2 WAKORINTO 4:16 - Bibilia Kui Mdedie fo Kimochi

¹⁶ Nkyo kyaenenga lulahenda ilemo, kya indi kokoya na mbika yadu iwono yahenda inyamaṟika, indi iya ilawono yo yahenda ilawuka mkonu na mkonu.

2 WAKORINTO 4:16 ပူးပေါင်းရင်းမြစ်များ

SHIIMBO SHA DAWIDI 119:81

Mrima foko fulefafaa kya ilanga okiṟo lopfo, njilewedia idedo lyapfo.

SHIIMBO SHA DAWIDI 27:13

Njiidikie ke njechiwona wucha wo Mndumii Orukenyi lo wai na moo.

SHIIMBO SHA DAWIDI 51:10

Hoi Ruwa, njiinenga ngoo njili, unjiinenge ngoo njiha kiidi kyako.

SHIIMBO SHA DAWIDI 73:26

Mbihu foko na mrima foko shitutia, kyaindi Mndumii-Ruwa nyi iṟaṟa lya mrima foko; na kyenga kyako mlungana.

YESAYA 40:29

Nekeinenga pfinya iwo wauma, nekeengeṟia pfinya ichu alawode pfinya.

YESAYA 40:31

Kyaindi iwa wewedia Mudumii wechiinengo pfinya njihya; wechido huye na makungo cha mbeṟo; wechiwika mteṟa, ma walechilehela; wechichumia na madende, walechiuma.

YEREMIA 45:3

Iyo nyi ulehamba, ‘Ochia loko!’ Mndumii-Ruwa nanjiengeṟia mawina kiidi kya mawawio hako. Ngalehela njeitsika kulawode isia moo.”

LUKA 11:3

“Kando kadu kalufoi uluinenge inu.

WAROMA 12:2

Ma mulawone mokuwakisha na wuyana-wu wo kiwulalu, kya indi muhende kuhalwo mochikulawukya mhie, kundu muidime iidikyana na kilya Ruwa akundi, kilya kii kicha kichihiṟye, kyawukye swai.

WAROMA 7:22

Kyamba njichihianyi na wuwawaso wo Ruwa kui wumndu woko wo kyamba.

1 WAKORINTO 15:58

Nkyo kimwenenge, wanawawama mui wakunde, mukae mui wawanzi mulechisingida, muitike itana kyando kya Mndumii kui mwengeṟya mfiri yose ochimanya owino lonu lulai lo maai mukukerye Mndumii-hu.

2 WAKORINTO 12:15

Na inyi njiangi tupu njikufole njimonyi na ikufolyo kipfa kya mrima yanu. Kikawa njimukundi njido kya ngoseṟa nao inyi njianguṟyo ihenda kundo ko?

2 WAKORINTO 4:1

Nkyo kyainenga ili lui na wupfuṟukanyi wu kui isaṟia lilya nyi lokewuya numapfo.

WAEFESO 3:16

Kundu kui kisumbyonyi kya wuitoṟi woke namwenenge muhende iṟamtsyo pfinya ipfo wumndunyi wo kya mba kui Mumuyo oke.

WAEFESO 4:23

Indi mukulawuo wuhya kui mumuyo fonu na mhie fonu.

WAKOLOSE 3:10

Muṟae na wumndu wuhya; echiwiko kui wuhya nyi Ruwa, momuumba. Mfano fo mtsanyi oke kundu nammanye necha Ruwa.

TITO 3:5

Lulauwike na mawuto ha wuhoṟotsu so luwewuta, indi nyi lo osaṟio lulya loke kui kisambyo kya ifeo lya kawi na ilawuo nyi Mumuyo mwele.

1PETRO 3:4

Kya indi wuwe wo mndu o mrima achia ora lo kya mba aṟee wuchopi wu wulechisia wo mumuyo mhoo fupfudie, nyifo fui na kiweṟe oshangunyi lo Ruwa.

1PETRO 4:14

Nanga nyo kokoya moilo kipfa kya rina lya Kristo, kipfa Mumuyo fo wuitoṟi, nyifo fo Ruwa fuimsokya.