2 WAKORINTO 11:2 - Bibilia Kui Mdedie fo Kimochi

² Kyamba njiimlalakya nyo na wulalaki wo Ruwa, kyamba njiweimukosya mii umu njiendie Kristo sambuṟa njikeha.

2 WAKORINTO 11:2 ပူးပေါင်းရင်းမြစ်များ

YESAYA 54:5

Kipfa ichu alekuumba nyio mii opfo; Mndumii menyi Matoṟito nyilyo rina lyake; na Mwele o Israeli nyio mkiṟa opfo; O nyi echilaho nyi Ruwa o wuyana wose.

EZEKIELI 44:22

Mkohanyi ose alaalike mka mkusu ang'u mka alekanyi na mii. Ambuya nyi echialika mndu mka mkeha ai o mbaṟi ya Waisraeli ang'u mndu mka mkusu awemwalike nyi mkohanyi.

YOHANE 3:29

Ichu arie mka moaliko nyio menyi-wali. Indi mbuya ya menyi-wali ichu ahoṟoki oo afui kemwadanya nyi aichihio mnu na sia ing'anyi ili aicho menyi wali kechideda. Nyi wudo sia yako yaichuo pacha.

WAROMA 7:4

Nanyo wanawawama wako, na wudong'u, mulewohyo kyemletsa na wuwawaso wu kui mweeke fo mbihu fo Kristo; mui wake ichu aleṟutsa awuka wapfunyi luwe lochipfuṟukanya Ruwa mapfuṟukanyo.

1 WAKORINTO 4:15

Ma muwei na waichi wemwichia Kristo shiku na shiku chi muwode mudi na wemfee wafoipfo, kyamba nyio inyi njilemfee njii Kristo-hu kui ndumi ya sia ya okiio.

2 WAKORINTO 4:14

Nyi luichi ke o ichu aṟutsye Mndumii Yesu echiluṟutsa naso lui kimu na Yesu na iluhoṟotsa-ho handu hamu nanyo.

WAGALATIA 4:11

Isho shinjiendie wuowu cha ili njilemṟundya kya wulya.

WAFILIPI 1:8

Kipfa Ruwa akuichye chando njiwodo nanyo mmacha mose kui mweṟeṟukye fo Kristo Yesu.

WAKOLOSE 1:28

Nyio Kristo luimhamba lochitutuma orio mndu ose na ipfunda orio mndu ose kui wuṟango wose kundu luhoṟotse-ho orio mndu ose oshangunyi lo Ruwa natoṟikye Kristo toṟi.

1WATESALONYIKYE 2:11

Na mwichi chando luleikimba orio umu onu.

OTAMBAHALUO LO YOHANE 14:4

Nyiwo iwo walawekuterefutsye na imelukameluka wawekaa wakeha. Nyiwo wekeoshana na Kidahina ki orio hando kihenda. Nyiwo wametalao ipfo wandunyi wakasonguo italayo-ho Ruwa na Kidahina ki.