2 WAKORINTO 3:1 - Bibilia Kui Mdedie fo Kimochi

¹ Alewo nyi luwoka-se lingi ikumanyisha so uwenyi ko? Ang'u nyi luwuṟye cha wengi paruo tselumanyisha ipfo konyu ang'u tsingi tseluhamba tsii-njiṟehye n nyo ko?

2 WAKORINTO 3:1 ပူးပေါင်းရင်းမြစ်များ

MAWUTO HA WASU 18:27

Nao kekikunda yambada ipalyipalyi nahende Akaya wanawawama wakamdimisha wakamṟehya paruo ko walya wa kiloshyonyi yehamba ke wamwambye. Kekishikapfo kaikanya waidiki kawashitsa necha kui wutonga wu wurianyi nao.

WAROMA 16:1

Ngakunda imumanyisha Foibe mshiki odu, ai mṟundi siṟinyi ya Kenkirea.

1 WAKORINTO 10:33

Chando nao inyi nyekechihiana na wose kya shindo shose njilaipfula kilya kinchihiṟye inyi indi kilya kichihiṟye walya wafoi kundu wahende ikiṟo.

1 WAKORINTO 16:3

Na inyi ili ngamwafukya walya mochiwasambuṟa njiwadume na paruo wahende iduo oleki lonu kulya Yerusalemu.

1 WAKORINTO 3:10

Kui kiheo kya wutonga wo Ruwa njii-msumbe nyi ngamewika kiwanja cha mpfuru mṟango na ungi kawika-ho mba. Kya indi orio ose moiwika-ho naṟunde na osaṟe.

1 WAKORINTO 4:15

Ma muwei na waichi wemwichia Kristo shiku na shiku chi muwode mudi na wemfee wafoipfo, kyamba nyio inyi njilemfee njii Kristo-hu kui ndumi ya sia ya okiio.

2 WAKORINTO 10:12

Ma lulakwaamye ikuitala kimu na iwo wekumanyisha wawenyi ma ikulinganyisha nawo; kya indi ipfo kundo wakuheṟa wawenyi na ikulinganyisha wawenyi mpfondo waashye imanya hando wai.

2 WAKORINTO 10:18

Kyamba chi ichu akuhamba amonyi awa mtechipfo shila nyi ichu aihambo nyi Mndumii.

2 WAKORINTO 10:8

Kyamba kokoya ngaengeṟa ihamba kyeṟumisha wuheki wodu Mndumii aleluinenga wuwe womlunga wulawe womuwunduo njechipfia sonupfo.

2 WAKORINTO 12:11

Ngamewa tondo n nyo momenjiitikya. Kyamba kiwechia njiwehamba necha n nyo. Kyamba kulaweipfo kindo njewekaa nakyo numa ya ma-wasu halya ma kikawa chando inyi ndai kindo.

2 WAKORINTO 12:19

Nyo mulemkuruo kacha ikusaṟa ke nyi luikapa nene ipfo konu. Nyi oshangunyi lo Ruwa luideda shepfuṟukanya mlungye fonu.

2 WAKORINTO 2:17

Kyamba so lulai cha wengi wafoi wekehaluo dedo lya Ruwa kindo kyekapa mbucha, kya indi luideda kui wulalutsu shiwukye ko Ruwa lukeri Kristo hu odatsinyi lo Ruwa.

2 WAKORINTO 5:12

Lulawuya ikumanyisha luwenyi ipfo konu, kya indi nyi lomnenga mweke fokuṟumisha kyadu so kundumuwute-ho ikukaya nafo sumuhana na walya wekekushela na kiṟumi kya oshangu tupu kiladoye ngoonyi.