya fulya fungi fochicha.

1TIMOTEO 6:18

Wawe wechisumba, wafeṟe mfeṟa fo mawuto mecha, wawe makitomoka wakundi ilekia.

WAEBRANIA 10:34

Kyamba nanyo muleichio wapfunge walya wukiwa, na iliindi mulesoko masaa hanu nyi mulekukarishya muwekaa na sia, kipfa muweichi ke nyi muwode mkae fungi fui mcha fochikaa.

YAKOBO 2:5

Wanawawama wako wakunde, kundenyi yadanya. Ruwa chi alesambuṟa iwa wai wakiwa na wa iya wuyana kawatana wasuṟi wenyi-wuidiki na waoṟi wa wumangi wu alewuteṟya walya wamkundi?

1PETRO 4:13

Kya indi ili muisanzyo Kristo mawawio hake ikyo kimwenenge muhende ichihio kya sia yanu ya ipfo mawonesyonyi ha wuitoṟi woke lyondi mochikapa ngululu.

OTAMBAHALUO LO YOHANE 2:9

Njiichi matuuro hapfo na wukiwa wopfo, kya indi nyi ui msuṟi. Njiichi na shirumo walekuruma walya wakuhamba ke wai Wayuda nawo walai Wayuda kya indi wakeri siṟi ya Satana!

OTAMBAHALUO LO YOHANE 21:7

Mndu ose echiwinza echikudaya kyoṟa kyake, nao inyi njechiwa Ruwa oke nao echiwa manoko.