2 WAKORINTO 5:11 - Bibilia Kui Mdedie fo Kimochi

¹¹ Kyasia ili luichi wowu wo yowuo Mndumii nyi lokeisima wandu indi Ruwa nyio luimtambahalukya na kamu; indi njikusihye ke nyi lutambahalukye na konu mrimenyi ipfo kundo ngo tsa mrimenyi tsi njiilikishe.

2 WAKORINTO 5:11 ပူးပေါင်းရင်းမြစ်များ

MAWOOKIONYI 35:5

Kiheri walewooka kyaṟo, wuowu wo Ruwa wukachea mṟi iya iwewaṟingichie, manya walaoshe wana wa Yakobo.

YOBU 18:11

Shifahio shamneenga wuowu orio-ora, Na imbingia kufui na shishindo shake.

YOBU 31:23

Kipfa kilio kiwukie ko Ruwa kiwei keṟihisha koko, kipfa kya wunene woko njileidima iwuta kindo-pfo.

YOBU 6:4

Ee da mfi ya Ruwa menyi pfinya yanjitocha; Mbihu foko fonyo wuṟoi wofo. Iowesha lya Ruwa lyaanjikumbuhana.

SHIIMBO SHA DAWIDI 73:19

Nyi uda wawa wukiwa oweṟe! Wadekia na idetso nyi ikangaṟitso.

SHIIMBO SHA DAWIDI 76:7

Iyo nyi iyo uoweshie, ee da Nyi Iyo! Nyiu echiidima ihoṟoka kiheri uidosa nyashi?

SHIIMBO SHA DAWIDI 90:11

Nyiu aichi wuidimi wo nyashi yapfo? Na tuke yapfo chando kiwaṟi iichiko lyapfo?

YESAYA 19:16

Mkonufo Misri yechiwa cha waka; yechidedema na iowuo kipfa kya idihinyitso owoko lo Mndumii menyi Matorito, aludihinyitsa huye yake.

YESAYA 33:14

Wanyamaṟi wai kiidi kya Sioni waowuo; kidedemo kyawada walya walaidikie Ruwa; “Nyiu o kodu echiidima ikaa na modo fochilya; nyiu o kodu echiidima ikaa na modo fochirumatsa mlungana?”

NAHUMU 1:6

Nyiu echiidima ihoṟoka oshangunyi lokye ili awode nyashi, nyiu ehiidima ikaa owawonyi lo nyashi yakye? Nyashi yakye injiwawo cha modo fopaṟapaṟa maho maumu.

MATAYO 10:28

Nanyo ma mlaowuo walya wewaha mbihu kya indi mrima-fo walaidime ifuwaha. Keengeṟenyi yowuo ichu moidima idetsa na mrima na mbihu handu hamu ii iwi idekye kulya Gehena.

MATAYO 25:46

Nawo wahende malisyonyi ha wukiwa wokaa mlungana na walya wa wusumuhanyi wawehenda ipfo kiidi kya moo fo mlungana.”

LUKA 12:5

Kyaindi njimloṟe sa mochimwowuo; owuonyii ulya echiidima iwaha, numa awewode-se pfinya yemkumba kulya modonyi, Ee, ichu nyiio ngamuwia; muowuonyii!

LUKA 16:31

Abrahamu kambia, ‘Wakamda walaadanyia Mose na waikimbi wa Ruwa, na nokoe mndu awechiṟuka awuka ko wapfu, wawechiidikishopfo.’”

MAWUTO HA WASU 13:43

Kisanzyo kyose kekiinuka sinagongeny Wayuda wafoi na wandu wa kichong'u kya siṟi yawo wahendeli wakaoshana na Paulo na Barnaba. Nawo wakawalosha na iwatutuma ke wakae wakuwode na wutonga wu wo Ruwa.

MAWUTO HA WASU 18:13

Wehamba, “Mndu chu nyi awa mokuruo wandu kundu wawikye Ruwa wuindi njia ikapanyi na njowawaso tsadu.”

MAWUTO HA WASU 18:4

Kyasia kawa molosha ipfo sinagogenyi orio mkonu fo Sabato kechiidiki-shaidikisha Wayuda na Wagriki.

MAWUTO HA WASU 19:26

Nanyo muwonying'u na iicho muicho ke chi kunu Efeso tupu kya indi na Asia yose pyu Paulo cho ameidikisha wandu weengi na iwahaluo mhio yawo kechihamba ke maruwa chiho haa matsane na mawokopfo.

MAWUTO HA WASU 26:26

Cha kipfa nao mangi na aichi mbonyi tsa shindo shi, na inyi ngaidima ikudedya nao njii mkesi kyamba njichi na kamu ke kulaipfo idedo ma limu lya iho alaiichi, cha kipfa kindo ki kilawutikye kundo ko mbai.

MAWUTO HA WASU 28:23

Wekimaa iteṟyana nao mkonu wakacha na koke kulyando awelaa wandu sa wafoi kawaongoya neng'cha na iṟingishya wumangi wo Ruwa kechiwadambuya kya Yesu na mweke fo wuwawaso wo Mose na fo waikimbi awoka ngamenyi kashika kyukanyi.

2 WAKORINTO 2:17

Kyamba so lulai cha wengi wafoi wekehaluo dedo lya Ruwa kindo kyekapa mbucha, kya indi luideda kui wulalutsu shiwukye ko Ruwa lukeri Kristo hu odatsinyi lo Ruwa.

2 WAKORINTO 5:20

Nkyo kyaenenga so lui wasu waende ndumi ya Kristo, na Ruwa nyi aimututuma ipfo kundu luideda, lomuterewa lui-wadume nyi Kristo, ke kundenyi isanzo na Ruwa.

2 WAKORINTO 6:1

Indi ili lukeri wa kyando-ki nyi lomututuma, ma mulawone mochiambya wutonga wo Ruwa kya wulya.

WAGALATIA 1:10

A ngadeda iki kyekulopa na wandu ang'u Ruwa ngesa? Njiwelanga ikukundishya wandu? Kima njiweikukundisha wandu njiwekikaa-se mṟundi o Kristo-pfo.

WAEFESO 5:21

Muwe mochikunyiṟyana ipfo makambenyi hanu muwodo nyi wuowu woowuo Kristo.

WAEBRANIA 10:31

Nyi koweshye munu yolokya mawokonyi ha Ruwa menyi moo.

WAEBRANIA 12:29

Kyamba Ruwa odu ai modo fuilya fochimaa.

YUDA 1:23

Walya wengi muwakiṟe mochiwatakuo modonyi na wengi muwaleshye mawoko mui na wuowu mochisuo na kanzu iya ii-njiterefutse nyi lango tsa nyama tsawo njiwicho.

OTAMBAHALUO LO YOHANE 20:15

Na mndu alawekoyo aimṟehye ipfo kitapunyi kya moo o kahenda yombotso ipfo nduwenyi ya modo.