2 WAKORINTO 12:10 - Bibilia Kui Mdedie fo Kimochi

¹⁰ Nkyo kimaduma kichihianyi na inyi kikeri kiile, ili njii wufafenyi ang'u shituryonyi ang'u shiwiṟenyi ang'u shiterengyonyi ang'u shipeṟehetsanyonyi shiwe shinjihoya kimaduma kya Kristo. Kyamba mandi njiiwufafenyi lyondo njii na pfinya.

2 WAKORINTO 12:10 ပူးပေါင်းရင်းမြစ်များ

LUKA 6:22

“Wungusu nyio ili wandu wechimsuo na imuuma wakawemuuma na imruma-ruma na ikumba rina lyanu kuleshe cha ili liwei liwicho, nasho na kitewe kya Mana o Mndu.”

YOHANE 15:21

Kya indi ishi shose wechimuwutya nyi kipfa kya rina lyako inyi, kipfa walaichi ichu alenjiduma.

MAWUTO HA WASU 5:41

Nawo wakakure ipfo oshangunyi lo chila iya wai waṟamtsu cha kipfa kya isutso kipfa kya rina lya Yesu.

WAROMA 5:3

Ma chi kya ikyo tupupfo, kya indi lui wakesi ipfo shiwirenyi kipfa nyi luichi shiwira shekeende ikuhoda.

1 WAKORINTO 4:10

So lui matondo kimaduma kya Kristo, indi nyo mui waṟango kui Kristo. So nyi wafafa indi nyo nyi wawanzi. Nyo mui na kiṟumi kicha so lui na wusutsu.

2 WAKORINTO 1:4

O ai moluwihiṟya moo shiwirenyi shadu shose luidime ikuwutya-ho iwihiṟya moo walya wai warohie kui kiwihiṟia kilya luikarisho nakyo nyi Ruwa.

2 WAKORINTO 10:18

Kyamba chi ichu akuhamba amonyi awa mtechipfo shila nyi ichu aihambo nyi Mndumii.

2 WAKORINTO 12:9

Nao kanjiwia, “Wutonga woko wukufoi kyamba pfinya yekekuholokya ipfo kundo kuwode wufafa.” Nkyo kimaduma kilya kinnengye sia iidye tsingi tsose nyi ikuṟumisha kya shilya shehamba wufafa woko, kundu pfinya ya Kristo insoke yekaa na inyi.

2 WAKORINTO 13:4

Kyamba ma kikawa alewambyo msalabe-hu arie wufafa kya indi ai-ho na moo arie pfinya ya Ruwa. Natso na luifafaa lukuwodye nao, kya indi lochikaa-ho na moo lurianyi nao kui pfinya ya Ruwa yekuloṟa nanyo.

2 WAKORINTO 13:9

Kyamba nyi kyaluinenga sia ili so lui wafafa nanyo mukawanga. Na kilya luiterewa kikeri kile, ke muhendesungusika.

2 WAKORINTO 4:17

Kyamba iṟiyo lyo lyangu lya wukiwa wodu lyekaa oweṟe lo kidempfu, lyo lyalutanya wuitoṟi wo mlungana wuwode onu luiwonyo mwengeṟia na mwengeṟia.

2 WAKORINTO 4:5

Kyamba lulakeri ikuhamba so luwenyi, kya indi nyi luihamba Kristo Yesu mndumii, naso luwenyi lui masinga hemsingya nyo kimaduma kya Yesu.

2 WAKORINTO 5:15

Nao nyi alepfia wose kundu iwo wai na moo walawone wechikukaya na moo kipfa kyawo wawenyi, kya indi wawe wechikaya nafo ichu alewapfia kashika iṟutso.

2 WAKORINTO 5:20

Nkyo kyaenenga so lui wasu waende ndumi ya Kristo, na Ruwa nyi aimututuma ipfo kundu luideda, lomuterewa lui-wadume nyi Kristo, ke kundenyi isanzo na Ruwa.

2 WAKORINTO 6:4

Kya indi kya orio kindo kyose lukuloṟa wapfuṟukanyi wa Ruwa ili lokutirisia sa kafo, kiwe lui shiwirenyi kiwe lui mawinenyi kiwe lui wakoṟome mkoṟomu.

2 WAKORINTO 7:4

Njimukerye na wulalutsu wung'anyi, njikuṟumisha mnu kipfa kyanu; njiihutsu kiwihiṟya moo, njiichuo msiha fuidye mawawiṟo hadu hose.

WAEFESO 6:10

Kya shingi shose mukuwanzye Mndumii-hu na wunene-hu wo pfinya tsake.

WAFILIPI 1:29

Cha kipfa nyo mui-wasumbye kya Kristo ke mulawe mochimwidikya tupu kya indi muwewa mochituṟo kimaduma o.

WAKOLOSE 1:24

Wulalu ngachihio ipfo mawawiṟonyi halya njiiwawyo kipfa kyanu ngawemarisa shiwira sha Kristo ipfo mbihuhu foko ishi shiwekundi yengeṟyo-ho sha mbihu fu foke, mfo siṟi.

2WATESALONYIKYE 1:4

Nakyo kyaenenga so lokuṟumisha kipfa kyanu ipfo siṟinyi tsa Ruwa kya otirisi lonu na wuidiki wo ipfo shiterengyonyi shanu shose na shiwirenyi shilya mulekukarishia kyasho.

2TIMOTEO 3:11

Na shiterengyo na mawawyo halenjihoya ipfo Antiokia na ipfo Ikonio na ipfo Lisitra. Shiterengyonyi shilya njileshikarishia-ho na Mndumii alenjiletsa nasho shose.

YAKOBO 1:2

Wanawawama wako, kokoya moshika ihoyo shihesho shiwe na shiwe, iki mukitane sia ii njenyi.

OTAMBAHALUO LO YOHANE 2:3

Iyo uwode wukukarishi uwekukamadie kimaduma kya rina lyako ma kulahutse macha.