2 WAKORINTO 11:3 - Bibilia Kui Mdedie fo Kimochi

³ Indi ngaowuo ke chando njoka iya ilelemba Ewa kui ngeṟo yayo nyi wudo mhie yanu ishike ifuṟunjo yechida wusunjukukye na wukeha wohalukya Kristo.

2 WAKORINTO 11:3 ပူးပေါင်းရင်းမြစ်များ

MAWOOKIONYI 3:1

Kyasia na njoka iwewode mtaambo kota mando hangeṟenyi hose halewumbo nyi Mndumii-Ruwa. Nayo ikachea mka ulya: “Alae na lohi Ruwa ahambie mulawone mochilya Ndunda tsa mashidi ha hakunu mndenyi hose?”

MAWOOKIONYI 3:13

Mndumii-Ruwa kawia mka ulya, “Nkiki owuta iki?” Mka ulya kahamba: “Njoka yanlemba ngalya.”

MAWOOKIONYI 3:20

Adamu kadumbuya mka oke rina lyake nyi Ewa; kipfa nyio ai mayo-o wose wai na moo.

MAWOOKIONYI 3:4

Njoka ikawia mndu mka ulya, “Nkya lohi mochipfa-pfo,

SHIIMBO SHA DAWIDI 119:53

Nyashi ilenjiwada kipfa kya iwo walai wa wusumhanyi, wadeye iwawaso lyapfo.

MATAYO 24:24

Nyi kipfa kochikurepfo Wakristo wa wongo na waikimbi wa wongo. Waweloṟa-ho na mawuto manene ha kiṟingishyo na ha kiṟiha. Nyi kundu watewe na iwo wai wasambuṟe nokoe nyi kiwechiwa.

YOHANE 8:44

Nyo mui wana wa Mkumbi ulya onu, na mukundi iwuta lango tsa ndeanu. Na ishi shilango nyi Nde chu onyu nyisho mukundi ishiwuta. O awekeri mbahi, mowaha wandu wokia mawokyonyi; alakuwode wukilohi-hu ma hanga, kipfa wukilohi wulai nao. Ilindi adeda kii wongo kyo kii kyake akiende kii kya chure yake amonyi kipfa akeri mowongo kawa nyio mku mopaṟa shi wongo shose.

WAROMA 12:8

Msa amsumbe chila yewhiṟia wengi moo nawewuta ado. Kwipfo ai motutuma, nawekaa echitutuma; kwipfo Sa ai mohawia wengi shindo awode nahawe ai msalari, kwipfo ai mosaṟya, nakae-ho echiṟamka. Na mosaṟia nasaṟie na sia.

2 WAKORINTO 1:12

Kyamba kiṟumi kyadu kii-kiṟingishye nyi ngo tsa mrima tsadu tsihoṟoki nyi kikeri kii-le, ke nyi luwehendekye iya wuyana kui wutambachu na wuharami wuwukye ko Ruwa, chi luweṟanguo mbari nyi kiwandufo kya indi luwewodo nyi wutonga wo Ruwa, na wandu lulewakaya ludi kya wueṟa nyiwo nyo.

2 WAKORINTO 11:20

Kyamba nyi molekya kokoya mndu amutana singa, kokoya mndu amumeṟa, kokoya mndu ahenda imṟeha, kokoya mndu amkushelya, kokoya mndu amukapa kyamu.

2 WAKORINTO 11:29

Nyio wu ahenda ifafaa na inyi njilasanzi nao? Nyio wu ai mpfulutse na inyi njilasanzi nao? Nyio wu ai mpfulutse na inyi njilaake?

2 WAKORINTO 2:17

Kyamba so lulai cha wengi wafoi wekehaluo dedo lya Ruwa kindo kyekapa mbucha, kya indi luideda kui wulalutsu shiwukye ko Ruwa lukeri Kristo hu odatsinyi lo Ruwa.

2 WAKORINTO 4:2

Kya indi lulehye sha kiṟikenyi shepfia sonu; manya lulahendekye lui na ngeṟo, manya lulalongya idedo lya Ruwa kindo kii wongo, kya indi lokekumanyishya luwenyi ngo tsilya tsii mrimenyi tsa wandu lochihamba a pata kilya kii lohi lui oshanguny lo Ruwa.

WAGALATIA 1:6

Ngaṟihyo kyanu kya iweṟuka lyanu muweṟukye owinyi mudo mochiwuka ko ichu alemlaha kui wutonga wo ko Kristo mukawingya ndumi ingi.

WAGALATIA 2:4

Ee ko; na wanawawama na wongo na waweipfo wawekusoṟowitsye-ho, kundu waale mkuachie fodu lufuwode so lui Kristo-hu Yesu kundu waluwihiṟe wusingenyi.

WAGALATIA 3:1

Nyo Wagalatia, mfurunjikye ihia! Niwu alemtondosha? Nanyo muweloṟoloṟo Yesu Kristo itane ambonekya mesonyi hanu chando awemkapye msalabenyi.

