2 WAKORINTO 12:2 - Bibilia Kui Mdedie fo Kimochi

² Njichi mndu o Kristo-hu nyio aledao huye mṟasa ruwehu lya kaṟaṟu maka yamsia wulalu ikumi na iina, nao kokoya awei mbihunyi mandi ho njichinyi ang'u alawei mbihunyi foke njichinyi, Ruwa aichi.

2 WAKORINTO 12:2 ပူးပေါင်းရင်းမြစ်များ

1WAMANGI 18:12

Kipfa kechiwa, ili njechikure kopfo, mumuyo fo Mndumii fochikuduo uhende kundu njilakuichi, na inyi ili njechihenda iwia, Ahabu, nao nalakuwone, nechinjiwaha, indi inyi mṟundi opfo njiowoye Mndumii wokia uwanake woko.

1WAMANGI 8:27

“Ale wai, Ruwa nechiidima ikaa orukenyi? Ambuya ruwehu yechikushika pfo ma ruwehu ya ruwehu yechiidima ikushika pfo kechiwa iki mba i njilewika?

2WAMANGI 2:16

Wakambia, “Ambuya iya kuiho na waṟundi wapfo wandu makumi hatanu wakari, lokuterewa wahende ishiha mndumii opfo, kilawe kofia mumuyo fo Mndumii fomrakuo na imkumba huya fumvu ang'u pichi limuho.” Kahamba, “Mulawadume.”

SHIIMBO SHA DAWIDI 148:4

Mwichikenyi, nyo ruwehu lya ruwehu, nanyo mṟinga mui huye ya ruwehu.

YESAYA 57:15

Kipfa ichu ai huye amng'anyishe, mokaa mlungana; ichu amlahe Mwele nahamba adi, “Njekekaa handu hakuirie, haele, hamu na ichu akunyiiṟie mrima na idumbuya, kundu njiṟutse ngoo tsa walya wakunyiiṟie na mrima ya walya waledumbuya.”

EZEKIELI 11:24

Njikeri njido kiidi kya ndodo iya, mumuyo fo Mndumii-Ruwa fukanjiiriya huye fukanjisotsia kulya Babiloni ko wandu walya wai wusingenyi. Nahong'u ndodo iya ikasia.

EZEKIELI 43:5

Nalyo mumuyo fukanjiiria kulya kyamba. Mng'ano fo Mndumii-Ruwa fukaichuṟa mba iya ya Mndumii-Ruwa.

LUKA 24:51

Kechiwawikia ona, kalekana nawo, kairio huye ruwehu.

YOHANE 6:56

Na mndu kalya nyama tsako kawenyo samu yako nyio akaa kiidi kyako na inyi njikaa kiidi kyake.

MAWUTO HA WASU 14:6

Kikasia wekishikyo nyi mbonyi tsi wakadichya mṟinyi ya Likaonyia na Lisitra na Deribe na kundo kulya kuṟasanyi naho.

MAWUTO HA WASU 22:17

Kikashika njekimaa iwuya na Yerusalemu njechiterewa ipfo hekalunyi ngakoya njii mkaonyi fo Mumuyo.

WAROMA 16:10

Muwenjiiṟikiṟya Apele icho na mtaanye mndu mkristo, kewenjiiṟikiṟyenyi walya wai kanyi ko Aristobulo.

WAROMA 16:3

Njiiṟikiṟyenyi Pirisika na Akila iwa wai wakyando wako wa Kristo-hu Yesu.

WAROMA 16:7

Muwenjiiṟikiṟya-wo Andironyiko na Yunyia washari wako waweei wapfunge kipfungonyi hamu na inyi, nyiwo wandu wamanyikie wa kiidi kya wasu wakawenjisongoya na iwa wandu wa Kristo.

WAROMA 16:9

Njiiṟikiṟyenyi Uribano mokyando oko o Kristo-hu na Stakisi mkunde oko.

WAROMA 8:1

Kyasia ili kii kido wulalu kwiho oseso lohoya walya wai Kristo-hu Yesu-pfo.

1 WAKORINTO 1:30

Na ipfo koke kwenyi kimaenyi kyanu kikeri ili mui Kristo-hu Yesu, nyio amelutaanyo nyi Ruwa wuṟango na wuhoṟotsu na wuiilisho na oletso.

2 WAKORINTO 11:11

Kimarete nyi ki? Nyi kipfa ndamukundi ko? Ruwa aichi.

2 WAKORINTO 13:5

Kuheshenyi nyo muwenyi kokoya mukeri wuidiki-hu, muhendekekutichya muwenyi. Ang'u mulakuichyo muwenyi ke Yesu Kristo akukerye konu? Kilamewa ke mui-wallakia.

2 WAKORINTO 5:17

Nkyo kyaenenga kokoya mndu ai Kristo-hu nyi amba mbika njihya; sha kacha shamesia, ate shose shamhenda ilawuka.

2 WAKORINTO 5:21

Ichu alaweichi wunyamaṟi nyio alemtana wunyamaṟi kimaduma kyadu so, kundu so luwe wenyi-wuhoṟotsu wo Ruwa lui mbihu-hu foke.

WAGALATIA 1:22

Maheri halya njilemanyika ko siṟi njikristo tsii ipfo Yudaya kui oshangupfo.

WAGALATIA 5:6

Cha kipfa ipfo Kristo-hu mbikye fochiapfinya-ho chi ifu fo mndu kokoya ai mdine ang'u alai mdinepfo, indi nyi ifu fo wuidiki wokusirya na Kristo wochikuhamba kui makundano.

WAEFESO 4:10

Mokusokya na mokudoya-ho nyio umu mfi, aledo huye ya maruwehu hose kundu na weluo wuyana-wu kose welu.

NGUMBUO YA MAWAWASO 10:14

Ambuya, ruwehu tane ruwehu tsa ruwehu nyi masaa ha Mndumii-Ruwa, Ruwa onu, wuyana na isho shose shiipfo.

1WATESALONYIKYE 4:17

Ikyo kilemba naso ili lui-se na moo luitsuhaa lochidao handu hamu na walya lui mapuchinyi lushike kumbuhanana na Mndumii ipfo mumuyohu. Na wudo lochikaa lui hamu na Mndumii maheri hose.

WAEBRANIA 4:14

Kyasia ili lui na mkohanyi ang'anyi ichu alekuidya maruwehu halya nyio Yesu Mana chu o Ruwa lukuwade na imhamba.

WAEBRANIA 9:24

Kyamba Kristo alawehenda hando haele hai-hawike na mawoko hahambie halya ha lohi kui mfano, kya indi kahenda ruwehu kwenyi nakuloṟe oshangunyi lo Ruwa wulalu echiluhoṟokya-ho so.

OTAMBAHALUO LO YOHANE 1:10

Ili kuweipfo mfiri fui fo Mndumii njilewado nyi Mumuyo, ngaicho ipfo numaako ṟu ling'anyi lyededa cha ombe.

OTAMBAHALUO LO YOHANE 12:5

Nao kafee mana ai o womi. Nyio echilisiṟa mkambo ya wahenu na oliio lo menya. Na kimana ki kyake kikashika itakuyo kikadao ruwehu ipfo ko Ruwa na loṟike-hu loke.

OTAMBAHALUO LO YOHANE 4:2

Oweṟe na ilu ngawado nyi Mumuyo. Ate ipfo ruwehu kuipfo loṟika-lo wuitoṟi na kuiho umu adamieho.