2 WAKORINTO 13:11 - Bibilia Kui Mdedie fo Kimochi

¹¹ Kyefurumya, wanawawama, kaenyi-pfo na sia, mukunde iikimbo, muwe mochikumbuo kilya kimu, mukae na ofoṟo, nao Ruwa menyi ikunda na ofoṟo echikaa hamu nanyo.

2 WAKORINTO 13:11 ပူးပေါင်းရင်းမြစ်များ

MAWOOKIONYI 37:4

Wana wa mae wakawona ke ndeawo namkundi kota wana wa mae wose, wakamsuo, manya walakunde ideda nao kui ofoṟo.

MAWOOKIONYI 45:24

Yosefu kasamana na wana wa mae, wakakuhendia; nao kawawia, “Mulaloyane ipfo njienyi.”

MATAYO 1:23

“A mbuya, kukae mana aikoso nakapike, nafee mana o womi, na rina lyake wamlahe nyi Imanueli.” Imanueli nyi cha ili ohamba: Ruwa ai naso.

MATAYO 5:48

Kyasia, wenyi wandu waholokie wucha, chando na Nde-anuo ipfo ruwehu aholokie wucha!”

MARIKO 10:49

Yesu katirima-ho kahamba, “Kemlahenyi.” Wakalaha kipfupfuṟe ulya wechimbia, “Kyewuuyo nyi moo! Kure, nyi akulaha.”

MARIKO 9:50

Monyo nyi kindo kicha, kyaindi monyo fukomba ifinda fochikoṟa-se ki? Wadenyi monyo ipfo kiidi kyanu mbekukaya na ofoṟo nyo wenyi na wenyi.”

LUKA 9:61

Na ungi-se kahamba, “Mndumii, njechianga moawishana na iyo; indi kya kuwooka kemembikia momu njihende isamana na wandu wa kanyi koko.”

YOHANE 17:23

Washike iawutsyo mkae fokaa wamu kundu wuyana wumanye ke nyi iyo ulenjiduma; kowewakunda chandu ulenjikunda inyi.

MAWUTO HA WASU 15:29

Mukae mochilehana na shindo shii shidasye mfanano na samu na shindo shii shiotsuo na wuṟuhui. Mukakuima isho le nyi mowuta necha. Kekaeny na kipwo.”

MAWUTO HA WASU 18:21

Nyi alesamana nawo kehamba, “Ruwa kanjiwonya mwaanya njechiwuya na konu kyaṟo kingi.”

MAWUTO HA WASU 23:30

Na inyi njekiikimboke nyi arie yokyo mtambo nyi Wayuda nalyo ngamdika kopfo owinyi. Ngawawasa na walya wemkumba ke wache ideda mbonyi tsake sumuhana na iyo.”

WAROMA 12:16

Muwe mochikayana kui mhie fumu koorio mndu, mulawone mochihia kya shidembo shesonguo, kya indi muchumie muwodanyi na walya watutu. Mulakutane waṟango nyo muwenyi.

WAROMA 12:18

Kokoya kyewa-ho kui pfinya yo nyo murie, kewadienying'u wandu wose ofoṟo.

WAROMA 14:19

Ili nyi wudo kii luwingye isho shiende ofoṟo na isho shepfungana so luwenyi na wenyi.

WAROMA 15:13

Nao Ruwa-chu mokusihyo adi nawe mombonya nyo mfeṟa fo orio msiha fose na ofoṟo shirianyi na mwidikye fomwidikya kundu mukusuṟye necha mui na mkusihye kui pfinya ya Mumuyo Mwele.

WAROMA 15:33

Na Ruwa-chu menyi ofoṟo nakae nanyo mose. Amenyi.

WAROMA 16:20

Na Ruwa-cho menyi ofoṟo nyi echikaa natseneheṟye Satan ipfo shiya madende hanu owinyi. Wutonga wo Mndumii odu Yesu wukae nanyo.

1 WAKORINTO 1:10

Indi ngamututuma lanye wanawawama kui rina lya Mndumii odu Yesu Kristo ke muwe mochideda kimu mose, ipfo konu kulakae-pfo ndutsano kya indi mukae-ho mui-waṟeheṟye mhie fumu na mdumbuye fumu.

2 WAKORINTO 1:4

O ai moluwihiṟya moo shiwirenyi shadu shose luidime ikuwutya-ho iwihiṟya moo walya wai warohie kui kiwihiṟia kilya luikarisho nakyo nyi Ruwa.

2 WAKORINTO 13:14

Wutonga wo Mndumii Yesu Kristo na ikunda lya Ruwa na kyando kya Mumuyo Mwele shikae nanyo mose.

2 WAKORINTO 13:9

Kyamba nyi kyaluinenga sia ili so lui wafafa nanyo mukawanga. Na kilya luiterewa kikeri kile, ke muhendesungusika.

