2 WAKORINTO 4:5 - Bibilia Kui Mdedie fo Kimochi

⁵ Kyamba lulakeri ikuhamba so luwenyi, kya indi nyi luihamba Kristo Yesu mndumii, naso luwenyi lui masinga hemsingya nyo kimaduma kya Yesu.

2 WAKORINTO 4:5 ပူးပေါင်းရင်းမြစ်များ

MATAYO 23:8

Kyaindi nyo mulalekye wandu wamulahe nyi Rabi nyi kipfa nyi umu akeriho ai mlosha onu. Na nyo mukawa nyi wanawamka moose.

MATAYO 3:11

Kyako inyi nyi njekepatisa na mṟinga kya idumbuya, indi ichu echicha numa yako, nao nyi anjing'anyie, njilasumhanyi ma iduo shadu shake, icho nyi echimpatisa na Mumuyo Mwele na modo.

YOHANE 7:18

Ichu ekyekuhambia kyake tupu o apfula iwikyo kiṟumi o amonyi. Indi mndu atambahanya iwonya ichu alemduma kiṟumi o akeri mhendeli alawode mtaambo, o lohi.

MAWUTO HA WASU 10:36

Aii ndumi aidikye wana wa Israeli wose echionguo ofoṟo luiwiko nyi Yesu Kristo. Nao nyio ai Mndumii o wandu wose.

MAWUTO HA WASU 2:36

“Kyasia mba ya Israeli yose iketawuka imanya kya lohi, ke Ruwa nyi alemtana Mndumii na Kristo, Yesu cho mlembambya msalabenyi.”

MAWUTO HA WASU 5:31

Nao nyio ichu Ruwa alemira na owoko loke lo kulyo kamtana mwitoṟi mokiṟa wandu nainenge Waisraeli mdumbuye na mhoṟye fo njonyamaṟo.

1 WAKORINTO 1:23

Kya indi so luionguo Kristo ambambie msalabe-hu. Lyo lyaenenga Wayuda wekapa tuulya likawia wa mkambo mhenu wutondo.

1 WAKORINTO 10:33

Chando nao inyi nyekechihiana na wose kya shindo shose njilaipfula kilya kinchihiṟye inyi indi kilya kichihiṟye walya wafoi kundu wahende ikiṟo.

1 WAKORINTO 12:3

Nkyo kimaduma ngammanyishya ke kulaipfo modeda awodo nyi Mumuyo o Ruwa awechihamba Yesu naseso, na kulaipfo aidima ihamba, Yesu ai Mndumii shile awodo nyi Mumuyo Mwele.

1 WAKORINTO 15:47

Mndu o kuwoka awukye terinyi ai teri, mndu o kawi ulya awukye ruwehu.

1 WAKORINTO 2:2

Kyamba njilalehamba njiichi kindo ipfo konu shile nyi Yesu Kristo nao nyi ili ambambye adi msalabenyi.

1 WAKORINTO 4:15

Ma muwei na waichi wemwichia Kristo shiku na shiku chi muwode mudi na wemfee wafoipfo, kyamba nyio inyi njilemfee njii Kristo-hu kui ndumi ya sia ya okiio.

1 WAKORINTO 8:6

Kya indi so luwode Ruwa umu ai Wande. Nyio kimaenyi kya shose shii-ho na kiwuyonyi kyadu na ipfo koke. Luwode na Mndumii umu nyio Yesu Kristo. Kui mweke foke shindo shilemba shose, naso na kui mweke foke.

2 WAKORINTO 1:19

Kyamba Mana o Ruwa Kristo Yesu ichu luimhamba konu inyi na Silwano na Timoteo, o alakulongye ee na ote, kya indi nyio ai “Ee” ya Ruwa.

2 WAKORINTO 1:24

Chi kii ke luapfinye mwidikye fonupfo, kya indi so lui wakyando wa msiha fonu; kyamba mukuwode mwidikye-hu chumu.

WAGALATIA 5:13

Nyo mui walahe kundu mochikuachia muwenyi, wanawawama. Ikuachia lyo manya lilawe lyewikya mbaṟi ya kii nyama pfinya, kya indi muhoneryane muwenyi na wenyi mochikundana.

WAFILIPI 1:15

Kala na kwipfo wekehamba wadi Kristo wai-waamtse nyi wunyenyi na isohuo mondu kya indi kwipfo na wekemhamba kui wuheki.

WAFILIPI 2:11

Na orio olimi luonguo ke Yesu Kristo nyio ai Mndumii kyewikya Ruwa Wande kiṟumi.

2TIMOTEO 2:10

Nkyo kitewe ngakutirisia njekaa shi ya shose kimaduma kya wasambuṟe walya wa Ruwa, kundu nawo wakuwonye okiio lo Kristo-hu Yesu hamu na wuitoṟi wo mlungana.

TITO 1:11

Kyawo na kikaki wahende ifunjo olimi. Nyiwo wandu wekepihisa nja tsa wandu tsii nsanze ili wailosha shindo shilasumhanyi wai watewe nyi ngula tsawo.

2PETRO 2:3

Ili wawodo nyi wuehi wechikapa nanyo mbucha kui sumu tsawo tsa wongo. Indi kui kiheri kileshe Moanduya owo nakuṟeheṟie, na Morumatsa owo nawonyi.