2 WAKORINTO 2:14 - Bibilia Kui Mdedie fo Kimochi

¹⁴ Indi Ruwa nakae echiwikyo mwaano ili ailuenenga iwinza lyi lya kui Kristo kitsitsi echipfamiṟa orio kundu kose mtambahalukye foke ai naso.

2 WAKORINTO 2:14 ပူးပေါင်းရင်းမြစ်များ

SHIIMBO SHA DAWIDI 106:47

Hoi Mndumii, Ruwa odu, kyelukiṟewo, kyelusanyie kuwuka ko wa mkambo, luane rina lyapfo iele, lukapie kiṟumi kyapfo ngululu.

SHIIMBO SHA DAWIDI 148:14

Nao naleinenga wandu wake pfinya, na kiṟumi ko waheṟemtsu wake wose, wana wa Israeli, wandu wai kufui nao. Haleluya!

SHIIMBO SHA SOLOMONI 1:3

Mpfaamo yapfo yapfaama necha, na rina lyapfo nyi cha mafuda ha opfaamo hailetsio handu, koikyo wana wa waka wakukundi

EZEKIELI 20:41

Ngamemaa iwawuta ipfo njorukenyi muweṟaṟanyikie, kiidi kya mkambo fo wandu, njechimuambia, na iwasanyia sanyia, na rina lyako liele lyechihenda irumisho kiidi kya mkambo yo ya wandu.

YOHANE 16:33

Ngamuwia isho kundu mukae muwode ofoṟo mukulungye na inyi. Ili mukeri kunu wuyana i muwodo nyi waale. Kya indi kukarishyenyi inyi ngambinza wuyana wu.”

WAROMA 1:8

Kya kuwoka ngaana Ruwa oko njikuwawie na Yesu Kristo kimaduma kyanu mose kyamba wuidiki wonu wukeri ihambo wuyana kose.

WAROMA 15:19

Kikawa kui pfinya ya shichano na maṟiho shiweiwiko nyi Mumuyo Mwele, fo Ruwa. Kui ichumia lyako orio handu, wokia Yerusalemu ngashika Iliriko, ngaonguo Ndumi ya Sia ya Kristo kui Wusalari.

WAROMA 6:17

Indi Ruwa nawikyo mwaano kipfa muwesia ikaa masinga ha wunyamaṟi mukashika yanguya madu mateteṟa-chu mompfunda muiwadambikye koke mukuwode-ho na mrima msanze.

WAROMA 8:37

Kya indi kya shindo sho kose shindo-shi shiluwode nyi lokia-ho lui wawinzi lukuwawie na ichu alukundi adi.

1 WAKORINTO 12:8

Kyamba ichu umu amnengo nyi Mumuyo ideda wuṟango, na ichu ungi ideda wulaanyi kui mweke fo Mumuyo ulya ulya.

1 WAKORINTO 15:37

Na kilya owaya nakyo mbumbie fulya fui-mteṟye fuwepfo kya indi nyi kitaṟe kya kimboma, kiwe nyi kya Ngano ang'u nyi kya kilimu kya mbaṟi tsingi.

1 WAKORINTO 15:57

Kya indi Ruwa nahende iwikyo mwaano ichu moluinenga wuwinzi kui Mndumii odu Yesu Kristo.

2 WAKORINTO 1:11

Nanyo nyi mochikaa wetaramana naso mochluterewya kundu shamu sha wandu wafoi shiile kya ngaya iya lulesaṟyo nayo wafeṟe iwika-ho mwaano kimaduma kyadu so.

2 WAKORINTO 8:16

Indi Ruwa nawikyo mwaano kipfa kya wuidimi wulya wulya alemwamtsya nyo ipfo ngoonyi ya Tito.

2 WAKORINTO 9:15

Ruwa nahende wikyo mwaano kya kisumbo kyake king'anye mdedye yose yekihamba.

WAEFESO 5:2

Muchumie mhendo fuu mchilie nyi ikunda, chando nao Kristo awelukundi kahenda ikudambikya Ruwa hando helukaya-pfo so kambiia odambiko na kidaso sha opfamo sa lolo da.

WAEFESO 5:20

Anenyi Ruwa Wande maheri hose kui rina lya Mndumii odu Yesu Kristo kya shindo shose.

WAFILIPI 4:18

Na ngambona shose shamba sha mfeṟa. Nyi njilemsuṟyo njido iliindi ngamwambya osano lonu lomendo nyi Epafrodito. Lo opuo lopfama mnu necha, nyilo odambiko lukundikye luchihiana na Ruwa.

WAKOLOSE 1:23

Kimuwaṟi nyo ikaa mukuwode tupu wuidikinyi mukuilikie-ho mui na kidembo kiwanzi mulechiwa iteshuo ipfo owedionyi lo Ndumi ya Sia, ii momwicho iwemwongoyo mbika iikeri shi ya ruwehu yose; na inyi Paulo ngamba mṟundi o Ndumi ya Sia.

WAKOLOSE 1:6

Iya ishikye na konu. Kyamba chando ikeri wuyana kose yechikumbia mecha na ipfumbuka na wudo na ipfo konu, wokia mkonu fulya mleicho kya wutonga wo Ruwa mukawemanya wulohi woyo.

WAKOLOSE 2:15

Kristo Kahenda yatuo waitoṟi nao waapfinya no Waṟufu kewaloṟa na pata echiwamanyisha wai wawinze ewaduo wapfungo amonyi.

1WATESALONYIKYE 1:8

Kyamba ipfo konu dedo lya Mndumii lilembuka-ho likaweichio necha chi alya Makedonyia na Akaya tupupfo, kya indi wuidiki wonu woikuwada na Ruwa wukawemanyika hando hose kilakilukoya-se ideda kya ikyo.

1WATESALONYIKYE 3:9

Kipfa mwaano nyi mki loidima itaa Ruwa kipfa kyanu sia yo yose luichihio yanu sumhana na Ruwa chu odu.

1TIMOTEO 2:8

Wulalu nyikundi ke womi waterewe orio kundo kose wechiira mawoko ha wuindi walawodo n nyashi ma itautau mdo.

2TIMOTEO 2:2

Ambia kiloshio kilya uleicho koko oshangunyi lo wangochi wafoi sho ualie wandu waidikye iwa wasumuhanyi sa wechiidima ilosha wengi.

OTAMBAHALUO LO YOHANE 7:12

Wechihamba, “Amenyi, Kiichiko na wuitoṟi na wuṟango na wualanyi na wuindi na wuikolonyi na wuṟamtsu wui wo Ruwa odu wochikaa nao maheri hose halunganyi. Amenyi.”