2 WAKORINTO 4:8 - Bibilia Kui Mdedie fo Kimochi

⁸ Njora tsose nyi lui wafiṟite kya indi luifihiṟa; lipfio n mdo kya indi lulawuta-ho mdo.

2 WAKORINTO 4:8 ပူးပေါင်းရင်းမြစ်များ

SHIIMBO SHA DAWIDI 129:2

Kafoi walenjilisa wukiwa wokia wurika woko, indi walenjiidimapfo.

SHIIMBO SHA DAWIDI 37:33

Mndumii echimda mawokonyi hake pfo; ma echikusaṟa kyake ili eanduyo pfo.

MFANANO 14:26

Iindia Mndumii nyi kikusiryo kiwanzi; Wana wake wewona kodichya.

MFANANO 18:10

Rina lya Mndumii nyi omombo lo pfinya; Mndu o wusumhanyi nyekedichya kakaa kipuo.

YESAYA 40:31

Kyaindi iwa wewedia Mudumii wechiinengo pfinya njihya; wechido huye na makungo cha mbeṟo; wechiwika mteṟa, ma walechilehela; wechichumia na madende, walechiuma.

HABAKUKI 3:17

Kipfa mkuyu fochiwaṟa shiwaṟo-pfo, Manya ndunda tsa msabibu tsechiwono-pfo; Wukiwa wo msinepfu wowa wo wulya, Kochiwono-se kilimu demenyi-pfo, Kuwode kindo mfiṟihenyi-pfo, Kuwode mbe tsewono mfiṟihenyi-pfo,

YOHANE 14:18

“Inyi ma njechimda-ho wangoendapfo, nyi njiicha-se na konu.

1 WAKORINTO 10:13

Kiweipfo kihesho kilemhoya kilawei kya kiwandupfo. Na Ruwa ai mhendeli alechimda muhesho kidye mng'ang'ana fonu, kya indi handu hamu na kihesho kilya kawika-ho na mongo fowukia, kundu muidime ikutirisia.

2 WAKORINTO 12:10

Nkyo kimaduma kichihianyi na inyi kikeri kiile, ili njii wufafenyi ang'u shituryonyi ang'u shiwiṟenyi ang'u shiterengyonyi ang'u shipeṟehetsanyonyi shiwe shinjihoya kimaduma kya Kristo. Kyamba mandi njiiwufafenyi lyondo njii na pfinya.

2 WAKORINTO 6:12

Mui-wapeṟehetsye-ho handopfo, indi ipfo ngonyi tsanu mpfondo kupeṟehekye.

2 WAKORINTO 6:4

Kya indi kya orio kindo kyose lukuloṟa wapfuṟukanyi wa Ruwa ili lokutirisia sa kafo, kiwe lui shiwirenyi kiwe lui mawinenyi kiwe lui wakoṟome mkoṟomu.

2 WAKORINTO 7:5

Kyamba na mandi luwemeafukya Makedonyia mbihu fodu fulewona mwaanya fo yonyonyapfo kya indi luweiwawyo kose, ora lo nja mapfumu, ora lo mba maowu.

WAGALATIA 4:20

Njiwodo mnu m macha hekaa konu wulalu njiwe momkundishya olimi loko kipfa njii mṟihishe kyanu.

1SAMWELI 28:15

Samweli kawesa Sauli, “Nkilyi onjiwinyisha injiende na kunu huye?” Sauli kamhaluo kambia, “Inyi njiwodo nyi wukiwa wung'anyi! Wafilisti waira shida na inyi, na Ruwa najikumba mhongo; ainjihaluose kui waikimbi ang'u kui ndodopfo Nkyo kimaduma ngakulaha nokenjiwia kindo njechiwuta.”

1SAMWELI 30:6

Wulalu, Dawidi nawekeri kiidi kya ngataṟa tsing'anyi kipfa wandu wake wawewodo nyi fowa mrimenyi yawo kipfa kya ili wawedetsie wana wawo, wakamwowesha kya imkapa na maho. Kyaindi Dawidi kakukarisha mrimenyi na ikusiria Mndumii-Ruwa, Ruwa oke.

1SAMWELI 31:4

Nlyondi Sauli alewia mndu ulya ekemlaṟa shisha shake, “Somuo oshu lopfo nonjisekeche njipfe, kundu wanduwa walawode Ruwa walache injiwaaha na oshu.” Kyaindi mndu ulya ekyemdaṟa shisha nalakarie kipfa naleowuo mnu nakamu. Ko ikyo Sauli naleira oshu loke o amonyi, kaluolokia.