2 WAKORINTO 5:10 - Bibilia Kui Mdedie fo Kimochi

¹⁰ Kyamba so lose pyu nyi kiluwaṟi ihoṟotso na pata ipfo mengenyi injidose nyi Kristo kundu orio mndu ose naambye kiheo kyake chando awetana kui mbihu shiwe nyi shicha a shiwe nyi shiwicho.

2 WAKORINTO 5:10 ပူးပေါင်းရင်းမြစ်များ

MAWOOKIONYI 18:25

Manyale, kulawute kudo uwahe mndu mcha handu, hamu na mmbicho, mndu mcha nawe cha mndu mmbicho. Manyale; Moanduya wuyana wose nade alawuta sha wusumhanyi?”

1WAMANGI 8:32

Uicho ui ruwehu, nodumbuo kyake, naawo uwemwaanduya hamu na wose. Icho okoya owingo nomhoṟuo kihianyi na madeko hake, na icho alawode tewe nomlekie kochimiichika kya wusumhanyi woke.

1WAMANGI 8:39

Kyasia uadanyie ipfo kopfo ruwehu, nohooṟie na ilekia, uwewawutia orio mndu chandu kimbaṟi (kipfa nyi iyo kumonyi uichi mahio ha mrima ya wandu wose)

YOBU 34:11

Kipfa nechitaa mndu o wandu na iṟunda lyake, nao nechihaluo orio mndu nawone njia yake.

SHIIMBO SHA DAWIDI 62:12

Na isaṟia lii kopfo, hoi Mndumii; nyi iyo oketaa orio mndu, chando kimsumhanye na mawuto hake.

SHIIMBO SHA DAWIDI 98:9

Oshangunyi lo Mndumii; kyamba naicha naanduye oruka, nechianduya, wuyana kui sungusihu, ma mkambo ya wandu kya waria.

KOHELETI 11:9

Iyo manake, chihiyo kipfa nyi ui mkoho, na mrima fopfo fuchihiyo ikeseka kiheri ki, uweosha ohendo lo mrima fopfo, na ipfo kiidi kya isho uwonyi na meso hapfo; kyaindi nowemanya ke kipfa kya isho shose Ruwa nechikuende mengenyi nakuanduye.

KOHELETI 12:14

Kipfa Ruwa nechianduya orio iṟunda, na orio idedo lya kiṟika, liwe licha ang'u liwicho.

EZEKIELI 18:30

“Koikyo njikerihenda ikuanduya iyo mba ya Israeli, orio mndu mbutie foke, nyi wudo Mndumii-Ruwa ahamba. Dumbuyenyi muhaluke, muhende ida mawicho hanu hose kundu njonyamaṟo tso tsanu tsilahende imunyamaṟa.

MATAYO 16:27

Kipfa nyi kochikaa Manomndu nache ai wusuṟinyi wo Nde arianyi na wasu wake wa ruwehu. Nalyo nainengye orio mndu ose kyake kimsumhanye ipfo mawutyenyi hake.

MAWUTO HA WASU 10:42

Nao kaluwawasa luongoye wandu na iṟingishya ke ichu nyio mteṟye nyi Ruwa nawe modumbuya wai na moo na wapfu mondu fulya.

MAWUTO HA WASU 17:31

Nyi ili indi akuteṟye na mkonu foke msa arie icha idumbo nafo mondu fo wuyana wose kya wuhoṟotsu nafudumbuo na msoṟo ulya akumbikye-ho kechiitsya wandu wose mweke fomwidikya ili alemṟutsa wapfunyi.”

WAROMA 2:16

Kuwe mkonu fulya ilindi Ruwa echianduya kui mweke fo Yesu Kristo kya shilya sha wandu shii-shiṟike. Nyiyo ndumi njimdume nayo.

WAROMA 6:19

Ngadeda njidi kiwandu kipfa mofafaa kui nyama tsanu;) Kyamba chando muwewedambikie shiwungo shanu shiwe shesingya ngafu na wukika wofeṟya-ho wukika, nyi wudo muwe mochidambikya shiwungo shanu wulalu shiwe shechisingya wuhoṟotsu-wu wuduo kiilishyonyi.

1 WAKORINTO 4:5

Nkyo kimaduma mulahende idumbuo kiheri kilandewiṟa itane Mndumii ache ichu echiendie senyi shindo shii-shiṟikishe meemenyi na itambaṟuya necha patehu chila tsikuwode ngoonyi Mandi na halya orio mndu ose kiṟumi kilya kimsumhanye nyi echiwikyo nyi Ruwa.

2 WAKORINTO 7:3

Ngadeda njidi njiwonye mndu owingopfo, kyamba njilemsonguo ihamba ke lumbode owide ipfo ngoonyi tsadu lutane lopfa handu hamu na ikukaya na moo handu hamu.

WAEFESO 6:8

Kumbwonyiwo ke orio mndu ose kindo aleuta kiwei kicha, manya awei isinga manya msuṟi, echikitao nyi Mndumii.

WAEBRANIA 9:27

Nakyo kirianyi na kya wandu ili kiwawaṟi wapfe limu. Likamewa washike yanduyo.

1PETRO 4:5

Wo wechianduyo nyi Ruwa-chu akuṟeheṟye idumbuo kya walya wai na moo na walya wapfie.

OTAMBAHALUO LO YOHANE 2:23

Na iwaha njechiwawaha wana wake. Na siṟi tsose tsechikuwutya-ho imanya ke nyio inyi njii-ho njechitiichia ngoo na mahio ha wandu. Njechienenga orio onu ose chandu kisumhanye mawuto hake.

OTAMBAHALUO LO YOHANE 22:12

“Kyeadanyienyi!” Nyi Yesu ahamba icha “Njiicha owinyi njirie wueeri wulya njechihawa inyi kyenengya orio umu ose chando kisumhanye iwuta lyake.

1SAMWELI 2:10

Wakituwa wa Mndumii-Ruwa wechifunjo shipeṟengu shipeṟengu, nechikoṟoṟoma kipfa kyawo, cha ikuṟuṟuma nginehu. Mndumii-Ruwa nechianduya wuyana wose. Nechiinenga mangi yake pfinya na ing'anyisha wuidimi wo msambuṟe oke.

1SAMWELI 2:3

Lekyenyi ikuichika lekyenyi ideda sha wutimbiri, Kyamba msa aichi nyi Mndumii-Ruwa, o nekyehesha mawuto hose.