2 WAKORINTO 3:3 - Bibilia Kui Mdedie fo Kimochi

³ Nyi mutambahalukye na pata ke nyi mui paruo ya Kristo i njitomboyane nyiso, ii njiṟehye chi kui wino kya indi kui Mumuyo o Ruwa chu menyi-moo; chi mapalu-hu ha mahopfo indi mapalu-ho ha ngoo stii nyama.

2 WAKORINTO 3:3 ပူးပေါင်းရင်းမြစ်များ

SHIIMBO SHA DAWIDI 40:8

Iwuta shilya ukundi, Hoi Ruwa oko, iyo sia yako; Ee mawawaso hapfo hai mrimenyi foko.

SHIIMBO SHA DAWIDI 42:2

Mrima foko nyi fui fuangari kipfa kya Ruwa, Ruwa ainamoo, nyi indi njechicha njiwono oshangunyi lo Ruwa?

SHIIMBO SHA DAWIDI 84:2

Mrima foko fuwodo mnu nyi macha na mfiṟiha fo Mndumii-Ruwa! Ee da na ifumeṟia mada. Ngoo yako na mbihu foko, shikeri ifihiṟia Ruwachu ai na moo.

IWUKA 24:12

Mndumii-Ruwa kawia Mose, “Njo na kunu huye koko fumvunyi, nokae kunu; na inyi njikunenge maṟaṟo ha maho na mdumbuye na iwawasolyo njileṟehia kundu nowaloshe.”

IWUKA 31:18

Nahong'u Mndumii-Ruwa kekimarisa ideda na Mose kulya fumvunyi lya Sinai, kamnengia maṟaṟo hawi ha maho hamaṟehie mawawaso ko owoko loke.

IWUKA 32:15

Kyasia, Mose kahaluka kasoka kulya fumvuhu, na maraṟo hamaṟehie njora tsose tsitsiwi; tsinjiṟehie njora tsose tsiwi.

IWUKA 34:1

Naho Mndumii-Ruwa kawia Mose, “Pacha maṟaṟo hawi ha maho cha halya ha kuwoka; na inyi njechiṟehia huya maṟaṟoho madedoho hawei huya maṟaṟo halya ha kuwoka, halya kulehafunjafunja.

MFANANO 3:3

Osaṟyo na lohi shilalekane na iyo; Shipfunge nzingonyi yapfo; Shiṟehiye ihohu lya mrima fopfo.

MFANANO 7:3

Hapfunge shimnyonyi shapfo; Ṟehia kiidi kya iho lya mrima fopfo.

YEREMIA 10:10

Kyaindi Mndumii nyi Ruwa o lohi, nyi Ruwa menyi moo o mlungana, nyashi yake yededemisha wuyana, wandu wa mkambo, wechiidima ikarishia nyashi yake pfo.”

YEREMIA 17:1

“Wunyamaṟi wo Yuda wui wurehie kui kalamu ya menya; kui sumi ya almasi wui wutoṟongochie kiidi kya mrima yawo na ndumbenyi tsa rasio tsawo.

YEREMIA 31:33

“Nduma ya mafiri ho njechiwika mkundana fo mbaṟi i na Waisraeli; Njechiwika wuwawaso woko kiidi kyawo na ifuṟehia kiidi kya mrima yawo. Inyi njechiwa Ruwa owo nawo wechiwa wandu wako. Nyi inyi Mndumii-Ruwa ngahamba.

EZEKIELI 11:19

Na inyi njewainenga ngoo na mrima mhya kiidi kyawo, njihende iwutapfo ngoo njiumu cha iho na iwainenga ngoo iwode wuindi.

DANIELI 6:26

Inyi ngawika iwawaso kiidi kya wumangi woko ke: Wandu wose waowuo Ruwa chu o Danieli: ‘Kipfa o nyi Ruwa menyi moo mokaa mlungana, wumangi woke wulamanda wuitoṟi woke wo mlungana.

MATAYO 16:16

Naho Simon Petro kahaluo kahamba, “Iyo nyi ukeri Kristo Mana o Ruwa ichu menyi moo.”

1 WAKORINTO 3:5

Alewo Apolo nyi ai ki, na Paulo nyi ai ki? Nyi wakeri wapfuṟu-kanyi mulemidikisho nyiwo na orio ose aweiṟunda kiheo kilya Mndumii alemnenga.

2 WAKORINTO 3:6

Nao nyio alutanyie watechi wepfuruṟukanya mkundano fu mhya fulai fo mṟeho indi nyi fo Mumuyo; kyamba mṟeho foende opfu, indi Mumuyo awikye moo.

2 WAKORINTO 3:7

Kyasia kokoya wupfuṟukanyi wurie opfu iwo wo mṟehonyi ii-mtaruo mahonyi halya, kokoya nawo wuwerie ngeela ikaenenga wana wa Israeli walaweidima yambuya oshangu lo Mose kipfa kya ngeela iya ya oshangu-hu loke, iweihenda sia.

