2 WAKORINTO 13:4 - Bibilia Kui Mdedie fo Kimochi

⁴ Kyamba ma kikawa alewambyo msalabe-hu arie wufafa kya indi ai-ho na moo arie pfinya ya Ruwa. Natso na luifafaa lukuwodye nao, kya indi lochikaa-ho na moo lurianyi nao kui pfinya ya Ruwa yekuloṟa nanyo.

2 WAKORINTO 13:4 ပူးပေါင်းရင်းမြစ်များ

YOHANE 10:18

Ma kwipfo aifunjisokapfo kya indi nyi ngafulekya kui ikunda lyako njimonyi. Nyi njiwode pfinya ya ifulekya, njiwewode na pfinya ya ifuwada-se. Nyi wudo wande oko alenjiwawasia njiṟunde.”

MAWUTO HA WASU 2:36

“Kyasia mba ya Israeli yose iketawuka imanya kya lohi, ke Ruwa nyi alemtana Mndumii na Kristo, Yesu cho mlembambya msalabenyi.”

MAWUTO HA WASU 3:16

Na mwidikye foidikya rina lya Yesu, ili akusirye nalyo, rina lyake nalyo lyaṟamtsa mndu chu mumbonyi na immanya. Mwidikye fomwidikya o mfo fowonesya mndu chu oru loke iya oshangunyi lonu mose.

WAROMA 1:4

Ambike-ho Mana o Ruwa Menyi pfinya kui Mumuyo mosumba wuele likawa kui iṟuka wapfunyi, nyio Yesu Kristo Mndumii odu.

WAROMA 14:9

Kimaduma kya ikyo Kristo alepfa kawuya kaṟuka, nyi kundu nawe Mwitoṟi o iwo wapfie na iwo wai na moo.

WAROMA 6:4

Kikawa kido nyi lui-waṟike kimu nao opfunyi kulya kui wupatiso kundu chando Kristo aleweṟutso wapfunyi kui wuitoṟi wo Wande na wudo so lukae-ho lochihendekya luirie moo mhya.

1 WAKORINTO 1:25

Kipfa kilya kii kya wutondo kichee ko Ruwa kyo ki na wuṟango wukaida wo wandu na kilya kii kya wufafa kirianyi na Ruwa kyo kii na pfinya ikaida ya wandu.

1 WAKORINTO 15:43

Kokeiiko kifanyi kochiṟutso kiila; koṟiko kii na wufafa koshika iṟutso kii na pfinya.

1 WAKORINTO 2:3

Njiwekukerye konu na mkao fo wufafa na wuowu na mdedema.

1 WAKORINTO 6:14

Na Ruwa kashika iṟutsa Mndumii nyi echishika iṟutsa naso kui pfinya yake.

2 WAKORINTO 10:10

Cha kipfa kwipfo wehamba, hoo paruo tsilamye, mnu na yapfinya, indi kiheri aiho o amonyi afafaa adi kui mbihu na mdedye foke nyi fomina.

2 WAKORINTO 12:10

Nkyo kimaduma kichihianyi na inyi kikeri kiile, ili njii wufafenyi ang'u shituryonyi ang'u shiwiṟenyi ang'u shiterengyonyi ang'u shipeṟehetsanyonyi shiwe shinjihoya kimaduma kya Kristo. Kyamba mandi njiiwufafenyi lyondo njii na pfinya.

2 WAKORINTO 13:9

Kyamba nyi kyaluinenga sia ili so lui wafafa nanyo mukawanga. Na kilya luiterewa kikeri kile, ke muhendesungusika.

WAFILIPI 3:10

Wo immanya o na pfinya ya maṟukyenyi hake na kyando kya mawawyo hake njihende fananyisho nao ma ipfo kipfionyi.

WAEBRANIA 5:7

Nao mafiri halya awei nyiamenyi tsake nyi aledasya ichu aleidima imletsa opfu shiterewo na sheeṟeṟo na shifuhio echimlilia malilio ha pfinya na imtonyitsya mchenyeṟe kashika iidikyo na iletso wuowu wuwembode.

1PETRO 3:18

Kipfa nao Kristo alepfa limu kipfa kya manyamaṟo hadu. Ichu asumhanyi alekaya walasumhanyi kundu naluduo ko Ruwa alewoho kui nyama indi kawewanzio moo kui mumuyo.

1PETRO 3:22

Nyio akukerye ipfo owokonyi lo kulyo lo Ruwa ili amaa idoya ruwehu ipfondo amshika ilaṟyo wasu wa ruwehu na waitoṟi na waapfinya.