2 WAKORINTO 2:17 - Bibilia Kui Mdedie fo Kimochi

¹⁷ Kyamba so lulai cha wengi wafoi wekehaluo dedo lya Ruwa kindo kyekapa mbucha, kya indi luideda kui wulalutsu shiwukye ko Ruwa lukeri Kristo hu odatsinyi lo Ruwa.

2 WAKORINTO 2:17 ပူးပေါင်းရင်းမြစ်များ

YEREMIA 5:31

Waikimbi wahamba wongo, wakuhanyi waitoṟia kui ngaya yawo, na wandu wako wakundi shindo shiwe shido. Nanyo mochiwuta muda iya masiiyonyi ngesa?

MATAYO 24:24

Nyi kipfa kochikurepfo Wakristo wa wongo na waikimbi wa wongo. Waweloṟa-ho na mawuto manene ha kiṟingishyo na ha kiṟiha. Nyi kundu watewe na iwo wai wasambuṟe nokoe nyi kiwechiwa.

MAWUTO HA WASU 20:20

Nyi mwichi ke njilemṟika nyo idedo ma limu lii kiiṟa kyanupfo. Kya indi njiweimwongoya na imulosha ma njiwei patehu ma njiwewa ipfo mba.

MAWUTO HA WASU 20:27

Kyamba njilekushowa nde ndamwongoya kya chila ya Ruwa yosepfo.

1 WAKORINTO 5:8

Nakyo kyaenenga luachikie mkonu mnene iya yadu, chi kui kitarang'asha kilya kiku manya kui kitarang'asha kya wuporu na wuwicho kya indi kui shilaishitarang'ashe sha wusalari na wulohi.

2 WAKORINTO 1:12

Kyamba kiṟumi kyadu kii-kiṟingishye nyi ngo tsa mrima tsadu tsihoṟoki nyi kikeri kii-le, ke nyi luwehendekye iya wuyana kui wutambachu na wuharami wuwukye ko Ruwa, chi luweṟanguo mbari nyi kiwandufo kya indi luwewodo nyi wutonga wo Ruwa, na wandu lulewakaya ludi kya wueṟa nyiwo nyo.

2 WAKORINTO 1:18

Kya indi Ruwa nyio o lohi kanega idedo li luwelimwendie lilaweṟukeweṟuke liwe ee na ote.

2 WAKORINTO 11:11

Kimarete nyi ki? Nyi kipfa ndamukundi ko? Ruwa aichi.

2 WAKORINTO 12:19

Nyo mulemkuruo kacha ikusaṟa ke nyi luikapa nene ipfo konu. Nyi oshangunyi lo Ruwa luideda shepfuṟukanya mlungye fonu.

2 WAKORINTO 4:2

Kya indi lulehye sha kiṟikenyi shepfia sonu; manya lulahendekye lui na ngeṟo, manya lulalongya idedo lya Ruwa kindo kii wongo, kya indi lokekumanyishya luwenyi ngo tsilya tsii mrimenyi tsa wandu lochihamba a pata kilya kii lohi lui oshanguny lo Ruwa.

2 WAKORINTO 6:7

Lukaukerye na dedo lya wulohi, lutsindye-ho kui pfinya ya Ruwa. Lochikuringa na shisha sha wuhoṟotsu shii sha ora lo pfumu na lo ngao.

WAGALATIA 1:6

Ngaṟihyo kyanu kya iweṟuka lyanu muweṟukye owinyi mudo mochiwuka ko ichu alemlaha kui wutonga wo ko Kristo mukawingya ndumi ingi.

1WATESALONYIKYE 2:4

Kya indi chando lulekundo nyi Ruwa naludambikye ndumi ya sia ya okiio nyi wudo luideda, chi kundu luwe lochichiana na wandu indi na Ruwa ichu ametunga ngoo tsadu.

TITO 1:11

Kyawo na kikaki wahende ifunjo olimi. Nyiwo wandu wekepihisa nja tsa wandu tsii nsanze ili wailosha shindo shilasumhanyi wai watewe nyi ngula tsawo.

WAEBRANIA 11:27

Nyi wuidiki wukaenenga aleda Misiri alechiowuo rihima ya mangi kyamba alekukarisha na ichu alawono cha ili ambonyi.

1PETRO 4:11

Kuwode modeda lyo liwe lya mbiia tsa Ruwa, kuwode mopfuṟukanya lyo liwe lyechiwutika kui pfinya ii injiende nyi Ruwa, kundu Ruwa nakuwutie-ho iṟumisho na ishi shose kui Yesu Kristo. O ai menyi wuitoṟi na wukolonyi wochikaa mlungana! Amenyi.

1YOHANE 4:1

Wakunde wako, ma mulaidikye orio mndu mohamba nawode mumuyo mliwe, kya indi mutume mnu kokoya mndu-chu nario nyi Mumuyo fo Ruwa ang'u ote. Kyamba waikimbi na wongo wafoi wamecha kunu wuyana.

YUDA 1:4

Kyamba kuipfo wandu walaichi Ruwa walekuṟoṟokuya kunu siṟinyi, nawo nyiwo ko kiira kya mkao yawo njiwicho walemsonguo iṟehyo mdumbuye yawo kacha nyiyo iile, ke nyi walemeshi wekepfuluo-pfuluo wutonga-wu wo Ruwa odu kui wulala wowo, wakeri ileha ichu ai mnene odu amonyi nyio Mndumii odu Yesu Kristo.

OTAMBAHALUO LO YOHANE 12:9

Na molyimo fu fung'anyi fukakumbo wanda, nyiyo njoka iya njiku ekelaho nyi Mkumbi na Satana. Nyio mtandawushi motandawusha wuyana wu wose. Kashika ikumbo wuyana. Na wasu wake wakawekumbyo-ho handu hamu nao.

OTAMBAHALUO LO YOHANE 19:20

Na indo lilya likawado lyikapfungo, hamu na mwikimbi mowongo handu hamu nao ichu alewuta maṟiho halya oshangunyi lolyo (Kawa motandawusha wandu na mweke foho walya weambya mhuri ya indo lilya wakaweindia mfano yalyo.) Wakahenda yombotso wai na moo wa wawi ipfo iruwenyi lya modo fodosa mumuyo fo wuṟoi wofumba oṟoo.

OTAMBAHALUO LO YOHANE 2:20

Indi njikuwodie mondu, kyamba oidikiana na mka ulya Yezebeli ichu akuhamba amonyi ke mwikimbi o Ruwa kalosha echitusa masinga hako wawe waṟuhui wahende ilya na nyama ndasye maruwa ha wongo.