2 WAKORINTO 6:16

Na maidikyano m maki ha hekalu lya Ruwa na mfano ya maruwa ha wongo? Kyamba so lui hekalu lya Ruwa menyi moo; chando Ruwa ahambye, ke ipfo kowo njechitana kanyi koko njehendekyaho, inyi njechiwawiia Ruwa owo nawo wechinjiwiia mkambo foko.

1WATESALONYIKYE 1:9

Kipfa wekehamba wa wenyi kyadu njia lulemwitso nayo ipfo konu nyi nki, na chando mulemhalukya Ruwa momlehana na mfano iya muwe mochipfuṟukanya Ruwa menyi-moo ai o lohi.

WAEBRANIA 10:16

“Ilo nyilo owiko njechiwawikya mkonu iya iya yamsia”, nyi Mndumii ahambie, “Njechihomoya njowawaso tsako ipfo ngoon tsawo, na iṟehya njechitsiṟehya ipfo mhienyi yawo.

WAEBRANIA 8:10

Na owiko, Mndumii ahambie, ilu njechiwikya mba ii ya Israeli ili indi mkonu iya yamesia lukeriludi; ke njechihomoya njowawaso tsako ipfo mhienyi yawo njechitsiṟehya ipfo ngoonyi tsawo. Na inyi njechiwawiia Ruwa nawo wechinjiwia mkambo.

WAEBRANIA 9:14

Nyi wuda kya ngoseṟa samu ya Kristo ichu alekudambikya Ruwa amonyi ai mkeha kui mumuyo molungana echiilisha sheko shilya sha mrima yanu iletsano na matendo ha opfu, iwe yepfuṟukanya Ruwa menyi mo?

YOSHUA 3:10

Nalyo Yoshua kahamba, ‘Wulalu nyi muhenda iwio napata ke Mndumii-Ruwa ichu ai na moo nyi akeri kiidi kyanu nao nyi akeri ihenda ifuna oshangunyi lonu Wakaanani, Wahiti, Wahivi, Waperizi, Wagirgasi, Waamori na Wayebusi mlawode iwingo.

OTAMBAHALUO LO YOHANE 2:1

“Msu chu o siṟi ya Efeso ochimṟehya,” Aiha madedo ha ichu ahambye arie nyenyeri tsilya mfungade owokonyi loke lo kulyo, ekyechumia kiidi kya shimnaṟa shilya mfungade sha taa sha sahabu.

OTAMBAHALUO LO YOHANE 2:12

“Na msu ulya o siṟi ya Pergamo ochimṟehya,” Aii ndumi ya ichu awode oshu lulya lo mmbeha kuwi.

OTAMBAHALUO LO YOHANE 2:18

Na msu ulya o siṟi ya Tiatira ochimṟehya, Aii ndumi ya Mana o Ruwa awode meso haiakaaka cha olewo lo modo, na madende hake haiwaa hafananyi na menya ya aṟeṟa.

OTAMBAHALUO LO YOHANE 2:8

“Na msu ulya o siṟi ya Simirina ochimṟehya;” Aii ndumi iwukie ko ichu ai Mboki na Mwawutsi nalepfa kawewuya iwada moo.

OTAMBAHALUO LO YOHANE 3:1

“Na msu ulya o siṟi ya Sarde ochimṟehya, ‘Aii ndumi ya ichu awode mumuyo iya mfungade ya Ruwa na nyenyeri tsilya mfungade, njiichi mawuto hapfo hose, ui-mhambe ke ui na moo ate nyi ukeri mpfu!

OTAMBAHALUO LO YOHANE 3:14

“Na msu ulya o siṟi lya Laodikia ochimṟehya, ‘Aii ndumi iwukie ko ichu amhambe ai Amenyi, o nyi mṟingishi mhendeli mokilohi ai mawokioonyi ha shose Ruwa ashiwikye.

OTAMBAHALUO LO YOHANE 3:22

Ichu awode-madu naadanye iki Mumuyo aiwia siṟi tsi.”

OTAMBAHALUO LO YOHANE 3:7

“Na msu ulya o siṟi lya Filadelfia ochimṟehya;” Aii ndumi ichu ai Mwele Mokiilohi awode opfunguo lo Dawidi. Hando o apfunguo kwipfo sa echiidima ipfunga-pfo. Na hando o apfunga kwipfo sa echiidima ipfunguo-pfo.

1SAMWELI 17:26

Dawidi kawesa walya wawei kufui nao, “Ngesa, mndu echiwaha Mfilistichu na iwuta Waisraeli wusutsu wo mbaṟi ii nechiinengo kiki? Nyiu Mfilistichu mndu alamdine, akaria iruma machekeṟo ha Ruwachu menyi moo?”