2 WAKORINTO 12:9 - Bibilia Kui Mdedie fo Kimochi

⁹ Nao kanjiwia, “Wutonga woko wukufoi kyamba pfinya yekekuholokya ipfo kundo kuwode wufafa.” Nkyo kimaduma kilya kinnengye sia iidye tsingi tsose nyi ikuṟumisha kya shilya shehamba wufafa woko, kundu pfinya ya Kristo insoke yekaa na inyi.

2 WAKORINTO 12:9 ပူးပေါင်းရင်းမြစ်များ

2WAMANGI 2:15

Na wana walya wa waikimbi wawei Yeriko maambasana, wekimbona walehamba, “Mumuyo fo Elia fui huya Elisha.” Wakacha iwonana nao, wakahongoma mbele yake.

SHIIMBO SHA DAWIDI 8:2

Madumbunyi ha wakoku waionga Nyi uwikie njotende tsa pfinya; Kipfa kya iwo wailimbana na iyo. Toromisha wakituwa na wetaa kiṟaache.

YESAYA 11:2

Na mumuyo fo Mndumii fochikaa huyake, mumuyo fo wuṟango na imanya, mumuyo fo chile na wuidimi, mumuyo fo wulaanyi na iindia Ruwa;

YESAYA 43:2

Koida kiidi kya mfu fo mṟinga njii nanyo; koida kiidi kya meda ifoi yechikuoweshapfo; kiidi kya modo, ochisenekia pfo manya olewo lo modo lochikukoṟapfo.

SEFANIA 3:17

Mndumii-Ruwa opfo, nai kiidi kya mbahanyi echiidima ikiṟa. Nechikukesekia na sia ing'anyi, Nekutsia ikundenyi lyake, nechikuchihiṟo na shiimbo.

MATAYO 28:18

Na Yesu kacha na alyando wai kadeda nawo kahamba, “Nyi njimnengye pfinya yose ya ipfo ruwehu na ya kunu wuyana.

MATAYO 28:20

Mbewalosha wakae na mbonyi tsilya njimbawasye tsose. Nahong'u ambuyenyi njii nanyo mafiri hose na kuwede kushike ili masiyonyi ha wuyana.”

LUKA 21:15

Kipfa ipfo madumbunyi hanu nyi inyi njechimbikia-pfo madedo ha wuṟango, na iwo wemkaṟuo wose, wechidima ihakaṟuo ma ihakanapfo.

1 WAKORINTO 10:13

Kiweipfo kihesho kilemhoya kilawei kya kiwandupfo. Na Ruwa ai mhendeli alechimda muhesho kidye mng'ang'ana fonu, kya indi handu hamu na kihesho kilya kawika-ho na mongo fowukia, kundu muidime ikutirisia.

1 WAKORINTO 15:10

Kya indi kui wutonga wo Ruwa nji chasa nji, na wutonga wu woke wunjikerye chi wulewa wo wulyapfo kya indi ngamewinya kya wueṟa kota wo wose, ma chi inyipfo shile nyi wutonga wu wo Ruwa wukeri na inyi.

1 WAKORINTO 2:3

Njiwekukerye konu na mkao fo wufafa na wuowu na mdedema.

1 WAKORINTO 2:5

Kundu mwidikye fonu fulakae wuṟango-hu wo ki-wandu kya indi wuwe fu-mbike kui pfinya ya Ruwa.

2 WAKORINTO 11:30

Kokoya nyi kiwari ikushela inyi njikushelye shindo shehamba wufafa woko.

2 WAKORINTO 12:1

Kiwaṟi ikuṟumisha, ma lilaende mbucha, na njechihoya ihamba mawonesyo na matambahaluo na Mndumii.

2 WAKORINTO 12:10

Nkyo kimaduma kichihianyi na inyi kikeri kiile, ili njii wufafenyi ang'u shituryonyi ang'u shiwiṟenyi ang'u shiterengyonyi ang'u shipeṟehetsanyonyi shiwe shinjihoya kimaduma kya Kristo. Kyamba mandi njiiwufafenyi lyondo njii na pfinya.

2 WAKORINTO 12:15

Na inyi njiangi tupu njikufole njimonyi na ikufolyo kipfa kya mrima yanu. Kikawa njimukundi njido kya ngoseṟa nao inyi njianguṟyo ihenda kundo ko?

2 WAKORINTO 12:5

Kya mndu cho njechikushelya, indi kyako inyi njimonyi njilechikushela shile nyi kya shilya shehamba wufafa woko.

WAEFESO 3:16

Kundu kui kisumbyonyi kya wuitoṟi woke namwenenge muhende iṟamtsyo pfinya ipfo wumndunyi wo kya mba kui Mumuyo oke.

WAFILIPI 4:13

Ngakuidimya njido shose njii na ichu monjikapya owanzo.

WAKOLOSE 1:11

Ruwa namsumbe owanzo lose lusumhanye pfinya ya wuitoṟi woke imwendie itirisia na ikukarishia lyose.

1TIMOTEO 1:14

Indi wutonga wo Mndumii odu wulefo mnu kui wuidiki na kui kunda lilya likeri Kristo-hu Yesu.

WAEBRANIA 11:34

Wakaṟumisha modo furie pfinya ing'anyi wakaturuchuka madumbu ha oshu wakahomoyo pfinya ili wawei wufafenyi, wakawa wawahanyi ipfo shidenyi, wakadichiṟa siṟi tsa mesa.

WAEBRANIA 4:16

Ikyo kiluenenge luitikirie kidembo kilya kya wutonga lui na wutumbe, kundu luambye-ho osaṟio luweshika ikoya-pfo wutonga woluendie ngaya yetambachuo liwe lya heri.

YOSHUA 1:9

Ambuya, nyi inyi Mndumii-Ruwa opfo njikeri ikuwawasa uwade ngoo njikari uwewa ngohoda, manya ulaowuo ma ipfiiyo nyi mdo kyamba njikeri handu hamu na iyo handu hose ochiida.”