WAGALATIA 4:11

Isho shinjiendie wuowu cha ili njilemṟundya kya wulya.

WAEFESO 4:14

Kundu lulakikae-se cha wakoku luwechiweṟutsoweṟutso na ipongitsopongitso nyi orio otanu lo ilosha lya wandu walembi kundu wadetse wengi kui mtaambo.

WAEFESO 4:22

Kuatuonyi mbikie fo wumndu wo kacha muwekupaye nawo kuwoka, nafo nyi fukeri ideka kui lango tsa wulembi.

WAEFESO 6:24

Wutonga wukae na wose wakundi Mndumii odu Yesu Kristo kui kikunda kilailachika.

WAKOLOSE 2:18

Manya mndu oose nalamuwonyie mti echikundya wutindili na wuindi wo mbaṟi ya wasu wa ruwehu aikushela kya shilya amewona echikutimbisha kui mhie ya nyama tsake alawode mweke Mndu o mbari ii amtondoshe nyi wulembi wo wuyanawu.

WAKOLOSE 2:4

Ngahamba iki kundu kulawone mndu echimlemba na mbonyi tsa wongo ma kokoya tsenongowya mdonyi.

WAKOLOSE 2:8

Kuṟisenyi mulawone mndu echimduo wapfunguo kui wulaanyi wulya wo kiwandu na wulembi wo mbonyi tsa wulya tsiduana na ṟungusu tsa wandu, tsa shiwundo sha wuyana wu shiladuanyi na Kristo amonyi.

1WATESALONYIKYE 3:5

Nkyo kitewe na inyi njilekiidima itsuwa ngamdumya kya imanya wuidiki wu wonu, kulako mtewi ulya amemtewa na mawina hadu hakawewa ha wulya.

1TIMOTEO 1:3

Lilyandi njiwekure njehenda Makedonyia njilekututuma ke ukae ipfo Efeso, kundu uikimbe wamang'nanya waliwe walawone welosha kiwungi.

1TIMOTEO 2:14

Chio Adamu aletungopfo, indi nyio mka aletungo na kamu kaweshika ihutso.

2TIMOTEO 3:13

Indi wandu walya wawicho na walembi wo wechiitika ihenda wichuo wechilemba wandu nawo wawenyi wai walembe.

TITO 1:10

Kyamba kwipfo wafoi wawode okuchu wenyi madedo ha melemele wai walembi, mnu nyi walya wa mkambo mdine.

WAEBRANIA 13:9

Mulahende patsyo nyi mapfundo maliwe hai ha kihenu. Kyamba kilya kii kicha kyechiwanza ngoo nyi wutonga chi chonga; tso tsiweendie walya wawekekurohya natso mbuchapfo.

2PETRO 3:17

Nahong'u, nyo mui wakunde wako, ili mulesonguo na samanya Mukuṟise kundu mulawone mochieko nyi odeko lulya lo watahachi wo muwechitaṟasha hando mokuilikishya-ho.

2PETRO 3:3

Kisongoye shose manyenyi kiheri kyefurumia kochicha wandu wetaluo, mchumie yawo inchilie nyi lango tawo njiwicho. Kochicha-pfo wetaluo wai wapirisi wenyi-wupiṟi wechichumia waiwaṟaishe nyi lango tsawo wawenyi.

1YOHANE 2:18

Wana, saa ifurumi iipfo. Iki muleicho ke iimakristo echicha. Na wulalu komba wafoi wai mai makristo. Nyihondo lokuwutyaho imanya ke saa ifurumi iipfo.

1YOHANE 4:1

Wakunde wako, ma mulaidikye orio mndu mohamba nawode mumuyo mliwe, kya indi mutume mnu kokoya mndu-chu nario nyi Mumuyo fo Ruwa ang'u ote. Kyamba waikimbi na wongo wafoi wamecha kunu wuyana.

YUDA 1:4

Kyamba kuipfo wandu walaichi Ruwa walekuṟoṟokuya kunu siṟinyi, nawo nyiwo ko kiira kya mkao yawo njiwicho walemsonguo iṟehyo mdumbuye yawo kacha nyiyo iile, ke nyi walemeshi wekepfuluo-pfuluo wutonga-wu wo Ruwa odu kui wulala wowo, wakeri ileha ichu ai mnene odu amonyi nyio Mndumii odu Yesu Kristo.

OTAMBAHALUO LO YOHANE 12:15

Na njoka ii ikadaika mṟinga ipfo dumbunyi lyayo fufoi cha meeda fuhende iduo mka ulya.

OTAMBAHALUO LO YOHANE 12:9

Na molyimo fu fung'anyi fukakumbo wanda, nyiyo njoka iya njiku ekelaho nyi Mkumbi na Satana. Nyio mtandawushi motandawusha wuyana wu wose. Kashika ikumbo wuyana. Na wasu wake wakawekumbyo-ho handu hamu nao.

OTAMBAHALUO LO YOHANE 20:2

Kawada molimo fulya, nyiyo njoka iya njiku, nao nyio mtengeti ulya Satana, kampfunga maka kiku kimu.