2 WAKORINTO 4:3 - Bibilia Kui Mdedie fo Kimochi

³ Indi kokoya na ndumi iya yadu ya sia ya okiio kokoya i-njishikye, na ipfo ko iwo wehenda deka.

2 WAKORINTO 4:3 ပူးပေါင်းရင်းမြစ်များ

MATAYO 11:25

Kyasia mandi na halya Yesu kahaluo kahamba, “Ngakuana, hoi Wande, kui mnene o ruwehu na oruka, kipfa ili mbonyi tsi utsiṟikye iwo waṟango na iwo waamtsu kowuya idambuya shikoku.

WAROMA 2:16

Kuwe mkonu fulya ilindi Ruwa echianduya kui mweke fo Yesu Kristo kya shilya sha wandu shii-shiṟike. Nyiyo ndumi njimdume nayo.

1 WAKORINTO 1:18

Kyamba ndumi ya msalaba ikerye iwo wehenda deka wutambashi, kya indi kyadu so wehenda kiṟo ikulukerye finya ya Ruwa.

1 WAKORINTO 2:6

Sha wuṟango na lushiwode sheongoya walya wai waholoki, indi wuṟango wu wulai wo maindi ha ki-wulalu manya wo waitoṟi wa ki-wulalu ki kyerumara.

2 WAKORINTO 2:12

Kyasia njekishika Troa keongwo ndumi ya sia ya okiio, na mongo fukanjiṟuhukya-ho kui Mndumii.

2 WAKORINTO 3:14

Kya indi mhie yawo ii mumiṟe. Kyamba shika mkonu fo inu kishikya kilya kikaa kikuwodye-ho orio kundo wekesomyo mkundano fulya mku fulawakutambahalukye ke nyi fuimbute-ho nyi Kristo.

2 WAKORINTO 4:4

Nawo nyiwo Ruwa lya kiwulalu ki lilewaha mhie ya walaidiki wo, ngeela ya ndumi ya sia ya wuitoṟi wo Kristo ilahende iwalimika. Nao nyi awake Ruwa.

1WATESALONYIKYE 1:5

Ili ndumi yo yadu ya sia ya okiio ilawembiia nyo kui dedo liyenyi indi na kui pfinya na kui Mumuyo Mwele na kui wutichi wose. Nanyo mwichi chando lulekukaya konu kipfa kyanu.

1TIMOTEO 1:11

na kya kingi-se kyose iki kikeri ikapana na kiloshyo kyechiṟa mrima kisumhanye ndumi ya okiio iwukie wuitoṟinyi wo Ruwa ichu menyi sia, nayo njileiwawasyo.