2 WAKORINTO 5:14 - Bibilia Kui Mdedie fo Kimochi

¹⁴ Kyamba kilya kilusanza lomba kimu nyi makunda ha Kristo hakaluinenga ihamba iki, ke kwipfo ichu umu alepfia wose; mpfo kundo wamepfa wose.

2 WAKORINTO 5:14 ပူးပေါင်းရင်းမြစ်များ

1MBONYI TSA MAHERI 11:18

Kyasia Ngohoda tsilya tsa Dawidi, tsikaida kopfinya kiidi kya machekeṟo halya ha Wafilisti, wakadahia mṟinga kulya kiwahenyi kilya kiwekeri kufui na mongo fo Bethlehemu, wakaendie Dawidi nanyo; kyaindi Dawidi kaleha inyo mṟinga fulya, kafupusia wanda cha kidaso ko Mndumii-Ruwa;

YOBU 32:18

Kipfa njiwode mfoeṟa fo madedo mumuyo fui kiidi kyako funjiitika.

SHIIMBO SHA SOLOMONI 1:4

Njikuruo ludiche, Mangi nyi anjiitsa na shiṟihenyi shake. Lochichihiyo na ikapa ngoru. Lochideda kya ikunda lyapfo lieṟie mvinyo. Ee daa, nyi kisumuhanyi wakukunde.

YESAYA 53:6

Luwerahanyikie lose cha machondi, Orio umu nawehalukie ora loke, Na Mndumii nawemdikie o njonyamaṟo tsadu so lose.

MATAYO 20:28

Na chando Mana o mndu alalecha kunu kepfuṟukanyo, nyi kundu o napfuṟukane-ho naweinengya-ho na moo foke fuwe ndalai yetalaa wafoi.”

LUKA 15:24

Kipfa mana-chu oko nyi awepfie kawuya iṟuka, nyi awedekie, kawuya iwoneka. Naho wakawooka ichihiyo.

LUKA 15:32

Kyaindi nyi kiwewaṟi ichihio na ikeseka, kyamba mana-cho oko nyi awepfiie kawuya iṟuka, nyi awedekie kawuya iwoneka.’”

LUKA 24:29

Nawo wakamlemba-lemba wakahamba, “Shika-wo kodu, kipfa nyi iila kui, na mfiri fomekelia.” Nao kaida na mba, kakaa nawo.

YOHANE 1:29

Na ili lya ngama Yohane kawona Yesu kyechimchea kahamba, “Aiki kichondi kya Ruwa kyechiwuta-ho wunyamaṟi wo wuyana.

YOHANE 11:25

Yesu kambia, “Inyi nyio wuṟuki na moo. Na mndu anjiidikye nekaa-ho na moo ma kapfa.

YOHANE 5:25

Nyi lohi kya lohi ngamuwia, Kukaa kuche kiheri na wulalu na kikeri-pfo da lyondo wapfu wechiicho ṟu lya Mana o Ruwa na iwo weliicho wechiwona moo.

MAWUTO HA WASU 18:5

Kikasia Sila na Timoteo wekisoka wawuka Makedonyia Paulo kaṟungamisha mwongoye na kamu kechiṟingishya Wayuda ke Yesu nyio Kristo.

WAROMA 2:2

Indi luichi ke mdumbuye fulya Ruwa afudumbuya walya wewuta shindo shido nyi fuidikyanyi na kilya kii lohi.

WAROMA 5:15

Kya indi kiiho na kiira chi shihianyipfo, kyamba kokoya yumbuya lya ichu umu litewye washike ihenda ipfa wadi wafoi nyi wuda kya ngoseṟa wutonga wo Ruwa na ohawi lo wutonga wurio nyi mndu-chu umu Yesu Kristo wusuṟie wafoi walya.

