2 WAKORINTO 10:18 - Bibilia Kui Mdedie fo Kimochi

¹⁸ Kyamba chi ichu akuhamba amonyi awa mtechipfo shila nyi ichu aihambo nyi Mndumii.

2 WAKORINTO 10:18 ပူးပေါင်းရင်းမြစ်များ

MFANANO 12:8

Mndu nechiṟumisho kipfa kya wuṟango woke; Indi mndu o mrima fo okachu nechimino.

MFANANO 21:2

Orio njia ya mndu ii njicha mesonyi hake amonyi Indi Mndumii nekehesha ngoo.

MFANANO 27:2

Leka ungi nakuṟumishe manya chi iyo kumonyi-pfo; mndu mhenu manya chi dumbu lyafo iyo-pfo.

LUKA 16:15

Kyasia Wafarisayo walya waicho wado nawo nyiwe-wandu wawelangie mnu mapesa, wakakutsinyia kyake. Nao kawawia, ‘Nyo nyi mokekuhaluo wecha wasumhanyi oshangunyi lo wandu muwenyi, kyaindi Ruwa nyio aichi ngoo tsanu; cha-kipfa wutumbe wo ki-wandu nyi kindo kisuikie ko Ruwa.’

YOHANE 12:43

Kyamba nyi wawekundi iṟumisho nyi wandu kota irumisho nyi Ruwa.

MAWUTO HA WASU 2:22

“Lanye womi Waisraeli kundenyi muanguye madedo-ho madu. Yesu chu o Nasareti nyi mndu aledumo konu nyi Ruwa kechimanyisho kui maṟihio na ngata na shichano shi, sha Ruwa aweshiwuta kui kuwoko koke kiidi kyanu chando muichi muwenyi.

WAROMA 14:18

Kyamba ichu akuwode na ikyo awa mopfuṟukanya-ho Kristo nyio sa achihiṟye Ruwa kawekundo nyi wandu.

WAROMA 16:10

Muwenjiiṟikiṟya Apele icho na mtaanye mndu mkristo, kewenjiiṟikiṟyenyi walya wai kanyi ko Aristobulo.

WAROMA 2:29

Kya indi sa ai Myuda o lohi nyi ichu akukerye adi Myuda kya mba na odino nyi lukukerye ipfo kundo ngoo iinjitsane. Likawa kui Mumuyo likawewa kui mweke fo iwawaso. Na mndu ai adi kiichiko kyake ewikyo kiwukye ko wandupfo shila nyi ko Ruwa amonyi.

1 WAKORINTO 11:19

Kyamba nyi kuwaṟi iwoneka maletsano ifo konyu kundu walya waidima ikusiryo wamanyike na pata ipfo hamu kulaidimika kekulia kilayo kya Mndumii.

1 WAKORINTO 4:5

Nkyo kimaduma mulahende idumbuo kiheri kilandewiṟa itane Mndumii ache ichu echiendie senyi shindo shii-shiṟikishe meemenyi na itambaṟuya necha patehu chila tsikuwode ngoonyi Mandi na halya orio mndu ose kiṟumi kilya kimsumhanye nyi echiwikyo nyi Ruwa.

2 WAKORINTO 10:12

Ma lulakwaamye ikuitala kimu na iwo wekumanyisha wawenyi ma ikulinganyisha nawo; kya indi ipfo kundo wakuheṟa wawenyi na ikulinganyisha wawenyi mpfondo waashye imanya hando wai.

2 WAKORINTO 13:7

Indi njiterewa Ruwa namringe iwuta kindo kiwicho, chi njikeri imterewa kundu so lumanyike lui wekiapfo kya indi nyi kundu muwe wewuta kilya ki kicha naso luwe cha ili lulawekia.

2 WAKORINTO 3:1

Alewo nyi luwoka-se lingi ikumanyisha so uwenyi ko? Ang'u nyi luwuṟye cha wengi paruo tselumanyisha ipfo konyu ang'u tsingi tseluhamba tsii-njiṟehye n nyo ko?

2 WAKORINTO 5:12

Lulawuya ikumanyisha luwenyi ipfo konu, kya indi nyi lomnenga mweke fokuṟumisha kyadu so kundumuwute-ho ikukaya nafo sumuhana na walya wekekushela na kiṟumi kya oshangu tupu kiladoye ngoonyi.

2 WAKORINTO 6:4

Kya indi kya orio kindo kyose lukuloṟa wapfuṟukanyi wa Ruwa ili lokutirisia sa kafo, kiwe lui shiwirenyi kiwe lui mawinenyi kiwe lui wakoṟome mkoṟomu.

2TIMOTEO 2:15

Itika ikumanyishya Ruwa mṟundi mtsane alawode ipfia sonu iṟunda lyake echilosha idedo lya ki-wulohi kui wuhoṟotsu.

1PETRO 1:7

Kitewe nyi kundu kihesha mwidikye fonu kiende kiṟumi kicha kota kilya kyehesha sahabu iya yechisia nayo yekyemanyisho modonyi, kishikye iwono kyechiende kiichiko na wuitoṟi na kiṟumi mandi halya Yesu Kristo echiwonekya.