2 WAKORINTO 4:7 - Bibilia Kui Mdedie fo Kimochi

⁷ Indi lurie kisa ki shihienyi shii-shiwumbe na wumba kundu pfinya ii iingiki idi imanyike ke nyi ikeri ya Ruwa, ilahambo ke nyi kodu so iwukie.

2 WAKORINTO 4:7 ပူးပေါင်းရင်းမြစ်များ

YOBU 10:9

Kumbuo nolenjiwumba kwi teri, ngesa, nochinjiwihiṟa se kilulinyi?

YOBU 33:6

Ambuya inyi njii oshangunyi lo Ruwa chandu iyo ui, inyi njilewumbo kiidi kya teri.

YOBU 4:19

aka nyi wuda mndu o wandu ai teri; wandu wawukie kilulinyi, wecheidima ipaṟopaṟo cha kihuhuna!

SHILIO 4:2

Wana wadu wa Sioni chandu wawewode kiṟumi kodu cha sahabu. Indi wulalu nyi wakeri iwumbo wumbo cha teri ya mosungusia shinungu.

MATAYO 13:44

“Wumangi wo ruwehu nyi wufananyi na kisa kya shindo sha wuitoṟi kiwei kiṟike wanda demenyi Mndu kakiwona kahenda kakiṟika. Nao lyandi awodo nyi sia kahenda kumba shilya awode shose piu, kacha ihuṟa dema lilya.”

MATAYO 13:52

Nao kawawia, “Kyasiang'u orio mlosha o mawawaso ose ichu a mloshe kya wumangi wo ruwehu nyi afananyi na mndu menyi kanyi awode kisa kyake aṟikye kawa moende-ho shindo shihya na sha kacha.”

YOHANE 16:33

Ngamuwia isho kundu mukae muwode ofoṟo mukulungye na inyi. Ili mukeri kunu wuyana i muwodo nyi waale. Kya indi kukarishyenyi inyi ngambinza wuyana wu.”

1 WAKORINTO 1:28

Na shilya shilawei na kiṟumi kunu wuyana na shilya siwei shipiṟe nyisho Ruwa kashisanga shilawei kindo kundu nahaluo shilya shii kindo maai.

2 WAKORINTO 10:10

Cha kipfa kwipfo wehamba, hoo paruo tsilamye, mnu na yapfinya, indi kiheri aiho o amonyi afafaa adi kui mbihu na mdedye foke nyi fomina.

2 WAKORINTO 13:4

Kyamba ma kikawa alewambyo msalabe-hu arie wufafa kya indi ai-ho na moo arie pfinya ya Ruwa. Natso na luifafaa lukuwodye nao, kya indi lochikaa-ho na moo lurianyi nao kui pfinya ya Ruwa yekuloṟa nanyo.

2 WAKORINTO 4:1

Nkyo kyainenga ili lui na wupfuṟukanyi wu kui isaṟia lilya nyi lokewuya numapfo.

2 WAKORINTO 5:1

Kyamba luichi ke mba ya tengo lyadu lya wanda ii ikasanjo luwode wiko liwukye ko Ruwa, mba ilanjiwike na mawoko ii ya mlungana ipfo ruwehu.

2 WAKORINTO 6:10

Lui cha ili lui-walise wukiwa indi luwode nyi sia mkonu yose, lui-ho cha wakiwa indi lichisuṟisha weengi, lui cha walawode ma kindo na lui wenyishose.

WAEFESO 2:5

Kaluwika so moo fumu na Kristo matika halya luwei wapfu kui manyamaṟo nyi mui wakiṟe kui wutonga wo Ruwa.

WAEFESO 3:8

Inyi njii mtutu o wandu wose wa Ruwa. Indi njimwinenge wutonga wu woongoya wa mkambo ingi Ndumi ya Sia ya wusuṟi wo Kristo iwu wulawa itumo,

WAKOLOSE 1:27

Nyiwo-ng'u Ruwa alekunda iwamanyishya wandu wake wusuṟi-wu wo kyama kyo kiele kikoome chando kisuṟie. Nakyo nkyo Kristo kiidi kyanu mosuṟa mowedyo.

WAKOLOSE 2:12

Kipfa mulemṟiko kimu nao ipfo wupatisonyi mukaweṟutso kimu nao kui wuidiki wo mwamtsie fo Ruwa alemṟutsa Kristo wapfunyi.

WAKOLOSE 2:3

Ipfo koke shisa sha wuṟango na wulaanyi shii shiṟike-pfo shose.

1WATESALONYIKYE 1:5

Ili ndumi yo yadu ya sia ya okiio ilawembiia nyo kui dedo liyenyi indi na kui pfinya na kui Mumuyo Mwele na kui wutichi wose. Nanyo mwichi chando lulekukaya konu kipfa kyanu.

1WATESALONYIKYE 4:4

Orio mndu onu namanye ikuwonya iṟahembe lyake kui wuilishi na wuindi.

2TIMOTEO 2:20

Indi kiidi mba ing'anyi kuwode nzohoṟa tsa orio mbari. Tsingi nyi tsa sahabu na pesa tupu tsingi tsa mbau ang'u tsa teri. Na kyatso kwipfo tsiwode iṟunda lya kyaanya na tsingi iṟunda lyingi.

WACHILI 7:2

Mndumii-Ruwa kawia Gideoni, “Wandu wa ui nawo nyi wafoi mnu nakamu koko inyi iwika Wamidiani mawokonyi hanu, Waisraeli walache ikushela oshangunyi loko na ihamba nyi walekukiṟa kui pfinya tsawo wawenyi.