2 WAKORINTO 10:14 - Bibilia Kui Mdedie fo Kimochi

¹⁴ Kyamba so lulakuengeṟeṟa cha wandu walashika mṟasa konu cha kipfa lulemshika na mṟasa konu lochionguo ndumi ya-sia ya okiio ya Kristo.

2 WAKORINTO 10:14 ပူးပေါင်းရင်းမြစ်များ

MARIKO 1:1

Mawokionyi ha Ndumi ya Sia ya Yesu Kristo Mana o Ruwa.

MAWUTO HA WASU 20:24

Kya indi njiiringa moo foko fuwembiia mlodopfo. Kilya njiiringa nyi kingi, nyi kundu njekaa njikumarisye ohendo loko lo kipfuṟukanyo kilya njii mdambikye nyi Mndumii Yesu kyeṟingishya ndumi njicha ya wutonga wo Ruwa.”

WAROMA 1:16

Kyamba inyi njilapfia sonu kya Ndumi yo ya Sia ya okiio, kyamba nyi ikeri pfinya ya Ruwa yewonya orio mwidiki oletso iasie na mndu Myuda na mndu Mgriki.

WAROMA 16:25

Ruwa nyio aidima imukapya owanzo kechimteteṟa na Ndumi ya Sia ya Okiio yehamba Yesu Kristo nyiyo ii njikeri iiongoya na otambahaluo lo kyaama kilya kiwekaa kiweikikoome maheri halya halunganyi.

WAROMA 2:16

Kuwe mkonu fulya ilindi Ruwa echianduya kui mweke fo Yesu Kristo kya shilya sha wandu shii-shiṟike. Nyiyo ndumi njimdume nayo.

1 WAKORINTO 2:10

Natso nyio Ruwa alelutaṟa-mbuya kui Mumuyo. Kyamba mumuyo asumye shose na shiṟike sha kisenyi kya Ruwa.

1 WAKORINTO 3:10

Kui kiheo kya wutonga wo Ruwa njii-msumbe nyi ngamewika kiwanja cha mpfuru mṟango na ungi kawika-ho mba. Kya indi orio ose moiwika-ho naṟunde na osaṟe.

1 WAKORINTO 4:15

Ma muwei na waichi wemwichia Kristo shiku na shiku chi muwode mudi na wemfee wafoipfo, kyamba nyio inyi njilemfee njii Kristo-hu kui ndumi ya sia ya okiio.

2 WAKORINTO 2:12

Kyasia njekishika Troa keongwo ndumi ya sia ya okiio, na mongo fukanjiṟuhukya-ho kui Mndumii.

2 WAKORINTO 4:4

Nawo nyiwo Ruwa lya kiwulalu ki lilewaha mhie ya walaidiki wo, ngeela ya ndumi ya sia ya wuitoṟi wo Kristo ilahende iwalimika. Nao nyi awake Ruwa.

WAKOLOSE 1:5

Kimaduma kya kilya muiwedie muiwasuṟumye ipfo ruwehu. Nakyo nyi momsonguo ikiicho kui idedo lya wulohi wurie Ndumi ya Sia ya okiio.

1TIMOTEO 1:11

na kya kingi-se kyose iki kikeri ikapana na kiloshyo kyechiṟa mrima kisumhanye ndumi ya okiio iwukie wuitoṟinyi wo Ruwa ichu menyi sia, nayo njileiwawasyo.