2 WAKORINTO 6:1 - Bibilia Kui Mdedie fo Kimochi

¹ Indi ili lukeri wa kyando-ki nyi lomututuma, ma mulawone mochiambya wutonga wo Ruwa kya wulya.

2 WAKORINTO 6:1 ပူးပေါင်းရင်းမြစ်များ

YEREMIA 8:8

“Mohamba muda, so nyi luwode wuṟango, na wuwawaso wo Mndumii wui naso? Kyaindi ambuya kilya keṟehia wongo kya mṟehi kya haluka wongo.

MATAYO 23:37

“Iyo Yerusalemu, iyo Yerusalemu, kui mowaha waikimbi na iwo wai wadume kopfo kowakumbya maho, na sa kafoi da mbekundi isanya shiwana shapfo na chando nguku yekesanya malea hayo ipfo shi ya makungo hayo nanyo ma malakunde.

MAWUTO HA WASU 11:23

Nawo kekishika-pfo na iwona wutonga wo Ruwa wuiho kachihio kawatutuma wose ke wakunde ikuwada na Mndumii kui ngoo njiwanzi.

MAWUTO HA WASU 14:3

Kyasia wakakaa-pfo kiheri kileshe wechionguo mndumii kui wukahari nao Mndumii aweiwakanya iṟingi-shya idedo lilya lya wutonga woke kechiwainenga pfinya yetana ngata na maṟihyo kui mawoko hawo.

WAROMA 12:1

Ngashika aa ngamtutuma-ng'u, wanawawama, njiimwitike nyi osaṟio lu lo Ruwa, ke mudambike mbihu yo yanu iwe kidaso kiele kii na moo kichihianyi na Ruwa; kiwe wuindi wonu wusumhanyi.

1 WAKORINTO 3:9

Kyamba so luiṟunda kimu na Ruwa, nyo mui ndonga ya Ruwa, mui wiko lya Ruwa.

2 WAKORINTO 10:1

Nao inyi Paulo ili njiimhambe wai ke ipfo oshangunyi njimkerye mmamiri indi ngamuwia ngolohoda ngamshika aleshe, nyi njikuwode na wuhoo na wuwongoya wo Kristo njemtutuma.

WAGALATIA 2:21

Ngalekia wutonga wo Ruwa wuwuto kidipfo. Cha kipfa kima wusumhanzo wuwewuka ko mawiko halya maṟi Kristo alepfa kya wulya.

WAGALATIA 3:4

Kiweṟihishye kidi nanyo momekihoyo wulya mboe? Na lohi kiwe kya wulya?

1WATESALONYIKYE 3:5

Nkyo kitewe na inyi njilekiidima itsuwa ngamdumya kya imanya wuidiki wu wonu, kulako mtewi ulya amemtewa na mawina hadu hakawewa ha wulya.

TITO 2:11

Kyamba kulemboneka-ho wutonga wo Ruwa wuendie wandu wose okiio.

WAEBRANIA 12:15

Muwe mochiambuya mnu, kundu kulawoneke-ho echiwuka wutongehu wo Ruwa, manya kulaalukye-ho mri fuipusa fochirohya fuweshika ifanyitsa wafoi.

WAEBRANIA 12:25

Keringenyi-ng'u-wo mulawone mochilekana na ichu ai-pfo modeda. Kyamba kokoya walya walaweikia wechilehana na ichu modeda kyake ipfo sangenyi, nyi hanga kawi so, kokoya lokumbya ichu mhongo aideda akeri ruwehu.

WAEBRANIA 4:1

Iki kiluhoye fowa tseowuo kundu kulawone ipfo konu kuwoneke-pfo echiasha yanga lilya, ili indi kiteṟyo kilya kyekuangya ipfo kundo kuwode olele loke kii-kideye-se.

1PETRO 4:10

Muwe mochipfuṟukanyana muwenyi na wenyi orio mndu ose kui kisumbo kya wutonga ameinengo nyi Ruwa, mui waiṟichi wecha weiṟichya-ho wutonga wo Ruwa wui-wuhawie-ho wo mbaṟi ii na ii.

1SAMWELI 14:45

Kyaindi wandu wakawia Sauli, “Nki ili Yonathani echiwooho mndu aleendie Waisraeli wuwinziwu wung'anyi wudi Kindoki kiide kuleshe. So Mndumii-Ruwachu menyi moo, manya ochui lumu lo mdonyi foke lochiho wandapfo. Iki awuta inu, nawuta kechitaramo nyi Mndumii-Ruwa.” Koikyo wandu wakaashuo Yonathani nao nalawooho.