2 WAKORINTO 5:9 - Bibilia Kui Mdedie fo Kimochi

⁹ Nkyo kimaduma imchihiṟa o ma lui na kikaya ma lulai na kikaya lyo lulikutanya kiṟumi.

2 WAKORINTO 5:9 ပူးပေါင်းရင်းမြစ်များ

MAWOOKIONYI 4:7

Kowuta mecha; ochiidikio? Kulamewute mecha wunyamaṟi wuipfo; wuikuwedia o mongo, wukulangie iyo, kyaindi kikuwaṟi uwuwinze.”

YESAYA 56:7

manya iwo njechiwaembeṟa kiidi kya ifumvu lyako liele, na iwachihiṟa kiidi kya mba yako ya wuhendeli wo shiterewo. Shidaso na shiano shemaya modonyi shechiidikio ipfo kitaṟenyi kedasia; kyamba mba yako yelaho nyi mba yeterewia masanga hose.

YOHANE 6:27

Mlawinyie kelya kyechipuo; winyienyi kelya kyechikaa kipfa kya moo fo mlungana nakyo nyi Mana chu o mndu echimwenenga. Kyamba Wande nyio Ruwa nyi alembikya mhuri yemṟingishya ke nyio.”

MAWUTO HA WASU 10:35

Kya indi orio mbaṟinyi ya wandu yose mndu aiho amowoye na iwuta sha wusumhanyi nyi echikundikya koke.

WAROMA 14:18

Kyamba ichu akuwode na ikyo awa mopfuṟukanya-ho Kristo nyio sa achihiṟye Ruwa kawekundo nyi wandu.

WAROMA 14:8

Kyamba ili mandi lui-ho na moo nyio Mndumii luimpfuṟukanya nafo, ili mandi loshika ihenda ipfa, nyio Mndumii lohenda impfia. Kyasia lukaa-ho na moo ang'u lukapfa na luwei wa Mndumii.

WAROMA 15:20

Indi ngakunyasha njidi ke njechiongoya Ndumi ii ya Sia kundo kulandesendyo rina lya Kristo, njilawone njechihenda iwika mba ipfo kundo ungi awehye-ho otende.

1 WAKORINTO 15:58

Nkyo kimwenenge, wanawawama mui wakunde, mukae mui wawanzi mulechisingida, muitike itana kyando kya Mndumii kui mwengeṟya mfiri yose ochimanya owino lonu lulai lo maai mukukerye Mndumii-hu.

2 WAKORINTO 5:6

Nkyo kitewe lukarya hando hose na imanya ke mandi lui na mbihu fu kikaya kyadu lukeri aleshe na kanyi ka Mndumii.

2 WAKORINTO 5:8

Indi lukarya na ikundya kya ngoseṟa isama mbihunyi fu na isamya ko Mndumii.

WAEFESO 1:6

Kundu wutonga wo wusuṟi, woke iwo alelusumba kui mkunde oke wuhende iwikyo kiṟumi.

WAKOLOSE 1:10

Kudo mochiidima ichumia mchumie fuchihianyi na Mndumii na iwuta mecha hamchihiṟie kiheri kyose. Moo yanu yechikumbia ndunda njicha. Cha ikidi liwikie ndunda mualuke na ipfumbuka mochimanya Ruwa.

WAKOLOSE 1:29

Nakyo nyi ngakiwinya njekapana kui wuitiki wu wo Kristo wuiṟunda kiidi kyako na pfinya ing'anyi.

1WATESALONYIKYE 4:1

Iki kyamsia, wanawawama, luimterewa na imwikimba kui Mndumii Yesu kundu muitike ichumia mochihenda mbele chando muleambya kiwewukye kodu kiimtutumya mchumie ichihianyi na Ruwa, nanyo na muichumia mudo.

1WATESALONYIKYE 4:11

Muwe mowinya-ho kiṟumi kyanu mochipfirilia na ipfuṟukanya shilya shanu na iṟunda na mawoko hanu hamenyi, chando lulembawasya.

1TIMOTEO 4:10

Nalyo lyaluenenga lokuwinyisha loira-ho ngapano kipfa lokusirya na Ruwa chu menyi moo ai mkiṟi o wandu wose, kya ngoseṟa o walya wamwidikye.

WAEBRANIA 12:28

Nakyo kienenge so ili luiambya wumangi wulechiteshuka luwike-pfo mwaano lochipfuṟukanya nafo Ruwa kyemchihiṟa luwodo nyi wuindi na wuowu.

WAEBRANIA 4:11

Nakyo kiluitike luwinye ikuangya ipfo hando kuwode olele lulya, kundu ma kulakae-ho echihutso nyi kitewe kya wulemi wulya.

2PETRO 3:14

Nyo mui-wakunde wako, nkyo kimaduma ili muiweda isho, mukutambahanye muhende ikoyo-ho mulai na paṟi ma limu mulawa ihoyo owingo oshangunyi lo Ruwa mui na ofoṟo.