WAEFESO 4:12

Keteseheṟa wandu wa Ruwa kya oṟundo lo Kristo shyaando shewika mbihu fo Kristo,

WAEFESO 4:3

Ili mohidya necha iringa mkae fo mumuyo fokaa wamu kui kilunga kya ofoṟo.

WAEFESO 6:23

Ofoṟo lukae na wana wa wama na ikunda na wuidiki shiwukye ko Ruwa Wande na ko Mndumii Yesu Kristo.

WAFILIPI 1:27

Maṟi muhende kuachia kui chile tsa mkambo tsisumhanye ndumi ya sia yehamba Kristo, kundu na ilindi ngacha ngambona ma ilindi njii kuleshe ngawio kyanu njikoye muhoṟoki mhoṟoki fo mumuyo fumu mochikapanya mwidikye fo ndumi ya sia ya okiio mupfunganyi mui mrima fumu.

WAFILIPI 3:16

Aka-wo oondo lushikye itisiki lutisiki.

WAFILIPI 4:2

Ngatutuma Euodia ngawetutuma Sintike ke wawe wechihia mhie fumu kui Mndumii.

WAFILIPI 4:4

Kechihiyonyi shiheri shose ngawuya ihamba chihiyonyi mui-walunge na Mndumii.

WAFILIPI 4:9

Ishi mulekupfunda nasho koko mukashiwada kui iicho na iwona sho muwe mochishiwuta, na ofoṟo lo Ruwa lochikaa nanyo.

1WATESALONYIKYE 3:10

Lukaeri iterewa kio na mfiri lochiwika matu matu kundu luwone oshangu lonu na imarisa wuidiki wu wonu hando wowuṟa-se mwengeṟia.

1WATESALONYIKYE 4:1

Iki kyamsia, wanawawama, luimterewa na imwikimba kui Mndumii Yesu kundu muitike ichumia mochihenda mbele chando muleambya kiwewukye kodu kiimtutumya mchumie ichihianyi na Ruwa, nanyo na muichumia mudo.

1WATESALONYIKYE 4:18

Wihiṟianenyi moo nyo muwenyi na wenyi mochiongoyana oloho lu.

1WATESALONYIKYE 5:13

Muwaindye kya woeṟa na iwakunda kimaduma kya iṟunda lyo lyawo. Mwololyane muwenyi na wenyi.

1WATESALONYIKYE 5:16

Chihionyi kiheri kyose.

1WATESALONYIKYE 5:23

Nao Ruwa menyi ofoṟo amonyi namuilishe wuilishi wuchie wose. Na mumuyo fonu fuawukie na mrima na mbihu ilawade pari ikae mbedienyi yewedya iwuya lya Mndumii odu Yesu Kristo.

2WATESALONYIKYE 2:16

Nao Mndumii odu Yesu Kristo amonyi na Ruwa Ndeyadu ichu alelukunda na iluenenga kiwihiṟia moo kitsinde mulangana na owedo sa ucha kui wutonga.

2WATESALONYIKYE 3:1

Luterewienyi ko Ruwa Lyefurumia, wanawawama, keluterewyenyi kundu dedo lya Mndumii lidungane na iambio liweindyo cha ipfo konu.

2WATESALONYIKYE 3:16

Na Mndumii menyi ofoṟo namuenenge ofoṟo mfiri yose ko orio kindo. Mndumii nakae nanyo mose.

2TIMOTEO 2:22

Dicha malang'a halya ha ki-wanake, indi uwingye wuhoṟotsu na wuidiki na makundano na ofoṟo urianyi na wandu walya waiterewa Mndumii wawode ngoo tsiharami.

WAEBRANIA 12:14

Wingyenyi hamu na wose ikaa na ofoṟo na wuilisho, kipfa kulaipfo echiwona Mndumii alai mwilishe.

WAEBRANIA 13:20

Indi Ruwa ai menyi-ofoṟo nyi aletambachuo mlisi o machondi ipfo ko wapfu ichu ang'anyi kuisamu yewika-ho owiko lo mlungana, Mndumii odu Yesu.

YAKOBO 1:4

Indi wukuhodi wu wumarisie iṟunda lyawo ipfo kundo nyo mochiawukya muhendechia wyoo mulapfuwae ma kya iki ma kya iki.

1PETRO 3:11

Nadiche mawicho nahende iwuta kii kicha. Nawe mopfula ofoṟo na iluwingya.

1PETRO 3:8

Lya inutsya ngahamba, mukae mochihia kimu mose, muwe mochiichio wengi wukiwa mukundane, muwe mosaṟya, mukunyiṟe muwenyi.

1PETRO 5:10

Indi o Ruwa menyi wutonga wose ichu alemlahya wuitoṟi woke wulunganyi kui Kristo nyio echimlumbisha nyo muiwawyo kiheri kyangu echiwa moṟihika na ikahaṟa.

OTAMBAHALUO LO YOHANE 22:21

Wutonga wo Mndumii Yesu wukae na waele. Amenyi.