2 WAKORINTO 4:17 - Bibilia Kui Mdedie fo Kimochi

¹⁷ Kyamba iṟiyo lyo lyangu lya wukiwa wodu lyekaa oweṟe lo kidempfu, lyo lyalutanya wuitoṟi wo mlungana wuwode onu luiwonyo mwengeṟia na mwengeṟia.

2 WAKORINTO 4:17 ပူးပေါင်းရင်းမြစ်များ

MAWOOKIONYI 15:1

Isho shose shameida, idedo lya Mndumii-Ruwa likachea Abramu ndodonyi, lyehamba, “Manya kulaowuo Abramu! Inyi nyi ngawo yapfo na njechikuinenga mboṟa ing'anyi mnu.”

SHIIMBO SHA DAWIDI 119:67

Njilameliso wukiwa inyi njiwedekie, indi wulalu njihendelie idedo lyapfo.

SHIIMBO SHA DAWIDI 119:71

Kiwei kicha koko ke njileliso wukiwa, njiidime ikulosha mawawaso hapfo.

SHIIMBO SHA DAWIDI 30:5

Kipfa tuke yake nyi ya oweṟe sa lwangu, Madedo hake hai na moo. Kofia kilio kekecha ili kio, Indi ngamenyi kukawada sia.

SHIIMBO SHA DAWIDI 31:19

Chando osaṟio lopfo lung'anyi, Uwikie walya wakuowoye! Uwutie walya wekudichia. Oshangunyi lo wandu!

SHIIMBO SHA DAWIDI 73:24

Nochinjisongoya ko mbonyi tsapfo, ifurumia nonjiambiye na kiṟumi.

YESAYA 26:20

Njonyi wandu wako, ida shiṟihenyi shapfo, ushinge mongo numa yapfo noowe kioweṟe kifui, mṟasa wukiwawo wochiida.

YESAYA 54:8

Kipfa kya nyashi ya msanjika njechiṟika kyamu kyako kioweṟe sa kitutu; kyaindi kui isaṟia lyako lilasia njechikueka, Mndumii mkiṟi opfo ahamba.

YESAYA 64:4

Kipfa wokia kacha wandu walekunda iichopfo, ma imanya kui madu hawo, manya riso lilewona Ruwa-pfo, sile nyio mowuta shindo kya ulya mokuweda.

MAITALA 5:28

Kyaindi, kokoya mkacho alalemekuterefutse na alawode mti, echiwada kifaṟe handupfo; nechiidima ifee wana.

MATAYO 5:12

Kechihiyonyi mbekeseka, kipfa woṟunda wonu nyi wufoi kulya ruwehu, kifa na wudo waleweterengia waikimbi walya wa-wemsongoye.”

LUKA 6:23

Chihionyi mfiri fulya muwetoola-tola, kipfa woṟunda wonu nyi wufoi kulya ruwehu; kyamba nyi wudo wandeawo walewewutia wadedi walya wa Ruwa.

MAWUTO HA WASU 20:23

Shile nyi Mumuyo Mwele awa mombia mṟinyi kui mṟi kehamba ke nyi shiwoho shikeri injiweda-pfo na shiwira.

WAROMA 2:7

Iwo watsinda wewuta kilya kii kicha wepfula moo fo mlungana echiwaenenga wuitoṟi na kiṟumi na moo fulechisia.

WAROMA 8:18

Kyamba ngahamba mawawiyo ha ki-wulalu halaṟingananyi na wuitoṟi wulya lochikaa luwutambaṟuyo.

WAROMA 8:34

Ichu echihutsya owingo nyi wu? Kwipfo-pfo? Kristo Yesu aiho, nyio sa alepfa na kya ngoseṟa nyi aleṟutso, awuka ko wapfu, o akukerye ipfo ko kulyo ko Ruwa Kawa moluterewya-ho so!

WAROMA 8:37

Kya indi kya shindo sho kose shindo-shi shiluwode nyi lokia-ho lui wawinzi lukuwawie na ichu alukundi adi.

1 WAKORINTO 2:9

Kyakyo kikeri chando kiikiṟehye, “Shilya riso lya mndu lilawewona ma kudu kulaweicho, manya shilaweida na ngoonyi ya mndu o wandu, nyisho Ruwa aweshiṟeheṟye walya wamkundi.”

2 WAKORINTO 3:18

Indi so lose lukuilye ngeela ya Mndumii kui oshangu lushikukye loilachyo mfananyie fulya fulya fuitike yengeṟyo ngeela chando kohenda itano nyi Mndumii ai Mumuyo.

WAFILIPI 1:19

Kyamba njiichi ke iki kyechinjinukya kya oletso kui iterewa lyanu na iteteṟa lya Mumuyo o Yesu Kristo.

2WATESALONYIKYE 1:4

Nakyo kyaenenga so lokuṟumisha kipfa kyanu ipfo siṟinyi tsa Ruwa kya otirisi lonu na wuidiki wo ipfo shiterengyonyi shanu shose na shiwirenyi shilya mulekukarishia kyasho.

2WATESALONYIKYE 1:6

Ruwa nechiwuta kya wusumhanyi, ke nawe motaa matuuro walya walemutuura nyo.

2TIMOTEO 2:10

Nkyo kitewe ngakutirisia njekaa shi ya shose kimaduma kya wasambuṟe walya wa Ruwa, kundu nawo wakuwonye okiio lo Kristo-hu Yesu hamu na wuitoṟi wo mlungana.

YAKOBO 1:12

Nanga mndu msoṟo aikuhoda kiheshyonyi, kipfa ili ambangohoda echiambya oṟo iya nchope, nyiyo moo fu Ruwa alemteṟya walya wamkundi.

1PETRO 4:7

Mainutsyo ha shindo shose hamcha afui. Ko ikyo kaenyi na osaaṟe mochikuotoya kundu muidime iterewa.

1PETRO 5:10

Indi o Ruwa menyi wutonga wose ichu alemlahya wuitoṟi woke wulunganyi kui Kristo nyio echimlumbisha nyo muiwawyo kiheri kyangu echiwa moṟihika na ikahaṟa.

1YOHANE 3:2

Nyo mui wakunde wako, lukeri wana wa Ruwa wulalu. Indi mbika lochikaa nayo ilemewonekye-pfo. Luichi ke iliindi Kristo echicha nyi lochifanana nao, kyamba nyi lochimbona mbuka yake yose.

YUDA 1:24

Indi ichu aidima mringa mulakape mtulia, mulaoloke kaweidima imohoṟotsa ipfo kundo kuwode wuitoṟi woke mukae-pfo mulai na paṟi kochikapyo-ho ngululu.