2 WAKORINTO 4:12 - Bibilia Kui Mdedie fo Kimochi

¹² Nkyo kyanenga kilya kikuwodye naso kyeṟunda-ho nyi opfu, indi kikuwodye nanyo kyeṟunda-ho nyi mo.

2 WAKORINTO 4:12 ပူးပေါင်းရင်းမြစ်များ

MAWUTO HA WASU 20:24

Kya indi njiiringa moo foko fuwembiia mlodopfo. Kilya njiiringa nyi kingi, nyi kundu njekaa njikumarisye ohendo loko lo kipfuṟukanyo kilya njii mdambikye nyi Mndumii Yesu kyeṟingishya ndumi njicha ya wutonga wo Ruwa.”

1 WAKORINTO 4:10

So lui matondo kimaduma kya Kristo, indi nyo mui waṟango kui Kristo. So nyi wafafa indi nyo nyi wawanzi. Nyo mui na kiṟumi kicha so lui na wusutsu.

2 WAKORINTO 12:15

Na inyi njiangi tupu njikufole njimonyi na ikufolyo kipfa kya mrima yanu. Kikawa njimukundi njido kya ngoseṟa nao inyi njianguṟyo ihenda kundo ko?

2 WAKORINTO 13:9

Kyamba nyi kyaluinenga sia ili so lui wafafa nanyo mukawanga. Na kilya luiterewa kikeri kile, ke muhendesungusika.

2 WAKORINTO 4:11

Kyamba so moo fu lurie lodambiko nafo opfunyi mkonu yose kyepfia Yesu kundu moo fo Yesu nafo fuhende iwono mbihu-hu fodu fui mopfa.

2 WAKORINTO 4:13

Indi ili luwode mumuyo na fulya fo wuidiki wulya wu-wuṟehye wuwehambye; njiidikye nakyo kimaduma ngadeda, naso nyi luidikye ludi likaenenga luideda.

WAFILIPI 2:17

Kya indi ma kokoya samu yako yashika ihenda yoolo yechidasyo wuidiki wonu na iwupfuṟukanya na ngachihio ngawechihio hamu nanyo mose.

WAFILIPI 2:30

Cha kipfa nyi alekoyana na opfu echipfuṟukanya Kristo kakumba moo kundu naengeṟye-ho kilya kilewuṟika-se ipfo maikanyenyi mulenjiikanya naho.

1YOHANE 3:16

Hando lulekuwutya-ho imanya ikunda, nyi ili o Kristo alereka moo foke kimaduma kyaduso. Naso Kiluwaṟi lureke moo yadu hando ha wanawawama wadu.