WAROMA 6:13

Ma mulawone mochidambikya wunyamaṟi shiwungo shanu shiwe shihia sha wukika, kya indi kudambikenyi nyo muwenyi Ruwa cha wandu warie moo waweṟukie nafo wapfunyi, na shiwungo shanu shiwiie Ruwa shihia sha wuhoṟotsu.

WAROMA 6:6

Kilya lukiichi kikeri kiile; ke wumndu wodu lui-wawike nawo, wo womaa ihenda ikapyo msalabe-hu kimu nao kundu mbihu-fu fuichiwie inyamaṟa fudi fuhende irumara so lulakisingye-se wunyamaṟi.

1 WAKORINTO 16:22

Mndu ma kawa u msa alakundi Mndumii nawiko ṟisenyi. Maranatha.

1 WAKORINTO 2:14

Indi mndu o mhendeshye fo kiwandu ekeambyana na shilya shii sha Mumuyo o Ruwapfo, kyamba shembiia wutondo nalaidime ishimanya, kipfa shekewa itichyo kui njia ya Mumuyo tupu.

2 WAKORINTO 3:7

Kyasia kokoya wupfuṟukanyi wurie opfu iwo wo mṟehonyi ii-mtaruo mahonyi halya, kokoya nawo wuwerie ngeela ikaenenga wana wa Israeli walaweidima yambuya oshangu lo Mose kipfa kya ngeela iya ya oshangu-hu loke, iweihenda sia.

2 WAKORINTO 3:9

Kyamba kokoya wupfuṟukanyi wu wowonya wandu mti wuwei na ngeela, nyi wochiwa wo wueṟa wongeela wueṟye mnu.

WAGALATIA 2:20

Wulalu-le chio inyi njikukerye-se na moopfo, kya indi mokaa na moo kui mbikye foko nyio Kristo. Moo fu fo nyamenyi njikikeri-se nafo njifurie njikuwode na Mana o Ruwa nao nyio anjikundi katana akudambikya opfunyi enkaya-pfo inyi.

WAEFESO 6:24

Wutonga wukae na wose wakundi Mndumii odu Yesu Kristo kui kikunda kilailachika.

WAKOLOSE 2:13

Kawemtana nanyo muwade moo fumu kimu nao nyo muwei wapfu kui manyamaṟo na kui wundaka wo nyama tsanu echimhoṟya manyamaṟo hanu hose.

WAKOLOSE 3:3

Cha kipfa nyo mompfa na moo fonu fui mṟike kimu na Kristo ipfo ko Ruwa.

1TIMOTEO 2:6

Nyio ichu alekudambika-ho amonyi ndalai ya italaa wandu wose ihendeṟingishyo ili indi maheri hayo halemshika ikoyo.

1TIMOTEO 5:6

Indi ichu mseke ai mpfu, ma ili mbihu foke fuwode moo.

TITO 3:3

Kyamba naso ili kacha luwei watahi, wandu wataicho wadetse, luweisingia wulang'a na lango tsa mbaṟi nliwe na nliwe luwehendekie lui na wumbafu na wunyenyi luwesukie lochisuana luwenyi na wenyi.

WAEBRANIA 2:9

Indi ichu awemnyiṟye wasu kiheri kyangu lumbonyi nyio Yesu ai mruwie mdohu foke wuitoṟi na kiichiko kimaduma kya mawawio ha opfu, ili esonja opfu akaya-ho wose kui wutonga wo Ruwa.

WAEBRANIA 6:10

Kyamba Ruwa alai mlemeshi awechihadima wina lyanu na kunda lyanu muwewonye rina lyake ili indi muweipfuṟukanya waele walya, na iwapfuṟukanya mui.

1PETRO 1:8

Nao nyio mumkundi mulalemembone, mumwidikye mulambonyi, nyi mochikapa ngululu muwodo nyi sia ilechiwa ihambo ii-njilishe idi.

1YOHANE 5:19

Luichi ke so lupaṟikye ko Ruwa na wuyana wose wuu-wulaṟe nyi mbicho.